ಮೈಂಡ್‌ ಗೇಮ್‌ ಶುರು ಮಾಡಿಯೇ ಬಿಟ್ಟರು ಚೈತ್ರಾ! ನರಕವಾಸಿಗಳಲ್ಲಿ ಮೊದಲಿಗೆ ಚರ್ಚೆಯಾಗುತ್ತೆ. ನಾವು ಸರಿಯಾಗಿ ಕೆಲಸ ಮಾಡಿಲ್ಲ ಅಂದರೆ ಸ್ವರ್ಗದವರೇ ಹೊಣೆ ಆಗುತ್ತಾರೆ. ಹಾಗೇ ನಾವು ಟೈಮ್‌ ವೇಸ್ಟ್‌ ಮಾಡಬೇಕು ಅಲ್ಲಿ ಹೋಗಿ ಎಂದು ಪ್ಲ್ಯಾನ್‌ ಮಾಡ್ತಾರೆ. ಆದರೆ ಅತ್ತ ಸ್ವರ್ಗದಲ್ಲಿ ಉಗ್ರಂ ಮಂಜು ಅವರು ನರಕವಾಸಿಗಳು ನಮ್ಮ ಕೈಯಲ್ಲಿ ಮಿಸ್ಟೇಕ್ ಮಾಡಿಸೋಕೆ ಸಿಕ್ಕಾಪಟ್ಟೆ ಪ್ರಯತ್ನ ಪಡ್ತಾರೆ. ರೂಲ್ಸ್ ಬ್ರೇಕ್‌ ಮಾಡೋಕೆ, ಕೆಣಕೋಕೆ ಬಂದೇ ಬರ್ತಾರೆ ಸ್ವಲ್ಪ ನಾವು ಅಲರ್ಟ್‌ ಆಗಿ ಇರೋಣ ಅಂತ ಎಚ್ಚರಿಕೆ ಕೊಟ್ಟಿರುತ್ತಾರೆ.

ಅಲ್ಲಿಂದ ಆಟ ಶುರುವಾಗುತ್ತೆ. ಚೈತ್ರಾ ಅವರು ಇಡೀ ಸ್ವರ್ಗದ ಮನೆಯ ನಿವಾಸಿಗಳ ಮೇಲೆ ಹಿಡಿತ ಸಾಧಿಸುತ್ತಾರೆ. ಮಾತ್ರವಲ್ಲ ಟೈಮ್‌ ವೇಸ್ಟ್‌ ಮಾಡ್ತಾರೆ. ಚೈತ್ರಾ ಅವರು ಹೆಚ್ಚು ಮನೆಯಲ್ಲಿ ಜೋರಾಗಿ ಮಾತಾಡ್ತಾರೆ. ರೂಲ್ಸ್‌ ಬುಕ್‌ನಲ್ಲಿ ಮಾತನಾಡಬಾರು ಅಂತ ಏನಿಲ್ವಲ್ಲ? ಎಂದು ಭರ್ಜರಿಯಾಗಿಯೇ ಟಾಂಗ್‌ ಕೊಡ್ತಾರೆ.

ಹಣ್ಣನ್ನು ಕಸಿದು ತಿನ್ನುತ್ತಾರೆ ಚೈತ್ರಾ. ಅಲ್ಲಿಂದ ಮತ್ತೆ ಸ್ವರ್ಗದ ನಿವಾಸಿಗಳಲ್ಲೇ ಗಲಾಟೆ ಆಗುತ್ತೆ. ಹೀಗೆ ಪ್ರತಿ ಹಂತದಲ್ಲಿಯೂ ಸ್ವರ್ಗದವರನ್ನು ಕೆಣುಕತ್ತಲೇ ಇರುತ್ತಾರೆ ಚೈತ್ರಾ. ಹಣ್ಣು ಮುಟ್ಟಿದ್ದಕ್ಕೆ ಯಮುನಾ ಅವರು ಚೈತ್ರಾ ಅವರಿಗೆ ಕ್ಲಾಸ್‌ ತೆಗೆದುಕೊಂಡರೂ, ಬಿಗ್ ಬಾಸ್’ ಪನಿಶ್‌ಮೆಂಟ್ ಕೊಡ್ತಾರೆ. ನಿಮಗೆ ರೈಟ್ಸ್ ಇಲ್ಲ ಎಂದು ಚೈತ್ರಾ ಕುಂದಾಪುರ ಗುಡುಗುತ್ತಾರೆ.

ಹಾಗೇ ಗೋಲ್ಡ್‌ ಸುರೇಶ್‌ ಅವರು ಎಲ್ಲ ಕೆಲಸ ಮಾಡ್ತಾರೆ. ಇದರಿಂದಾಗಿ ಸ್ವರ್ಗದವರಿಂದ ಮೆಚ್ಚುಗೆ ಸಿಗುತ್ತೆ. ಆದರೆ ಚೈತ್ರಾ ಬಗ್ಗೆ ಇಡೀ ಸ್ವರ್ಗದ ಸ್ಪರ್ಧಿಗಳು ಅಸಮಾಧಾನ ಹೊರ ಹಾಕುತ್ತಾರೆ. ಚೈತ್ರಾ ಮಾಡಿದ ಸ್ಟ್ರಾಟಜಿಯೇ ಹಾಗಿತ್ತು. ಚೈತ್ರಾ ಅವರು ಸ್ಟ್ರಾಟಜಿಯನ್ನು ನಾಮಿನೇಶನ್‌ ವೇಳೆ ಬಾಯ್ಬಿಟ್ಟರು. ಸಮಯ ವ್ಯರ್ಥ ಮಾಡಬಾರದು ಅಂತ ಹೇಳಿದ್ದರು. ಸಮಯ ವ್ಯರ್ಥ ಮಾಡದಂತೆ ಅವರೇ (ಸ್ವರ್ಗ) ನೋಡಿಕೊಳ್ಳಬೇಕಿತ್ತು. ನಾನು ಯಾಕೆ ಜಗಳ ಮಾಡಿದೆ ಅಂದ್ರೆ ಸಮಯ ವ್ಯರ್ಥ ಆಗಲಿ ಅಂತ ಸರಿಯಾಗಿ ಮಾತು ಕೊಟ್ಟರು ಚೈತ್ರಾ.

ಇದೀಗ ನೆಟ್ಟಿಗರು ಚೈತ್ರಾ ಅವರ ಸ್ಟ್ರಾಟಜಿ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಮಾತ್ರವಲ್ಲ ಚೆನ್ನಾಗಿ ಆಟ ಆಡಿದರು ಚೈತ್ರಾ ಅಂತ ಕಮೆಂಟ್‌ ಮಾಡುತ್ತಿದ್ದಾರೆ. ಇನ್ನೂ ಕೆಲವರು ಕಿರುಚಾಟ ಅತಿರೇಕ ಆದರೂ ಆಟ ಮಾತ್ರ ಸಖತ್‌ ಅಂತಿದ್ದಾರೆ.