ಮುಖ್ಯ ಅತಿಥಿ ಮಹಾವೀರ ಆಸ್ಪತ್ರೆಯ ವೈದ್ಯಕೀಯ ತಜ್ಞ ಡಾ.ಸುರೇಶ್ ಕೆ. ಪುತ್ತೂರಾಯ ಮಾತನಾಡಿ, ಉಷಾ ಮೆಡಿಕಲ್ಸ್ ಪುತ್ತೂರಿನ ನಂ.1 ಮೆಡಿಕಲ್ ಆಗಿದ್ದು, ಇಲ್ಲಿ ಎಲ್ಲಾ ರೀತಿಯ ಔಷಧಿಗಳು ಲಭ್ಯವಿದೆ. ಈ ನಾಲ್ಕನೇ ಮಳಿಗೆಯೂ ಉತ್ತಮ ಸೇವೆಯನ್ನು ನೀಡುವಂತಾಗಲಿ ಎಂದು ಶುಭಹಾರೈಸಿದರು.

ಮಾಯಿದೆ ದೇವುಸ್ ಚರ್ಚ್ ಧರ್ಮುಗುರು ವಂ. ರೆ. ಫಾದರ್ ಲಾರೆನ್ಸ್ ಮಸ್ಕರೇನ್ಹಸ್ ಮಾತನಾಡಿ, ಯಾವುದೇ ಕಾರ್ಯವನ್ನು ತ್ಯಾಗ, ಶ್ರಮದಿಂದ ಮಾಡಿದರೆ ಯಶಸ್ಸು ಸಾಧ್ಯ ಎಂದರು. ನಮ್ಮ ಜೀವನದಲ್ಲಿ ಸಂತೋಷ ಬೇಕೆನ್ನುವರು ಅನೇಕರಿದ್ದಾರೆ. ಯಾವುದೇ ದ್ವೇಷ, ಸ್ವಾರ್ಥದಿಂದ ಬದುಕಿದಾಗ ನೆಮ್ಮದಿ ಸಾಧ್ಯವಿಲ್ಲ.

ಆದರೆ ಸಂತೋಷ, ನೆಮ್ಮದಿ ಬೇಕೆಂದರೆ ಆರೋಗ್ಯವೂ ಮುಖ್ಯವಾಗಿರುತ್ತದೆ. ಈ ನಿಟ್ಟಿನಲ್ಲಿ ಉಷಾ ಮೆಡಿಕಲ್ಸ್ ಅವಶ್ಯಕತೆಗಳನ್ನು ಪೂರೈಸುತ್ತಿದೆ ಎಂದರು.

ಮಾಡನ್ನೂರು ಜುಮ್ಮಾ ಮಸೀದಿ ಖತೀಬ ಎಸ್.ವಿ.ಮೊಹಮ್ಮದ್ ದಾರಿಮಿ ಉಪ್ಪಿನಂಗಡಿ ಮಾತನಾಡಿ, ಯಾವುದೇ ಒಂದು ರೋಗ ಬಂದರೆ ಅದಕ್ಕೆ ಔಷಧಿ ಇದ್ದೇ ಇರುತ್ತದೆ. ಅದರೆ ಅದನ್ನು ಕಂಡು ಹುಡುಕಬೇಕಾಗಿದೆ. ಗಣೇಶ್ ಭಟ್ ಅವರ ನಗುಮೊಗದ ಸೇವೆಯೇ ಅವರಿಗೆ ಶ್ರೀರಕ್ಷೆ. ಇದೊಂದು ಆರೋಗ್ಯ ಸೇವೆಯಾಗಿದೆ. ಆರೋಗ್ಯವಾಗಿದ್ದರಷ್ಟೇ ಸಮಾಜ ಅಭಿವೃದ್ಧಿಯಾಗುತ್ತದೆ. ಈ ನಿಟ್ಟಿನಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಉಷಾ ಮೆಡಿಕಲ್ಸ್‌ನ ಐದನೇ ಶಾಖೆಯೂ ಶೀಘ್ರ ಪ್ರಾರಂಭವಾಗಲಿ ಎಂದರು.

ಕಟ್ಟಡ ಮಾಲಕಿ ವಜ್ರೇಶ್ವರಿ ಜಿ.ಭಟ್ ಹಿರಣ್ಯ ಮಾತನಾಡಿ, ಉಷಾ ಮೆಡಿಕಲ್ಸ್ ನಮ್ಮ ಕಟ್ಟಡಕ್ಕೆ ಬಂದಿರುವುದು ಹೆಮ್ಮೆಯ ವಿಚಾರ. ಕಟ್ಟಡದ ಸೌಂದರ್ಯವೂ ಹೆಚ್ಚಿದಂತಾಗಿದೆ. ಸಂಸ್ಥೆ ಯಶಸ್ವಿಯಾಗಿ ಮುನ್ನಡೆಯಲಿ ಎಂದು ಹೇಳಿ ಶುಭಹಾರೈಸಿದರು.

ಕರ್ನಾಟಕ ರಾಜ್ಯ ಕೆಮಿಸ್ಟ್ಸ್ ಮತ್ತು ಡ್ರಗ್ಗಿಸ್ಟ್ಸ್ ಅಸೋಸಿಯೇಷನ್ ಸದಸ್ಯ ಡಿ.ಐ.ಪುರುಷೋತ್ತಮ್, ನಗರಸಭೆ ಉಪಾಧ್ಯಕ್ಷ ಬಾಲಚಂದ್ರ ಮತ್ತಿತರರು ಆಗಮಿಸಿ ಶುಭಹಾರೈಸಿದರು.

ಉಷಾ ಮೆಡಿಕಲ್ ಮಾಲಕ ಪಿ.ಗಣೇಶ್ ಭಟ್ ಅವರ ಪತ್ನಿ ಅರುಣಾ ಜಿ.ಭಟ್, ಪುತ್ರ ಆದಿತ್ಯ ಕಶ್ಯಪ್ ಎಂ., ಸಿಬ್ಬಂದಿ ವರ್ಗ ಹಾಗೂ ಬಂಧುಬಳಗದವರು ಉಪಸ್ಥಿತರಿದ್ದು ಅತಿಥಿಗಳನ್ನು ಸ್ವಾಗತಿಸಿ ಸತ್ಕರಿಸಿದರು.

ಕು. ವರ್ಷಲಕ್ಷ್ಮೀ ಪ್ರಾರ್ಥಿಸಿದರು. ಕಸಾಪ ಅಧ್ಯಕ್ಷ ಪುತ್ತೂರು ಉಮೇಶ್ ನಾಯಕ್ ಕಾರ್ಯಕ್ರಮ ನಿರೂಪಿಸಿ ಸ್ವಾಗತಿಸಿದರೆ, ಉಷಾ ಮೆಡಿಕಲ್ಸ್ ಮಾಲಕ ಪಿ.ಗಣೇಶ್ ಭಟ್ ವಂದಿಸಿದರು.