ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ಕರ್ನಾಟಕ ದಕ್ಷಿಣ ಕನ್ನಡ ಜಿಲ್ಲೆಯ ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆ ಹಾಗೂ ವಿವೇಕಾನಂದ ಕನ್ನಡ ಮಾಧ್ಯಮ ಶಾಲೆಗಳ ಜಂಟಿ ಆಶ್ರಯದಲ್ಲಿ ಒಂದು ದಿನದ ಹೊರ ಸಂಚಾರ ಹಾಗೂ ಕೈಗಾರಿಕಾ ಭೇಟಿಯ ಉದ್ಘಾಟನೆಯನ್ನು ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯ ಮುಖ್ಯ ಗುರುಗಳಾದ ಶ್ರೀ ಸತೀಶ್ ಕುಮಾರ್ ರೈ ಉದ್ಘಾಟಿಸಿ, ಸದಾ ಸಿದ್ಧರು ಎನ್ನುವ ಸ್ಕೌಟ್ಸ್ ಮತ್ತು ಗೈಡ್ಸ್ ಧ್ಯೇಯ ವಾಕ್ಯಕ್ಕೆ ಅರ್ಥಪೂರ್ಣವಾಗಿ ಜೀವನ ಕೌಶಲ್ಯಗಳನ್ನು ಮೈಗೂಡಿಸಿಕೊಂಡು ಸಮಾಜಮುಖಿ ಕಾರ್ಯಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡು ಮಾನವತಾವಾದಿಗಳಾಗಿ ಬದುಕ ಬೇಕು ಎಂದರು.

ಧ್ವಜವನ್ನು ಅರಳಿಸುದರ ಮೂಲಕ ಹೊರ ಸಂಚಾರಕ್ಕೆ ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಕನ್ನಡ ಮಾಧ್ಯಮ ಶಾಲೆಯ ಪ್ರಾಥಮಿಕ ವಿಭಾಗದ ಮುಖ್ಯ ಗುರುಗಳಾದ ಶ್ರೀಮತಿ ನಳಿನಿ ವಾಗ್ಲೆ, ಹಾಗೂ ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯ ಪ್ರಾಥಮಿಕ ವಿಭಾಗದ ಮುಖ್ಯ ಗುರುಗಳಾದ ಶ್ರೀಮತಿ ಸಂಧ್ಯಾ ಹಾಗೂ ಶ್ರೀಮತಿ ಮಮತಾ ಇವರು ಉಪಸ್ಥಿತರಿದ್ದರು. ವಿವೇಕಾನಂದ ಕನ್ನಡ ಮಾಧ್ಯಮ ಶಾಲೆಯ ಹಿರಿಯ ಗೈಡ್ ಶಿಕ್ಷಕಿ ಹರಿಣಾಕ್ಷಿ. ಎ. ಸ್ವಾಗತಿಸಿದರು. ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯ ಗೈಡ್ ಶಿಕ್ಷಕಿ ಅನುರಾಧಾ. ಎ. ಧನ್ಯವಾದ ಸಮರ್ಪಿಸಿದರು. ನಿವೇದಿತಾ ಗೈಡ್ ಕಂಪೆನಿಯ ಗೈಡ್ ಅಮೃತ. ಬಿ. ಎ ಕಾರ್ಯಕ್ರಮ ನಿರೂಪಿಸಿದರು.

alt="Ad Widget"/>

ಪ್ರಕೃತಿಯ ಸೌಂದರ್ಯವನ್ನು ಸವಿಯುತ್ತಾ ಬೆಟ್ಟಗುಡ್ಡಗಳಲ್ಲಿ ವನ್ಯ ವಿದ್ಯಾ ಸಂಕೇತಗಳನ್ನು ಮೂಲಕ ಮಾರ್ಗವನ್ನು ಹುಡುಕುತ್ತಾ ಬಲ್ನಾಡು ಜಲಪಾತಕ್ಕಿರುವ ಸುಮಾರು ಹತ್ತು ಕಿಲೋಮೀಟರ್ ದೂರವನ್ನು ಕ್ರಮಿಸಿದರು. ಅಪರಾಹ್ನ ಭೋಜನದ ವ್ಯವಸ್ಥೆಯನ್ನು ಶ್ರೀಮತಿ ಉಮಾ ಮಾಡಿದರು. ಚಾರಣದ ನಂತರ ಕೆದಿಲ ಗ್ರಾಮದಲ್ಲಿರುವ ಹಾರ್ದಿಕ ಹರ್ಬಲ್ ನೀರಿನ ಕೈಗಾರಿಕಾ ಉದ್ಯಮಕ್ಕೆ ಭೇಟಿ ನೀಡಲಾಯಿತು. ಹಾರ್ದಿಕ್ ಹರ್ಬಲ್ ನೀರಿನ ಕಾರ್ಖಾನೆಯ ಮಾಲಕರಾದ ಶ್ರೀ ಮುರಳಿಧರ ಮತ್ತು ಶ್ರೀಮತಿ ಮೀರಾ ಮುರಳಿಧರ ಹಾಗೂ ಸಿಬ್ಬಂದಿ ವರ್ಗ ನೀರಿನ ಪರಿಷ್ಕರಣೆಗೆ ಸಂಬಂಧಿಸಿದ ಯಂತ್ರಗಳ ಕಾರ್ಯದ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ನೀಡಿದರು.

<>

ಹೊರಸಂಚಾರ ಹಾಗೂ ಕೈಗಾರಿಕಾ ಭೇಟಿಯಲ್ಲಿ ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯ ಸ್ಕೌಟ್ ಮಾಸ್ಟರ್ ಆದಂತಹ ದೀಪಕ್ ಹಾಗೂ ಶಿವಪ್ರಸಾದ್ ಗೈಡ್ ಕ್ಯಾಪ್ಟನ್ ಆದಂತಹ ಯಶಸ್ವಿನಿ ತಾಳೆಪ್ಪಾಡಿ, ಹಾಗೂ ವಿವೇಕಾನಂದ ಕನ್ನಡ ಮಾಧ್ಯಮ ಶಾಲೆಯ ಗೈಡ್ ಕ್ಯಾಪ್ಟನ್ ಆದಂತಹ ಶುಭಶ್ರೀ ಸಹಕರಿಸಿದರು ಇವರೊಂದಿಗೆ ಶಾಲಾ ವಾಹನ ಸಾರಥಿಗಳಾದ ಪುರಂದರ ಕೃಷ್ಣ ವಿಶ್ವಜಿತ್ ರೂಪೇಶ್ ಸಹಕಾರವನ್ನು ನೀಡಿದರು ಹಾಗೂ ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯ ಹಿರಿಯ ಸ್ಕೌಟ್ ವಿದ್ಯಾರ್ಥಿ ಶ್ರೀನಿಧಿ ಸಹಕರಿಸಿದರು.