ಸಂಘ ಪರಿವಾರದ ಪ್ರಯೋಗಶಾಲೆಯೆಂದೇ ಪರಿಗಣಿಸಲಾದ ದ ಕ ಜಿಲ್ಲೆಯಲ್ಲಿ ಅದರಲ್ಲೂ ಪುತ್ತೂರಿನಲ್ಲಿ ಕೋಮುದ್ವೇಷವನ್ನು ತೊಡೆದು ಹಾಕಿ ಸಮ ಸಮಾಜವನ್ನು ನಿರ್ಮಿಸಬೇಕಾದ ಹೊಣೆಗಾರಿಕೆ ಪ್ರಜ್ಞಾವಂತರಾದ ನಾಗರಿಕರ ಮತ್ತು ನಮ್ಮೆಲ್ಲರ ಮೇಲಿದೆ. ಕೋಮುವಾದಿಗಳ ಸುಳ್ಳು ಮತ್ತು ಅಪಪ್ರಚಾರ, ದ್ವೇಷ ಭಾಷಣಗಳನ್ನು ವೇದಿಕೆ ಸಮರ್ಥವಾಗಿ ಎದುರಿಸುವ ಸಂಕಲ್ಪವನ್ನು ಮಾಡಿದೆ. ಈ ನಿಟ್ಟಿನಲ್ಲಿ ಪುತ್ತೂರಿನಲ್ಲಿ ಮಾನವ ಬಂಧುತ್ವ ವೇದಿಕೆ ಮುಂದಿನ ದಿನಗಳಲ್ಲಿ ಕಾರ್ಯ ನಿರ್ವಹಿಸಲಿದೆ ಎಂದು ಅಮಳ ರಾಮಚಂದ್ರ ಹೇಳಿದರು.

ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಮಾನವ ಬಂಧುತ್ವ ವೇದಿಕೆಯ ವಿಭಾಗೀಯ ಸಂಚಾಲಕರಾದ ಪತ್ರಕರ್ತ ಸತೀಶ್ಕುಮಾರ್ ಮಾತನಾಡಿ ಸಂವಿಧಾನದ ರಕ್ಷಣೆ ಮತ್ತು ಸಾಮಾಜಿಕ, ಆರ್ಥಿಕ, ಸಾಂಸ್ಕೃತಿಕ , ರಾಜಕೀಯ ಸಮಾನತೆ ಹಾಗೂ ಶೋಷಣೆರಹಿತ ಸಮಾಜ ನಿರ್ಮಿಸುವ ಉದ್ದೇಶದಿಂದ ವೇದಿಕೆ ರಾಜ್ಯದಾದ್ಯಂತ ಕೆಲಸ ಮಾಡುತ್ತಿದೆ.

ಎಲ್ಲಾ ರೀತಿಯ ಮತೀಯ ಮೂಲಭೂತವಾದಿ ಶಕ್ತಿಗಳು ಮತ್ತು ಸ್ಥಾಪಿತ ಹಿತಾಸಕ್ತಿಗಳ ವ್ಯವಸ್ಥಿತವಾದ ಹುನ್ನಾರಕ್ಕೆ ಬಲಿಯಾಗಿ ನಿರಂತರವಾಗಿ ಶೋಷಣೆಗೆ ಒಳಗಾಗುತ್ತಿರುವ ತಳ ಸಮುದಾಗಳನ್ನು ಒಂದುಗೂಡಿಸಿ ಪ್ರಬಲವಾದ ಜನಪರ ಶಕ್ತಿಯನ್ನು ರೂಪಿಸುವುದು ಮಾನವ ಬಂಧುತ್ವ ವೇದಿಕೆಯ ಪ್ರಮುಖ ಗುರಿಯಾಗಿದೆ. ಜನಸಮುದಾಯವನ್ನು ಆವರಿಸಿಕೊಂಡಿರುವ ಮೌಢ್ಯ, ಕಂದಾಚಾರಗಳು ಮತ್ತು ಜೀವವಿರೋಧಿ ನಂಬಿಕೆಗಳನ್ನು ತೊಡೆದು ಹಾಕಲು ಅಗತ್ಯವಿರುವ ಶಿಕ್ಷಣವನ್ನು ನೀಡಿ ಸಮ ಸಮಾಜವನ್ನು ನಿರ್ಮಿಸುವುದು ವೇದಿಕೆಯ ಗುರಿಯಾಗಿದೆ.

ದೇಶದಲ್ಲಿ ಸಂವಿಧಾನ ವಿರೋಧಿ ಮಾನಸಿಕತೆಯನ್ನು ಬೆಳೆಸಲು ಪ್ರಯತ್ನಿಸುತ್ತಿರುವ ಶಕ್ತಿಗಳಿಂದ ದೇಶವನ್ನೂ ಬಚಾವು ಮಾಡುವ ಅವಶ್ಯಕತೆಯಿದೆ. ಮುಂಬಾಗದಲ್ಲಿ ಕೋಮು ದ್ವೇಷವನ್ನು ಗುರಾಣಿಯನ್ನಾಗಿ ಮಾಡಿಕೊಂಡು ಹಿಂದಿನಿಂದ ದೇಶದ ಸಂವಿಧಾನವನ್ನು ಬದಲಾಯಿಸುವ ಪ್ರಯತ್ನ ನಡೆಯುತ್ತಿದೆ. ದೇಶದ ಜನರ ತೆರಿಗೆ ಹಣದಲ್ಲಿ ಅಂಬಾನಿ ಅದಾನಿಗಳಂತಹಾ ಬೃಹತ್ ಕೈಗಾರಿಕೋದ್ಯಮಿಗಳನ್ನು ಕೊಬ್ಬಿಸುವ ಕಾರ್ಯ ನಡೆಯುತ್ತಿದೆ.

ಜನರ ಕೈಗೆ ಹಣ ನೀಡುವ ಕರ್ನಾಟಕ ಸರಕಾರದ ಗ್ಯಾರಂಟಿ ಯೋಜನೆಗಳು ರಾಜ್ಯದ ದುರ್ಬಲ ವರ್ಗಗಳ ಜನರ ಆರ್ಥಿಕ ಶಕ್ತಿಯನ್ನು ಹೆಚ್ಚಿಸಿ ಮಾರುಕಟ್ಟೆಯಲ್ಲಿ ಹಣದ ಹರಿವಿಗೆ ಕಾರಣಕರ್ತವಾಗಿದೆ ಎಂದು ಜಗತ್ತಿನ ಪ್ರಖ್ಯಾತ ಆರ್ಥಿಕ ತಜ್ಞರೊಬ್ಬರು ಹೇಳಿದ್ದಾರೆ ಗಾಂಧಿ, ನೆಹರೂ ಮತ್ತು ಅಂಬೇಡ್ಕರ್ರವರು ನಿರ್ದೇಶಿಸಿದ ಮಾರ್ಗದಲ್ಲಿ ದೇಶ ನಡೆಯಬೇಕಾಗಿದ್ದು ಸಂವಿಧಾನವನ್ನು ದುರ್ಬಲಗೊಳಿಸುವ ಶಕ್ರಿಗಳನ್ನು ಎದುರಿಸಿ ನಿಲ್ಲಬೇಕಾಗಿದೆ ಎಂದು ಅವರು ಹೇಳಿದರು.

ಆರ್ಯಾಪು ಸಿ.ಎ.ಬ್ಯಾಂಕ್ ಅಧ್ಯಕ್ಷ ಹೆಚ್.ಮಹಮ್ಮದ್ ಆಲಿಯವರು ಮಾತನಾಡಿ “ ಕೋಮು ದ್ವೇಷವನ್ನು ಪ್ರಚೋದಿಸಿ, ಜನರ ಶಾಂತಿ ನೆಮ್ಮದಿಯನ್ನು ಹಾಳು ಮಾಡಿ ಅದರಿಂದ ರಾಜಕೀಯ ಲಾಭ ಗಳಿಸಲು ಪ್ರಯತ್ನಿಸುವ ಎಲ್ಲಾ ಶಕ್ತಿಗಳ ವಿರುದ್ಧ ಯಾವುದೇ ರೀತಿಯ ಭಯ ಪಡದೆ, ಎದೆಗುಂದದೆ ಅವುಗಳನ್ನು ಸಮರ್ಥವಾಗಿ ಎದುರಿಸಲು ನಾವು ಕಂಕಣ ಬದ್ದರಾಗಬೇಕಾಗಿದೆ.. ಸಂವಿಧಾನದ ಆಶಯಗಳಿಗೆ ದಕ್ಕೆ ತರಲು ಪ್ರತ್ನಿಸುವ ಎಲ್ಲಾ ಶಕ್ತಿಗಳನ್ನೂ ವಿರೋಧಿಸಿ ಸೌಹಾರ್ದತೆಯ ಸಮಾಜವನ್ನು ನಿರ್ಮಿಸಬೇಕು ಜಿಲ್ಲೆಯ ಜನರಲ್ಲಿ ಸಾಮರಸ್ಯ ಮೂಡಿಸುವ ಕೆಲಸ ಆಗಬೇಕು ಎಂದು ಹೇಳಿದರು.
ಮಾಜಿ ಪುರಸಭಾ ಅಧ್ಯಕ್ಷ ಸೂತ್ರಬೆಟ್ಟು ಜಗನ್ನಾಥ ರೈಯವರು ಮಾತನಾಡಿ ಯಾವುದೇ ಜಾತಿ, ಧರ್ಮಗಳ ಮೇಲೆ ದ್ವೇಷವಿಲ್ಲದೆ ಎಲ್ಲರನ್ನು ಪ್ರೀತಿಸುವ ಮೂಲಕ ಸಂವಿಧಾನದ ಆಶಯದಂತೆ ಸಮ ಸಮಾಜದ ನಿರ್ಮಾಣಕ್ಕೆ ದುಡಿಯೋಣ ಎಂದು ಹೇಳಿದರು.

ಪ್ರಾಸ್ತಾವಿಕವಾಗಿ ಮಾತನಾಡಿ ವೇದಿಕೆಯ ಮುಖಂಡರಾದ ಮೌರಿಸ್ ಮಸ್ಕರೇನ್ಹಸ್ ಮಾನವ ಬಂಧುತ್ವ ವೇದಿಕೆ ಒಂದು ರಾಜಕೀಯ ರಹಿತ ವೇದಿಕೆಯಾಗಿದ್ದು ಸಾಮಾಜಿಕ ಚಳುವಳಿಗಳ ಮೂಲಕ ಜನರಲ್ಲಿ ಅರಿವು ಮೂಡಿಸುವ ಕೆಲಸ ಮಾಡುತ್ತಿದೆ ಎಂದು ಹೇಳಿದರು.

ಸುಮಾರು ಹತ್ತು ವರ್ಷಗಳ ಹಿಂದೆ ರಾಜ್ಯದ ಮುತ್ಸದ್ಧಿ ನಾಯಕರಾದ ಸತೀಶ್ಜಾರಕಿಹೊಳಿಯವರು ವೇದಿಕೆಯನ್ನು ಸ್ಥಾಪಿಸಿ ಮನ್ನಡೆಸುತ್ತಿದ್ದಾರೆ. 8 ವರ್ಷಗಳ ಹಿಂದೆ ಪುತ್ತೂರಿನಲ್ಲಿ ಆರಂಭವಾದ ವೇದಿಕೆಯ ಪುತ್ತೂರು ಘಟಕ ಯಶಸ್ವಿಯಾಗಿ ಮುನ್ನಡೆಯುತ್ತಿದೆ ಎಂದು ಹೇಳಿದರು.

ಪುತ್ತೂರು ಸರಕಾರಿ ಮೆಡಿಕಲ್ ಕಾಲೇಜು ಹೋರಾಟ ಸಮಿತಿಯ ಅಧ್ಯಕ್ಷ ಎಂ.ಬಿ.ವಿಶ್ವನಾಥ ರೈ , ವೇದಿಕೆಯ ನಿರ್ಗಮನ ಪ್ರಧಾನ ಸಂಚಾಲಕ ಮಹಾಲಿಂಗ ನಾಯ್ಕ ಉದ್ಯಮಿಗಳಾದ ವಲೇರಿಯನ್ ಡಯಾಸ್, ಮೌರಿಸ್ ಮಸ್ಕರೇನ್ಹಸ್, ರೋಷನ್ ರೈ ಬನ್ನೂರು , ಆಲಿಕುಂಞಿ ಕೊರಿಂಗಿಲ , ಶಶಿಕಿರಣ್ ರೈ , ಮಹಮ್ಮದ್ ರಿಯಾಝ್ ಕೊಪ್ಪಳ, ಭಾಸ್ಕರ ಕೋಡಿಂಬಾಳ , ಮನೋಹರ ರೈ ಎಂಡೆಸಾಗು, ಉಲ್ಲಾಸ್ ಕೋಟ್ಯಾನ್ , ವಿ.ಎಚ್.ಎ. ಶಕೂರ್ ಹಾಜಿ , ಸಿದ್ದೀಕ್ ಸುಲ್ತಾನ್ , ಹರೀಶ್ ಕೋಟ್ಯಾನ್ ನಿಡ್ಪಳ್ಳಿ , ಅಬ್ದುಲ್ ರೆಹಮಾನ್ ಯೂನಿಕ್ , ಪ್ಯಾಟ್ರಿಕ್ ಸಿಪ್ರಿಯಾನ್ ಮಸ್ಕರೇನ್ಹಸ್ , ಚಂದ್ರಶೇಖರ್ , ಅಬ್ದುಲ್ ಲತೀಫ್ , ವಿಕ್ಟರ್ ಪಾಯಿಸ್ , ಕೆ.ವಿಶ್ವನಾಥ ಪೂಜಾರಿ ಮಾಡಾವು , ಉಮ್ಮರ್ ಜನಪ್ರಿಯ ಆರ್ಲಪದವು , ಕಲಂದರ್ ಶಬಿ ನೆಕ್ಕಿಲಾಡಿ , ಬಿ.ಮಣಿ ಬಪ್ಪಳಿಗೆ , ದಿನೇಶ್ ಕೆ. ಅಬ್ದುಲ್ ಮಜೀದ್ , ಕೆ.ಬಾಲಕೃಷ್ಣ ಗೌಡ ಪಡ್ರೆ , ಶಾಹುಲ್ ಹಮೀದ್ ಜಾಲಗದ್ದೆ , ಮಹೇಶ್ ಕೆ. ಪಟ್ಟೆ , ಹಬೀಬುಲ್ಲಾ ಕಣ್ಣೂರು , ಗ್ರೆಗೊರಿ ಡಿ’ಸೋಜ , ಸದಾನಂದ ಭರಣ್ಯ , ಶೇಕ್ ಜೈನುದ್ದೀನ್ , ರೊನಾಲ್ಡ್ ಮೊಂತೆರೋ, ಸುಂದರ ನಿಧಿಮುಂಡ , ಪಿ.ಎಂ.ಇಬ್ರಾಹಿಂ, ವಿಠಲನ್ ನಾಯ್ಕ , ಕಲಾವಿದ ಕೃಷ್ಣಪ್ಪ , ಶ್ರೀಧರ ಪೂಜಾರಿ ಕೊಳ್ತಿಗೆ , ಚಂದ್ರಶೇಖರ , ಪ್ರವೀಣ ಕೆಮ್ಮಾರ , ಲೋಹಿತ್ ಬಾರಿಕೆ , ಅಬ್ದುಲ್ ಸತ್ತಾರ್ ಕೊಳ್ತಿಗೆ , ಸೈಮನ್ ಗೋನ್ಸಾಲ್ವಿಸ್ , ಶಾಹುಲ್ , ಶ್ರೀನಿಧಿ ಕೆ.ಜೆ , ಫಾರೂಕ್ ಟಿ.ಎಮ್ , ಜಾನ್ ಕೆನ್ಯೂಟ್ , ಐವನ್ ಡಿ’ಸೋಜ , ಗಂಗಾಧರ ಪಾಟಾಳಿ ಕಾವು, ಪೌಲ್ ಮೊಂತೆರೋ ಪುತ್ತೂರು, ವಿನ್ಸೆಂಟ್ ತಾವ್ರೋ , ರೋಷನ್ ಎಲ್.ಎ. ಡಯಾಸ್ , ರವೀಂದ್ರ ಕಾವು , ಝಬೈರ್ ಪಿ.ಕೆ , ಜಯಂತ ನಗರ , ಬಾಬು ಮರಿಕೆ, ಉಮರ್ ಫಾರೂಕ್ ರೆಂಜ ಮೊದಲಾದವರು ಸಭೆಯಲ್ಲಿ ಭಾಗವಹಿಸಿದರು.