ಉಪವಿಭಾಗದ ಸುಮಾರು 6 ಸಾವಿರ ಕೃಷಿಕರಿಗೆ ಸುಮಾರು 64 ಕೋಟಿ ರೂಪಾಯಿಗಳಷ್ಟು ಸಾಲಮನ್ನಾ ಹಣ ಬರಬೇಕಾಗಿದ್ದು, ಇದರಲ್ಲಿ ಸುಮಾರು 1900 ಅರ್ಜಿಗಳನ್ನು ಬಿಡುಗಡೆಗೆ ಬಾಕಿ ಇರುವ ಅರ್ಹ ಪ್ರಕರಣಗಳೆಂದು ಗುರುತಿಸಲಾಗಿದೆ. ಬಾಕಿ ಉಳಿದ ಅರ್ಜಿಗಳಿಗೆ ಕೆಲವು ದಾಖಲೆಗಳ ಅವಶ್ಯಕತೆಯಿರುವ ಕಾರಣ ತಡವಾಗಿದ್ದು, ಈ ಎಲ್ಲಾ ಸಮಸ್ಯೆಗಳನ್ನು ಹಿರಿಯ ಅಧಿಕಾರಿಗಳ ಗಮನಕ್ಕೆ ತರಲಾಗುವುದು

ಪುತ್ತೂರು: ಜು 26: ರಾಜ್ಯದಲ್ಲಿ 2018 ರಲ್ಲಿಘೋಷಣೆಯಾದ ಸಾಲ ಮನ್ನಾ ಯೋಜನೆಯಲ್ಲಿ ಸಾವಿರಾರು ಅರ್ಹ ರೈತರ ಸಾಲ ಮನ್ನಾ ಇನ್ನು ಅಗದಿರುವುದನ್ನು ಖಂಡಿಸಿ, ವಂಚಿತ ಸುಳ್ಯ, ಕಡಬ, ಪುತ್ತೂರು, ಬೆಳ್ತಂಗಡಿ ಪ್ರದೇಶಗಳ ರೈತರು ಮಲೆನಾಡು ಜನಹಿತ ರಕ್ಷಣಾ ವೇದಿಕೆ ಹಾಗೂ ಕಿಸಾನ್ ಸಂಘದ  ಸಹಯೋಗದೊಂದಿಗೆ ಗುರುವಾರ ಪುತ್ತೂರು ಸಹಾಯಕ ಸಹಕಾರಿ ನಿಬಂಧಕರ ಕಚೇರಿ ಮುಂಭಾಗದಲ್ಲಿ ಸಾಂಕೇತಿಕ ಪ್ರತಿಭಟನೆ ನಡೆಸಿದರು.

alt="Ad Widget"/>

ಪ್ರತಿಭಟನೆಯನ್ನು ಉದ್ಧೇಶಿಸಿ ಮಾತನಾಡಿದ ಮಲೆನಾಡು ಜನಹಿತರಕ್ಷಣಾ ವೇದಿಕೆ ಸಂಚಾಲಕ ಕಿಶೋರ್ ಶಿರಾಡಿ  ಮಾತನಾಡಿ “6 ವರ್ಷಗಳ ಹಿಂದೆ  ರಾಜ್ಯ ಸರಕಾರ ಕೃಷಿಕರ ಒಂದು ಲಕ್ಷ ರೂ  ಸಾಲಮನ್ನಾ ಮಾಡಿದೆ. ಆದರೇ  ದಕ್ಷಿಣ ಕನ್ನಡ ಜಿಲ್ಲೆಯ ಸಾವಿರಾರು ಕೃಷಿಕರಿಗೆ  ಈ ಯೋಜನೆಯ ಲಾಭ ಸಿಕ್ಕಿಲ್ಲ. ಒಂದು ತಿಂಗಳ ಒಳಗೆ ಜಿಲ್ಲೆಯ ಕೃಷಿಕರ ಸಾಲಮನ್ನಾ ಮಾಡದೇ ಹೋದಲ್ಲಿ ಮಂಗಳೂರಿನ ಜಿಲ್ಲಾಧಿಕಾರಿ, ಡಿಆರ್ ಕಚೇರಿ ಮುಂಭಾಗದಲ್ಲಿ ಉಗ್ರ ಪ್ರತಿಭಟನೆ ನಡೆಸಲಾಗುವುದು” ಎಂದು ಎಚ್ಚರಿಕೆ ನೀಡಿದರು.

<>

 ಅಂದಿನ ಕುಮಾರಸ್ವಾಮಿ ನೇತೃತ್ವದ ರಾಜ್ಯ ಸರಕಾರ ಕೃಷಿಕರ ಸಾಲಮನ್ನಾ ಮಾಡಿತ್ತು. ಆದರೆ ಈ ಅವಕಾಶದಿಂದ ದಕ್ಷಿಣಕನ್ನಡ ಜಿಲ್ಲೆಯ ಸಾವಿರಾರು ಕೃಷಿಕರು ಇನ್ನೂ ವಂಚಿತರಾಗಿದ್ದಾರೆ. ಸಾಲಮನ್ನಾ ಮಾಡುವಂತೆ ವಂಚಿತ ಕೃಷಿಕರು ಹಲವು ಬಾರಿ ಅಧಿಕಾರಿಗಳ ಮತ್ತು ಸರಕಾರದ ಗಮನ ಸೆಳೆಯುವ ಪ್ರಯತ್ನ ನಡೆಸಿದ್ದರೂ, ಈವರೆಗೂ ಸಾಲಮನ್ನಾ ಸೌಲಭ್ಯದಿಂದ ಜಿಲ್ಲೆಯ ಕೃಷಿಕರನ್ನು ದೂರವಿಡಲಾಗಿದೆ ಎಂದು ಪ್ರತಿಭಟನಕಾರರು ಈ ಸಂದರ್ಭ ಆಕ್ರೋಶ ವ್ಯಕ್ತಪಡಿಸಿದರು.

 ಬಳಿಕ  ತಕ್ಷಣ ಸರಕಾರ  ರೈತರಿಗೆ   ನ್ಯಾಯ  ಒದಗಿಸಬೇಕೆಂದು  ಆಗ್ರಹಿಸಿ  ಸಹಕಾರ ಸಂಘಗಳ ಉಪನಿಬಂಧಕ ರಘು ಅವರಿಗೆ ಪ್ರತಿಭಟನಕಾರರು  ಮನವಿ  ಸಲ್ಲಿಸಿದರು.

 ಮನವಿ ಸ್ವೀಕರಿಸಿ  ಮಾತನಾಡಿದ  ಸಹಕಾರ ಸಂಘಗಳ ಸಹಾಯಕ ನಿಬಂಧಕ ರಘು ಅವರು, “ಉಪವಿಭಾಗದ ಸುಮಾರು 6 ಸಾವಿರ ಕೃಷಿಕರಿಗೆ ಸುಮಾರು 64 ಕೋಟಿ ರೂಪಾಯಿಗಳಷ್ಟು ಸಾಲಮನ್ನಾ ಹಣ ಬರಬೇಕಾಗಿದ್ದು, ಇದರಲ್ಲಿ ಸುಮಾರು 1900 ಅರ್ಜಿಗಳನ್ನು ಬಿಡುಗಡೆಗೆ ಬಾಕಿ ಇರುವ ಅರ್ಹ ಪ್ರಕರಣಗಳೆಂದು ಗುರುತಿಸಲಾಗಿದೆ. ಬಾಕಿ ಉಳಿದ ಅರ್ಜಿಗಳಿಗೆ ಕೆಲವು ದಾಖಲೆಗಳ ಅವಶ್ಯಕತೆಯಿರುವ ಕಾರಣ ತಡವಾಗಿದ್ದು, ಈ ಎಲ್ಲಾ ಸಮಸ್ಯೆಗಳನ್ನು ಹಿರಿಯ ಅಧಿಕಾರಿಗಳ ಗಮನಕ್ಕೆ ತರಲಾಗುವುದು ಎಂದರು.

ಮಲೆನಾಡು ಜನಹಿತರಕ್ಷಣಾ ವೇದಿಕೆಯ ಯಶೋಧರ ಕೊಣಾಜೆ, ಅಚ್ಯುತ ಭಟ್, ಕಿಸಾನ್ ಸಂಘದ ಸುಬ್ರಾಯ ಶೆಟ್ಟಿ, ಸುರೇಶ್ ನರಿಮೊಗರು ಸೇರಿದಂತೆ ಹಲವು ಮಂದಿ ಮುಖಂಡರು, ಫಲಾನುಭವಿಗಳು ಪಾಲ್ಗೊಂಡರು.

Deprived Farmers from Sullia, Kadaba, Puttur and Belthangady areas, in association with Malnad Jana hita Rakshana Vedike and Kisan Sangha, staged a symbolic protest in front of the office of the Assistant Co-operative Controller of Puttur on Thursday, protesting against the non-waiver of loans of thousands of eligible farmers under the loan waiver scheme announced in 2018 in the state.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಕಿಶೋರ್‌ ಶಿರಾಡಿದಕ್ಷಿಣ ಕನ್ನಡCrop laon Waivercrop Loankarnataka governmentKishore Shiradiloan WaiverPuttur

Up Next

Puttur-ಪುತ್ತೂರು: ಜು.27ರಂದು ಕರ್ನಾಟಕ ಜರ್ನಲಿಸ್ಟ್ ಯೂನಿಯನ್ (ರಿ) ಪುತ್ತೂರು ತಾಲೂಕು ವತಿಯಿಂದ ಪತ್ರಿಕಾ ದಿನಾಚರಣೆ, ಉಪನ್ಯಾಸ – ಸನ್ಮಾನ ಕಾರ್ಯಕ್ರಮ

Don't Miss

Puttur-ಹಲಸಿನ ಹಣ್ಣಿನ ವಿಚಾರ – ಕತ್ತಿ ತೋರಿಸಿ ಬೆದರಿಕೆ