ಮತ್ತೆ ರಾತ್ರಿ ಪ್ರಯಾಣ ಮುಂದುವರೆಸಿ ಜೂನ್ 4 ರಂದು ಮುಂಜಾನೆ 3:50 ರ ಸುಮಾರಿಗೆ ನರ್ಕುಡ ಎಂಬ ನಿರ್ಜನ ಪ್ರದೇಶವನ್ನು ತಲುಪಿದ್ದಾರೆ ಈ ವೇಳೆ ಅಪ್ಸರಾ ಗಾಢ ನಿದ್ರೆಗೆ ಜಾರಿದ್ದು ಇದನ್ನು ಬಂಡವಾಳವಾಗಿ ಬಳಸಿ ಕಾರಿನ ಸೀಟ್ ಬೆಲ್ಟ್ ನಿಂದ ಅಪ್ಪರಾ ಕುತ್ತಿಗೆಗೆ ಬಿಗಿದು ಕಾರಿನೊಳಗಿಟ್ಟಿದ್ದ ಕಲ್ಲಿನಿಂದ ಅಪ್ಸರಾ ತಲೆಗೆ ಹೊಡೆದಿದ್ದಾನೆ ಈ ವೇಳೆ ಅಪ್ಸರಾ ಸ್ಥಳದಲ್ಲೇ ಸಾವನ್ನಪ್ಪಿದ್ದಾಳೆ.

ಇದಾದ ಬಳಿಕ ಆಕೆಯ ಶವವನ್ನು ಬಟ್ಟೆಯಿಂದ ಸುತ್ತಿ ಸರೂರ್‌ನಗರದಲ್ಲಿರುವ ತನ್ನ ಮನೆಗೆ ಬಂದಿದ್ದಾನೆ. ಎರಡು ದಿನಗಳ ಕಾಲ ಅಪ್ಸರಾ ಶವವನ್ನು ಕಾರಿನಲ್ಲೇ ಇಟ್ಟು ತನ್ನ ಕೆಲಸವನ್ನು ಮಾಡಿಕೊಂಡಿದ್ದ ಬಳಿಕ ಎರಡು ದಿನ ಬಿಟ್ಟು ಅಪ್ಪರಾ ಶವವನ್ನು ಕವರ್‌ನಲ್ಲಿ ಸುತ್ತಿ ಸರೂರ್‌ನಗರದ ಬಂಗಾರು ಮೈಸಮ್ಮ ದೇವಸ್ಥಾನದ ಬಳಿಯ ಮ್ಯಾನ್‌ಹೋಲ್‌ಗೆ ಎಸೆದಿದ್ದಾನೆ ಇದಾದ ಬಳಿಕ ಎಲ್ಲಿ ಶವ ಕೊಳೆತು ದುರ್ನಾತ ಬೀರುತ್ತದೆ ಎಂದು ಭಾವಿಸಿ ಲಾರಿಯಲ್ಲಿ ಮಣ್ಣು ತಂದು ಮ್ಯಾನ್ ಹೋಲ್ ಗೆ ತುಂಬಿಸಿ ಸಿಮೆಂಟ್ ಹಾಕಿ ಮುಚ್ಚಿಸಿದ್ದ.

ಪೋಷಕರಿಂದ ದೂರು:
ಇತ್ತ ಕೊಯಮುತ್ತೂರಿಗೆ ಹೊರಟ ಮಗಳು ಪೋಷಕರಿಗೆ ಕರೆ ಮಾಡಿಲ್ಲ ಅಲ್ಲದೆ ತಾವು ಕರೆ ಮಾಡಿದಾಗಲೂ ಕರೆ ಸ್ವೀಕರಿಸಲಿಲ್ಲ, ಇದರಿಂದ ಗಾಬರಿಗೊಂಡ ಪೋಷಕರು ಸಾಯಿ ಕೃಷ್ಣ ಬಳಿ ವಿಚಾರಿಸಿದ್ದಾರೆ ಅದಕ್ಕೆ ಆತ ತಾನು ಆಕೆಯನ್ನು ಏರ್ ಪೋರ್ಟ್ ಗೆ ಬಿಟ್ಟು ಬಂದಿರುವುದಾಗಿ ಹೇಳಿದ್ದಾನೆ, ಬೇರೇನೂ ಉಪಾಯ ಕಾಣದೆ ಪೋಷಕರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಪೊಲೀಸರಿಂದ ತನಿಖೆ:
ಮಗಳು ನಾಪತ್ತೆಯಾಗಿರುವ ಕುರಿತು ನೀಡಿದ ದೂರಿನ ಆಧಾರದಲ್ಲಿ ತನಿಖೆ ಕೈಗೆತ್ತಿಕೊಂಡ ಪೊಲೀಸರು ಮೊದಲು ಆಕೆಯನ್ನು ವಿಮಾನ ನಿಲ್ದಾಣಕ್ಕೆ ಕಾರಿನಲ್ಲಿ ಬಿಟ್ಟ ಸಾಯಿ ಕೃಷ್ಣನನ್ನು ವಿಚಾರಣೆ ನಡೆಸಿದ್ದಾರೆ ಮೊದಲು ತನಗೆ ಏನೂ ಗೊತ್ತಿಲ್ಲ ತಾನು ಆಕೆಯನ್ನು ವಿಮಾನ ನಿಲ್ದಾಣಕ್ಕೆ ಬಿಟ್ಟು ಬಂದದ್ದು ಮಾತ್ರ ಮತ್ತೇನು ಗೊತ್ತಿಲ್ಲ ಎಂದಿದ್ದ ಆದರೆ ಪೊಲೀಸರಿಗೆ ಅನುಮಾನಗೊಂಡು ಅವರ ಶೈಲಿಯಲ್ಲೇ ವಿಚಾರಣೆ ನಡೆಸಿದ ವೇಳೆ ತಾನು ಮಾಡಿದ ಕೃತ್ಯವನ್ನು ವಿವರಿಸಿದ್ದಾನೆ.

ಬಳಿಕ ಮ್ಯಾನ್ ಹೋಲ್ ನಲ್ಲಿ ಹೂತಿದ್ದ ಅಪ್ಸರಾ ಮೃತದೇಹವನ್ನು ಪೊಲೀಸರು ವಿಲೇವಾರಿ ಮಾಡಿ ಮರಣೋತ್ತರ ಪರೀಕ್ಷೆಗೆ ಆಸ್ಪತ್ರೆಗೆ ರವಾನಿಸಿದ್ದು ವರದಿಯಲ್ಲಿ ಆಕೆಯ ಮೇಲೆ ಕಲ್ಲಿನಿಂದ ಹಲ್ಲೆ ನಡೆಸಿರುವುದು ಜೊತೆಗೆ ಕುತ್ತಿಗೆಗೆ ಸೀಟ್ ಬೆಲ್ಟ್ ನಿಂದ ಬಿಗಿದಿರುವುದು ಬೆಳಕಿಗೆ ಬಂದಿದೆ.

ಸದ್ಯ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಂಗಾರೆಡ್ಡಿ ಜಿಲ್ಲಾ ನ್ಯಾಯಾಲಯ ಐಯ್ಯಂಗಾರಿ ಸಾಯಿ ಕೃಷ್ಣನನ್ನು ಅಪರಾಧಿ ಎಂದು ಘೋಷಿಸಿ ಜೀವಾವಧಿ ಶಿಕ್ಷೆಯನ್ನು ನೀಡಿದೆ.