ಹಿಂದೂಗಳಿಂದ ಹಿಂದೂಗಳಿಗಾಗಿ ಎಂಬ ಹೊಸ ಪರಿಕಲ್ಪನೆಯೊಂದಿಗೆ ಈ ವೆಬ್ ಸೈಟ್ ಮೂಡಿ ಬರಲಿದೆ.

ವಾಲಿಂಟಿಯರ್ ಹಾಗೂ ಮೆಂಬರ್ ಶಿಪ್ ಎಂಬ ಎರಡು ವಿಭಾಗವಿದ್ದು, ಮೆಂಬರ್ ಶಿಪ್ ಆದವರಿಗೆ ಕಾರ್ಯಕ್ರಮಗಳ ಅಪ್ ಡೇಟ್ ಸಂದೇಶ ಮೊಬೈಲ್ ಗೆ ಹೋಗಲಿದೆ. ಇದಕ್ಕೆ 10 ರೂ. ಸದಸ್ಯತನ ಶುಲ್ಕವಿದೆ.

ವಾಲಿಂಟಿಯರ್ ಗೆ ಉಚಿತ ಸದಸ್ಯತ್ವ ಇರಲಿದೆ. ಸದಸ್ಯತನ ಹಾಗೂ ವಾಲಿಂಟಿಯರ್ ಆಗುವವರಿಗೆ ಐಡಿ ಕಾರ್ಡ್ ಲಭಿಸಲಿದೆ.

ಡೋನೆಶನ್ ಮಾಡುವವರಿಗೂ ಅವಕಾಶವಿದೆ.

ರಕ್ತದಾನ ಮಾಡುವವರಿಗೆ ನೊಂದಣಿ ಹಾಗೂ ಸರ್ಟಿಫಿಕೇಟ್ ವ್ಯವಸ್ಥೆಯಿದೆ.

ಶ್ರೀನಿವಾಸ ಕಲ್ಯಾಣೋತ್ಸವ ಸಮಾಲೋಚನ ಸಭೆ :

ಶ್ರೀನಿವಾಸ ಕಲ್ಯಾಣೋತ್ಸವ ಸಮಾಲೋಚನ ಸಭೆ ಡಿ 2 ರಂದು ನಟರಾಜ ವೇದಿಕೆಯಲ್ಲಿ ನಡೆಯಿತು.

ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ತಿರುಪತಿ ಅರ್ಚಕರಾದ ಲಕ್ಷ್ಮೀಪತಿ ಮಾತನಾಡಿ , ತಿರುಮಲದಲ್ಲಿ ನಡೆಯುವ ಸೇವೆಯನ್ನು ಎಲ್ಲರೂ ಪಾಲ್ಗೊಳ್ಳುವುದು ಕಷ್ಟಕರ ಹೀಗಾಗಿ ಪುತ್ತೂರಿನಲ್ಲಿ ಬಹಳ ಅಚ್ಚುಕಟ್ಟಾಗಿ ಕಲ್ಯಾಣೋತ್ಸವ ನಡೆಯಲಿದೆ ಎಂದರು.

24 ಬೆಳಿಗ್ಗೆ ತಿರುಪತಿಯಲ್ಲಿ ಪ್ರಾತಃಕಾಲದ ಪೂಜೆ ವಿಧಿವಿಧಾನ ನಡೆದು ಸಂಜೆ ಪುತ್ತೂರಿಗೆ ಪುರಪ್ರವೇಶ ಆಗಲಿದೆ. ಎಲ್ಲಾ ಸಂಪ್ರದಾಯದವರಿಂದ ಸುಪ್ರಭಾತ ಸೇವೆ ನಡೆಯಲಿದೆ. ತೋಮಲಿಕೆ ಸೇವೆ , ನಂತರ ಪಂಚಾಮೃತಗಳಿಂದ ಮಂಗಲ ದೃವ್ಯಗಳಿಂದ ವಿಶೇಷವಾಗಿರುವ ಮಂಗಳಾಭೀಷೇಕ ನಡೆಯಲಿದೆ.

ಮಧ್ಯಾಹ್ನ ಹೋಮದ ಪೂರ್ಣಾಹುತಿ ನಂತರ , ತಿರುಮಂಜನಾಭಿಷೇಕ, ಮಹಾಪೂಜೆ ನಂತರ ಬ್ರಹ್ಮೋತ್ಸವದಲ್ಲಿ ನಡೆಯುವ ಆಲಂಕಾರ ಸೇವೆ ಪುತ್ತೂರಿನಲ್ಲಿ ನಡೆಯಲಿದೆ. ಕಾಶಿಯಾತ್ರಾ ಮಹೋತ್ಸವ ಸೇವೆ ನಡೆಯಲಿದೆ. ಮಹಾಗಣಪತಿ, ವಾಗ್ ನಿಶ್ಚಯ ಲಗ್ನಪತ್ರಿಕಾ ಸೇವೆ ನಡೆದು ಮಹೋತ್ಸವ ನಡೆಯಲಿದೆ. ಅಷ್ಟವಧನ ಸೇವೆ ಹಾಗೂ ಮಹಾಮಂಗಳಾರತಿ ಹಾಗೂ ತಿರುಮಲ ಲಡ್ಡು ಪ್ರಸಾದ ಜೊತೆ ತೀರ್ಥ ಪ್ರಸಾದ ನಡೆಯಲಿದೆ ಎಂದರು.

ಭಜನಾ ಸಾಧಕ ರಾಮಕೃಷ್ಣ ಕಾಟುಕುಕ್ಕೆ ಮಾತನಾಡಿ, ನಗರೀಕರಣ ಹಾಗೂ ನಾಗರೀಕತೆಯ ಜೊತೆ ಸನಾತನ ಧರ್ಮದ ಕಾರ್ಯಗಳು ಬೆಳೆಯಬೇಕು ಎಂದರು.

ಶ್ರೀನಿವಾಸ ಬರುವಾಗ ಅದ್ದೂರಿಗಿಂತ ಅದ್ದೂರಿ ಕಾರ್ಯಕ್ರಮ ಆಗುತ್ತದೆ. ಅದನ್ನು ಶ್ರೀನಿವಾಸನೇ ಮಾಡಿಕೊಳ್ತಾನೆ ಎಂದರು.

ಧರ್ಮದಲ್ಲಿ ಧಾರ್ಮಿಕತೆ ಇದ್ದರೆ ಸಮಾಜದಲ್ಲಿ ಶಾಂತಿ ನೆಲೆಸುವುದು ಸಹಜ ಎಂದರು. ಭಕ್ತಿ ಶ್ರದ್ಧೆಯಿಂದ ಮಾಡಿದರೆ ಪುಣ್ಯ ಖಂಡಿತ ಪ್ರಾಪ್ತಿಯಾಗ್ತದೆ. ಸನಾತನ ಸಂಸ್ಕೃತಿಗಾಗಿ ಎಲ್ಲರೂ ಪುತ್ತೂರಿನ ಬೃಹತ್ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಬೇಕು ಎಂದರು.

ವೇದಿಕೆಯಲ್ಲಿ ಮಾಣಿಲ ಶ್ರೀ ಮೋಹನದಾಸ ಸ್ವಾಮಿಜಿ ಮಾತನಾಡಿ, ಹಿಂದೂ ಸಮಾಜದ ಭಾವೈಕ್ಯತೆಗಾಗಿ ಈ ಕಾರ್ಯಕ್ರಮ ನಡೆಯಲಿದೆ ಎಂದರು.

ಕಲ್ಯಾಣೋತ್ಸವ ಹಿಂದೂಗಳ ಕಾರ್ಯಕ್ರಮ ಹಿಂದೂಗಳೆಲ್ಲ ಭಾಗವಹಿಸಬೇಕು. ಭಗವಂತನ ಸೇವೆಗಾಗಿ ವಿರೋಧಗಳಿದ್ದರು ಮೆಟ್ಟಿ ನಿಲ್ಲಬೇಕು. ಹುಟ್ಟು ಸಾವಿನ ನಡುವಿನ ಮನುಷ್ಯ ಜೀವನದ ದ್ವೇಷ ಬಿಡಲು ನಡೆಯುವುದೇ ಶ್ರೀನಿವಾಸ ಕಲ್ಯಾಣೋತ್ಸವ.

ಮನಶುದ್ದಿ ಮತ್ತು ಭಾವಶುದ್ದಿಗಾಗಿ ನಡೆಯುವ ಶ್ರೀನಿವಾಸ ಕಲ್ಯಾಣೋತ್ಸವದಲ್ಲಿ ಯಾರೇ ವಿರೋಧಿಸಿದರು ಪ್ರತಿ ಮನೆಯ ಹಿಂದೂಗಳು ಭಾಗವಹಿಸಬೇಕು. ಜಿಲ್ಲೆಯ ಎಲ್ಲಾ ಸಂಘಗಳು, ಸಂಘಟನೆಗಳು, ಶಿಕ್ಷಣ ಸಂಸ್ಥೆಗಳು ಒಂದಾಗಿ ಜಿಲ್ಲೆಯಲ್ಲೇ ಇತಿಹಾಸ ಬರೆಯುವ ಕಾರ್ಯಕ್ರಮ ಆಗುವುದರಲ್ಲಿ ಸಂಶಯವಿಲ್ಲ ಎಂದರು.

ಕಾರ್ಯಲಯ ಉದ್ಘಾಟನೆ ಸಂದರ್ಭ ನಿಧಿ ಸಂಚಯನದಲ್ಲಿ 12506 ರೂಪಾಯಿ ಕ್ಷಣದಲ್ಲಿ ಸಂಗ್ರಹ ಆಯ್ತು. ಇದರ ಸಂಖ್ಯೆ ಕೂಡಿಸಿದಾಗ 5 ಎಂದಾಗುತ್ತದೆ. ಪಂಚಮಮ್ ಕಾರ್ಯ ಶುಭಂ ಎಂದು ಸ್ವಾಮಿಜೀ ಹೇಳಿದರು.

ಶ್ರೀನಿವಾಸ ಕಲ್ಯಾಣೋತ್ಸವದಲ್ಲಿ ನೀವು ನೀಡುವ ಸಂಪತ್ತು ನಿಮಗೆ ನೂರು ಪಟ್ಟು ಹಿಂದಿರುಗಿ ಬರುವುದರಲ್ಲಿ ಯಾವೂದೇ ಸಂಶಯವಿಲ್ಲ ಎಂದು ಸ್ವಾಮೀಜಿ ಹೇಳಿದರು.

ಸ್ವಾಗತ ಸಮಿತಿಯ ಸಂಚಾಲಕ ಗಣೇಶ್ ಭಟ್ ಮಕರಂದ, ಪುತ್ತಿಲ ಪರಿವಾರದ ಅಧ್ಯಕ್ಷ ಪ್ರಸನ್ನ ಮಾರ್ತ, ಪ್ರಧಾನ ಕಾರ್ಯದರ್ಶಿ ಉಮೇಶ್ ವೀರಮಂಗಲ, ಭೀಮಯ್ಯ ಭಟ್, ಶ್ರೀನಿವಾಸ ಕಲ್ಯಾಣೋತ್ಸವದ ಪ್ರಧಾನ ಕಾರ್ಯದರ್ಶಿ ಮನೀಶ್ ಕುಲಾಲ್ ಉಪಸ್ಥಿತರಿದ್ದರು.

ಕಾರ್ಯಕ್ರಮ ಯಶಸ್ವಿಗಾಗಿ ಪ್ರಾರ್ಥನೆ ಸಲ್ಲಿಸಲಾಯಿತು.

ಅರುಣ್ ಕುಮಾರ್ ಪುತ್ತಿಲ ಪ್ರಾಸ್ತಾವಿಕ ಮಾತನಾಡಿ ಸ್ವಾಗತಿಸಿದರು. ಪ್ರಸನ್ನ ಮಾರ್ತ ಧನ್ಯವಾದಗೈದರು.