ಕರಾವಳಿಯ ಪ್ರಸಿದ್ಧ ಮಂಗಳೂರು ದಸರಾ ಮಹೋತ್ಸವದ ಅದ್ಧೂರಿ ಶೋಭಾಯಾತ್ರೆಗೆ ಕ್ಷಣಗಣನೆ ಆರಂಭವಾಗಿದೆ. ಅಕ್ಟೋಬರ್ 21ರಂದು ನಡೆಯಲಿರುವ ಈ ವೈಭವದ ಮೆರವಣಿಗೆಗೆ 50ಕ್ಕೂ ಅಧಿಕ ಸ್ತಬ್ಧಚಿತ್ರಗಳು, ವಿವಿಧ ಜಿಲ್ಲೆಗಳ 20ಕ್ಕೂ ಹೆಚ್ಚು ಜಾನಪದ ಕಲಾತಂಡಗಳು, ಹುಲಿವೇಷ ತಂಡಗಳು ಹಾಗೂ ನಾಸಿಕ್ ಬ್ಯಾಂಡ್‌ಗಳು ಸಜ್ಜಾಗಿವೆ. ಈ ಬಾರಿ ಒಂದು ಲಕ್ಷಕ್ಕೂ ಅಧಿಕ ಮಂದಿ ಭಾಗವಹಿಸುವ ನಿರೀಕ್ಷೆಯಿದ್ದು, ನಗರದಲ್ಲಿ ದಸರಾ ಸಂಭ್ರಮ ಕಳೆಗಟ್ಟಿದೆ.

ಮಂಗಳೂರು, ಅ. 20: ಕರಾವಳಿಯ ಪ್ರಸಿದ್ಧ ಮಂಗಳೂರು ದಸರಾ ಮಹೋತ್ಸವದ ಅದ್ಧೂರಿ ಶೋಭಾಯಾತ್ರೆಗೆ ಕ್ಷಣಗಣನೆ ಆರಂಭವಾಗಿದೆ. ಅಕ್ಟೋಬರ್ 21ರಂದು ನಡೆಯಲಿರುವ ಈ ವೈಭವದ ಮೆರವಣಿಗೆಗೆ 50ಕ್ಕೂ ಅಧಿಕ ಸ್ತಬ್ಧಚಿತ್ರಗಳು, ವಿವಿಧ ಜಿಲ್ಲೆಗಳ 20ಕ್ಕೂ ಹೆಚ್ಚು ಜಾನಪದ ಕಲಾತಂಡಗಳು, ಹುಲಿವೇಷ ತಂಡಗಳು ಹಾಗೂ ನಾಸಿಕ್ ಬ್ಯಾಂಡ್‌ಗಳು ಸಜ್ಜಾಗಿವೆ. ಈ ಬಾರಿ ಒಂದು ಲಕ್ಷಕ್ಕೂ ಅಧಿಕ ಮಂದಿ ಭಾಗವಹಿಸುವ ನಿರೀಕ್ಷೆಯಿದ್ದು, ನಗರದಲ್ಲಿ ದಸರಾ ಸಂಭ್ರಮ ಕಳೆಗಟ್ಟಿದೆ.

alt="Ad Widget"/>

ಮಂಗಳೂರು ದಸರಾ ಕೇವಲ ಧಾರ್ಮಿಕ ಉತ್ಸವವಲ್ಲ, ಕರಾವಳಿಯ ಸಾಂಸ್ಕೃತಿಕ ವೈಭವ, ಕಲಾಪರಂಪರೆ, ಭಕ್ತಿ ಮತ್ತು ಸೌಹಾರ್ದದ ಪ್ರತೀಕವಾಗಿದೆ. ವಿವಿಧ ಸಂಘ-ಸಂಸ್ಥೆಗಳು ತಿಂಗಳುಗಳ ಪರಿಶ್ರಮದಿಂದ ಸಿದ್ಧಪಡಿಸಿರುವ ಪೌರಾಣಿಕ, ಜಾನಪದ ಹಾಗೂ ವಿನೂತನ ಪರಿಕಲ್ಪನೆಗಳ ಸ್ತಬ್ಧಚಿತ್ರಗಳು ಶೋಭಾಯಾತ್ರೆಯ ಪ್ರಮುಖ ಆಕರ್ಷಣೆಯಾಗಲಿವೆ.

<>

ವೈವಿಧ್ಯಮಯ ಸ್ತಬ್ಧಚಿತ್ರಗಳ ಆಕರ್ಷಣೆ
ಮಂಗಳೂರು ದಸರಾ ಮಹೋತ್ಸವದಲ್ಲಿ ಮೊದಲ ಮರ್ಯಾದೆಯ ತಂಡವೆಂಬ ಹೆಗ್ಗಳಿಕೆ ಹೊಂದಿರುವ ಮಂಜಲ್ ಬೈಲ್ ಫ್ರೆಂಡ್ಸ್, ತನ್ನ 76ನೇ ವರ್ಷದ ಸಂಭ್ರಮದಲ್ಲಿ ಹುಲಿವೇಷದ ಸ್ತಬ್ಧಚಿತ್ರದೊಂದಿಗೆ ಭಾಗವಹಿಸಲಿದೆ. ಕಾಳಿಚರಣ್ ಫ್ರೆಂಡ್ಸ್ ಶಾರದಾ ದೇವಿ ಹಾಗೂ ಹುಲಿವೇಷದ ಸ್ತಬ್ಧಚಿತ್ರವನ್ನು ಪ್ರದರ್ಶಿಸಿದರೆ, ಬರ್ಕೆ ಫ್ರೆಂಡ್ಸ್ ಕೇರಳದ ಸಾಂಸ್ಕೃತಿಕ ನೃತ್ಯ, ಶಾರದಾ ಸ್ತಬ್ಧಚಿತ್ರ ಮತ್ತು ನಾಸಿಕ್ ಬ್ಯಾಂಡ್‌ನೊಂದಿಗೆ ಮೆರವಣಿಗೆಯಲ್ಲಿ ಪಾಲ್ಗೊಳ್ಳಲಿದೆ.

ಶಿವ ಫ್ರೆಂಡ್ಸ್ ದುರ್ಗಾದೇವಿಯ ದೃಶ್ಯರೂಪಕ, ಜೂನಿಯರ್ ಬಾಯ್ಸ್ ಗುಬ್ಬಿ ಕುಣಿತ ಹಾಗೂ ಯುವ ಸಂಗಮ್ ಶಾರದಾ ಮಾತೆ ಮತ್ತು ಹುಲಿವೇಷದ ಸ್ತಬ್ಧಚಿತ್ರದ ಮೂಲಕ ಗಮನ ಸೆಳೆಯಲಿವೆ. ಓಂ ಸಾಯಿ ಫ್ರೆಂಡ್ಸ್ ನಾಗಕನ್ನಿಕೆಯ ಸ್ತಬ್ಧಚಿತ್ರವನ್ನು, ಪದುವಾ ಫ್ರೆಂಡ್ಸ್ ರಾಘವೇಂದ್ರ ಸ್ವಾಮಿಯ ರೂಪಕದೊಂದಿಗೆ ದೇವಾಲಯಗಳ ಮಾಹಿತಿಯನ್ನು ಒಳಗೊಂಡ ಎಲ್‌ಇಡಿ ಸ್ತಬ್ಧಚಿತ್ರವನ್ನು ಪ್ರಸ್ತುತಪಡಿಸಲಿದೆ.

ಬಿರುವೆರ್ ಕುಡ್ಲ ತಂಡದ ಕಾರ್ನಿವಲ್, ಜಂಗಲ್ ಸಫಾರಿ, ಶಾರದಾ ಮಾತೆ ಹಾಗೂ ಹುಲಿವೇಷವನ್ನು ಬಿಂಬಿಸುವ ನಾಲ್ಕು ಸ್ತಬ್ಧಚಿತ್ರಗಳು ವಿಶೇಷ ಆಕರ್ಷಣೆಯಾಗಲಿವೆ.

ಬಲ್ಲಾಳ್ ಭಾಗ್ ಫ್ರೆಂಡ್ಸ್, ಗ್ರೀನ್ ಪಾರ್ಕ್ ಫ್ರೆಂಡ್ಸ್, ಸತ್ಯಸಾರಾಮಣಿ ವಿವೇಕ್ ಟೈಗರ್ಸ್, ಬಲಿಪೆ ಫ್ರೆಂಡ್ಸ್, ತುಳುನಾಡ ಬಿರುವೆರ್, ಜವನೆರ್ ಕುಡ್ಲ, ಕುಡ್ಲ ಫ್ರೆಂಡ್ಸ್, ರೈಸಿಂಗ್ ಫ್ರೆಂಡ್ಸ್, ಟೀಮ್ ಅವತಾರ್ ಹಾಗೂ ಕಾಲಭೈರವ ಫ್ರೆಂಡ್ಸ್ ಸೇರಿದಂತೆ ಹಲವು ತಂಡಗಳು ವಿಭಿನ್ನ ವಿನ್ಯಾಸದ ಹುಲಿವೇಷದ ಸ್ತಬ್ಧಚಿತ್ರಗಳೊಂದಿಗೆ ಮೆರವಣಿಗೆಯ ಮೆರುಗು ಹೆಚ್ಚಿಸಲಿವೆ.

ಟೀಮ್ ತಾಂಡವದ ಶಿವನ ರೂಪಕ, ಕುಡ್ಲ ಕುಲಾಲೆರ್ ಚಾರಿಟೆಬಲ್ ಸೇವಾ ಟ್ರಸ್ಟ್‌ನ ಸ್ತಬ್ಧಚಿತ್ರ ಹಾಗೂ ಲಯನ್ಸ್ ಕ್ಲಬ್ ಮಂಗಳೂರು ಶಕ್ತಿಯ ದೇವರ ಮೂರ್ತಿಯ ಸ್ತಬ್ಧಚಿತ್ರವೂ ಮೆರವಣಿಗೆಯಲ್ಲಿ ಗಮನ ಸೆಳೆಯಲಿವೆ.

ಕುಡ್ಲ ಬ್ರದರ್ಸ್ ತಂಡವು ಕೃಷ್ಣಲೀಲೆಯನ್ನು ಬಿಂಬಿಸುವ ವಿನೂತನ ದೃಶ್ಯರೂಪಕದೊಂದಿಗೆ ಕೇರಳದ ವಯಲಿನ್ ಸಂಗೀತದ ವೈಶಿಷ್ಟ್ಯವನ್ನು ಪರಿಚಯಿಸುವ ಸ್ತಬ್ಧಚಿತ್ರವನ್ನು ಪ್ರದರ್ಶಿಸಲಿದೆ. ಬಲಿಪೆ ಫ್ರೆಂಡ್ಸ್ ಹಾಗೂ ತುಳುನಾಡ ಬಿರುವೆರ್ ತಂಡಗಳು ಕೂಡ ಹುಲಿವೇಷದ ಸ್ತಬ್ಧಚಿತ್ರಗಳೊಂದಿಗೆ ಭಾಗವಹಿಸಲಿವೆ.

ಭಕ್ತಿ, ಕಲೆ ಮತ್ತು ಸಂಸ್ಕೃತಿಯ ಸಂಗಮ
ತಿಂಗಳುಗಳ ಪರಿಶ್ರಮದಲ್ಲಿ ಸಿದ್ಧಗೊಂಡಿರುವ ಸ್ತಬ್ಧಚಿತ್ರಗಳು, ಜಾನಪದ ನೃತ್ಯಗಳು, ಹುಲಿವೇಷಗಳು ಹಾಗೂ ವಿವಿಧ ವಾದ್ಯಗಳ ನಿನಾದದೊಂದಿಗೆ ಮಂಗಳೂರು ದಸರಾ ಶೋಭಾಯಾತ್ರೆ ಭಕ್ತಿ, ಪರಂಪರೆ ಮತ್ತು ಸೃಜನಶೀಲತೆಯ ಅದ್ಭುತ ಸಂಗಮವಾಗಿ ಮೂಡಿಬರಲಿದೆ. ಈ ವೈಭವವನ್ನು ಕಣ್ತುಂಬಿಕೊಳ್ಳಲು ಮಂಗಳೂರು ನಗರ ಸಜ್ಜಾಗಿದೆ.

ಈ ಕುರಿತು ಮಾತನಾಡಿದ ಕುದ್ರೋಳಿ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್., “ಮಂಗಳೂರು ದಸರಾ ಮಹೋತ್ಸವದ ವೈಭವದ ಶೋಭಾಯಾತ್ರೆಯಲ್ಲಿ 50ಕ್ಕೂ ಅಧಿಕ ಸ್ತಬ್ಧಚಿತ್ರಗಳು, ವಿವಿಧ ಜಿಲ್ಲೆಗಳ 20ಕ್ಕೂ ಹೆಚ್ಚು ಕಲಾತಂಡಗಳು, ಬ್ಯಾಂಡ್ ಹಾಗೂ ಸಂಗೀತ ತಂಡಗಳು ಜನಮನಸೂರೆಗೊಳ್ಳಲಿವೆ. ಈ ಬಾರಿಯೂ ಒಂದು ಲಕ್ಷಕ್ಕೂ ಅಧಿಕ ಪ್ರವಾಸಿಗರು ದಸರಾ ಮಹೋತ್ಸವಕ್ಕೆ ಆಗಮಿಸುವ ಸಾಧ್ಯತೆಯಿದೆ” ಎಂದು ತಿಳಿಸಿದ್ದಾರೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:

Up Next

Mangalore-ಮಂಗಳೂರು ಜಿಲ್ಲಾ ಕುಸ್ತಿ ಸಂಘದ ಸಮಿತಿ ಪುನರ್ ರಚನೆ; ಅಧ್ಯಕ್ಷರಾಗಿ ಸುಜಿತ್ ರೈ ಪಾಲ್ತಾಡ್, ಉಪಾಧ್ಯಕ್ಷರಾಗಿ ರಾಮದಾಸ್ ಶೆಟ್ಟಿ ವಿಟ್ಲ, ಪ್ರಧಾನ ಕಾರ್ಯದರ್ಶಿಯಾಗಿ ನಿತ್ಯಾನಂದ ಶೆಟ್ಟಿ ದೇಲಂತಿಮಾರ್

Don't Miss

Mogaveera Pattanna-ಉಳ್ಳಾಲ ಮೊಗವೀರ ಪಟ್ಟಣ್ಣ ಶಾರದೋತ್ಸವ: ಬಾಂಡ್ ನೀಡಲು ಸ್ತಬ್ಧಚಿತ್ರ ಸಂಘಟಕರ ಹಿಂದೇಟು; ಪೊಲೀಸರಿಂದ ಕಟ್ಟುನಿಟ್ಟಿನ ಎಚ್ಚರಿಕೆ..!