ಪುತ್ತೂರು ವಿಧಾನ ಸಭಾ ಕ್ಷೇತ್ರದ ಅಂಗನವಾಡಿ ಕಾರ್ಯಕರ್ತೆಯರು, ಆಶಾ ಕಾರ್ಯಕರ್ತರ ಮೂಲಕ ಮೂಲೆ ಮೂಲೆಗಳಿಂದ ಫಲಾನುಭವಿಗಳು ಆಗಮಿಸಲಿದ್ದು ಅವರಿಗೆ 108  ಬಸ್ ಬೇಡಿಕೆ ಇಟ್ಟಿದ್ದಾರೆ. ಈಗಾಗಲೇ ಪುತ್ತೂರಿನಿಂದ 65 ಬಸ್ ವ್ಯವಸ್ಥೆ ಮಾಡಲಾಗಿದ್ದು, ಉಳಿದ ಬಸ್‌ಗಳನ್ನು ಉಡುಪಿಯಿಂದ ತರಿಸಲಾಗುವುದು. ಸಮಾವೇಶದ ಯಶಸ್ವಿಗೆ ಪ್ರತಿ ಎರಡು ಬೂತ್‌ಗೆ ಒಬ್ಬೊಬ್ಬರಿಗೆ ಜವಾಬ್ದಾರಿ ನೀಡಿದ್ದೆವು. ದೇವಸ್ಥಾನ, ಪುಡಾ, ನಗರಸಭೆ, ವಿಟ್ಲ ಪಟ್ಟಣ ಪಂಚಾಯತ್, ಸಹಿತ ಹಲವು ನಾಮನಿರ್ದೇಶಿತ ಸದಸ್ಯರಿಗೆ ಪ್ರಸ್ತಾವನೆ ನೀಡಲಾಗಿದೆ. ಕೆಲವು ಕಡೆ ಸಣ್ಣ ವ್ಯತ್ಯಾಸ ಆಗಿರುತ್ತದೆ. ಒಂದೆರಡು ಕಡೆ ಆಗಿದೆ. ಅದನ್ನು ಬಿಟ್ಟು ಪಕ್ಷದ ಕಾರ್ಯಕ್ರಮದ ಯಶಸ್ವಿಗೆ ಗಮನ ಕೊಡಿ. ಇವತ್ತು ಈ  ಸಮಾವೇಶ ಒಳ್ಳೆಯ ಸಂದೇಶ ಕೊಡುತ್ತದೆ. ಸರಕಾರದ 5 ಗ್ಯಾರೆಂಟಿ ಅದರಲ್ಲಿಯೂ ಗೃಹಲಕ್ಷ್ಮೀ ಮತ್ತು ಗೃಹ ಜ್ಯೋತಿ ಮುಂದೆ ಬರುವ ಚುನಾವಣೆಗೆ ಶಕ್ತಿ ತೋರಿಸುವ ಸಮಾವೇಶ ಆಗಲಿದೆ ಎಂದರು.

ರೂ. 2 ಸಾವಿರ ಅತೀ ಹೆಚ್ಚು ಮಹಿಳೆಯರಿಗೆ ಸಿಕ್ಕಿರುವುದು ಪುತ್ತೂರು ತಾಲೂಕಿನಲ್ಲಿ ಮಾತ್ರ

ಗೃಹಲಕ್ಷ್ಮೀ ಯೋಜನೆಯಲ್ಲಿ ರೂ.2 ಸಾವಿರ ಫಲಾನುಭವಿಗಳ ಖಾತೆಗೆ ಜಮೆ ಆಗುತ್ತಿದೆ. ಆದರೆ ಕೆಲವು ಕಡೆ ದುಡ್ಡು ಬಂದಿಲ್ಲ ಎಂಬ ಆರೋಪ ಕೇಳಿ ಬಂದಿರುವುದನ್ನು ಪರಿಶೀಲಿಸಿದಾಗ ಅವರ ಖಾತೆಗೆ ಬಂದ ಹಣ ಸಾಲದ ಕಂತಿಗೆ ಅಟೋಮೆಟಿಕ್ ಕಟ್ ಆಗುತ್ತಿದೆ. ಈ ವಿಚಾರ ಫಲಾನುಭವಿಗಳಿಗೆ ತಿಳಿದಿಲ್ಲ. ಎಷ್ಟೋ ಮಂದಿ ಬಜಾಜ್ ಪೈನಾನ್ಸ್ ಸಹಿತ ಇತರ ಸಾಲ ಮಾಡಿದ್ದಾರೆ. ಆದರೆ ಅವರು ಸರಿಯಾಗಿ ಸಾಲ ಮರುಪಾವತಿ ಮಾಡದಿದ್ದಾಗ ಸರಕಾರದ ರೂ. 2 ಸಾವಿರ ಖಾತೆಗೆ  ಬಿದ್ದ  ತಕ್ಷಣ  ಕಟ್ ಆಗುತ್ತಿದೆ. ಇದು ಟೆಕ್ನಿಕಲ್ ಪ್ರೋಸೆಸ್. ಆದರೆ ಜನರು ಖಾತೆಗೆ ಹಣ ಬಂದಿಲ್ಲ ಎಂದು ಬೈಯುವುದು ನಮಗೆ. ಒಟ್ಟು ಸಮೀಕ್ಷೆ ಮಾಡಿದಾಗ ಮಹಿಳಾ ಫಲಾನುಭವಿಗಳಿಗೆ ರೂ. 2ಸಾವಿರ ಅತೀ ಹೆಚ್ಚು ಸಿಕ್ಕಿರುವುದು ಪುತ್ತೂರು ತಾಲೂಕಿನಲ್ಲಿ ಎಂದು  ಅಶೋಕ್ ರೈ ಹೇಳಿದರು.

ಪುತ್ತೂರು ಕ್ಷೇತ್ರ ಯಾವುದರಲ್ಲೂ ಹಿನ್ನೆಡೆ ಕಾಣಲಿಲ್ಲ:

ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಎಂ.ಬಿ.ವಿಶ್ವನಾಥ ರೈ ಅವರು ಮಾತನಾಡಿ ಸರಕಾರಿ ಕಾರ್ಯಕ್ರಮವಾದರೂ ಅಲ್ಲಿ ಸರಕಾರದ ಮಟ್ಟದಲ್ಲಿ ಅಧಿಕಾರಿಗಳು ಫಲಾನುಭವಿಗಳನ್ನು ಸೇರಿಸುತ್ತಾರೆ. ಈ ಸಮಾವೇಶಕ್ಕೆ ನಾವು ಕೂಡಾ ನಿಷ್ಠಾವಂತ ಕಾರ್ಯಕರ್ತರಾಗಿ ಹೆಚ್ಚು ಫಲಾನುಭವಿಗಳನ್ನು ಸೇರಿಸಬೇಕು. ನಾನು ಅಧ್ಯಕ್ಷ ಸ್ಥಾನ ಪಡೆದು ಮೂರು ವರ್ಷ ಕಳೆದಿದೆ. ಅವಧಿಯೂ ಮುಗಿದಿದೆ. ಹಲವಾರು ಕಾರ್ಯಕ್ರಮ ಪುತ್ತೂರಿನಲ್ಲಿ ಯಶಸ್ವಿಯಾಗಿದೆ. ಪುತ್ತೂರು ವಿಧಾನಸಭಾ ಕ್ಷೇತ್ರ ಯಾವುದರಲ್ಲೂ ಹಿಂದೆ ಬೀಳಲಿಲ್ಲ ಎಂದ ಅವರು ಸಮಿತಿ ತಂಡದ ಪದಾಧಿಕಾರಿಗಳ ಪಟ್ಟಿಗಳನ್ನು ಘೋಷಣೆ ಮಾಡಿದರು.

ಉಪಕಾರ ಸ್ಮರಣೆ ಮಾಡುವ ಕಾರ್ಯಕ್ರಮ:

ವಿಟ್ಲ ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಡಾ ರಾಜಾರಾಮ್ ಅವರು ಮಾತನಾಡಿ ಕರ್ನಾಟಕ ಸರಕಾರ ಗ್ಯಾರೆಂಟಿ ಸರಕಾರ. ಹಾಗಾಗಿ ಸರಕಾರದ ಗ್ಯಾರೆಂಟಿ ಯೋಜನೆಯ ಫಲಾನುಭವಿಗಳಿಗೆ ಉಪಕಾರ ಸ್ಮರಣೆ ಮಾಡುವ ಅವಕಾಶ ಲಭಿಸಿದೆ. ಇದರಲ್ಲಿ ಪೂರ್ಣ ಮಟ್ಟದಲ್ಲಿ ಎಲ್ಲರು ಭಾಗವಹಿಸುವಂತೆ ವಿನಂತಿಸಿದ ಅವರು ಈ ಸಮಾವೇಶ ಮುಂದಿನ ಲೋಕಸಭಾ ಚುನಾವಣೆಗೆ ಮುನ್ನುಡಿಯಾಗಲಿದೆ ಎಂದರು.

ಪುತ್ತೂರಿನ ಸಮಾವೇಶ ದಾಖಲೆಯ ರೀತಿಯಲ್ಲಿ ಆಗಬೇಕು:

ಕೆ ಪಿ ಸಿ ಸಿ ಸದಸ್ಯ ಕಾವು ಹೇಮನಾಥ ಶೆಟ್ಟಿ ಅವರು ಮಾತನಾಡಿ ಓರ್ವ ಜನಪ್ರತಿನಿಧಿಯಾಗಿ ನಾಯಕನಾಗಿ ಹೇಗೆ ಕೆಲಸ ಮಾಡಬಹುದು ಎಂಬುದನ್ನು ಅಶೋಕ್ ರೈ ಅವರಿಂದ ಕಲಿಯಬೇಕು. ಅವರ ನಿರಂತರ ಶ್ರಮದಿಂದ ಪುತ್ತೂರಿಗೆ 1350 ಕೋಟಿ ಅನುದಾನ ಬಂದಿದೆ. ಈ ಹಿಂದಿನವರು ಸಾವಿರ ಕೋಟಿ ಎಂದು ಹೇಳಿದ್ದನ್ನು ಕೇಳಿದ್ದೇವೆ ಹೊರತು ಎಲ್ಲಿಗೆ ಬಂದಿದೆ ಎಂದು ಗೊತ್ತಿಲ್ಲ. ಅಶೋಕ್ ರೈ ಅವರು ಹಾಗಲ್ಲ ಎಲ್ಲವನ್ನು ಕಾಮಗಾರಿಗಳನ್ನು ತೋರಿಸಿ ಅನುದಾನ ಮುಂದಿಟ್ಟಿದ್ದಾರೆ ಎಂದ ಅವರು ಸಮಾವೇಶದಲ್ಲಿ ಪಕ್ಷದ ಸಂಘಟನೆಗೆ ಹೆಚ್ಚು ಶಕ್ತಿಸಿಗಬೇಕು. ಪುತ್ತೂರಿನ ಸಮಾವೇಶ ದಾಖಲೆಯ ರೀತಿಯಲ್ಲಿ ಆಗಬೇಕು. ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ಪುತ್ತೂರಿನಿಂದ 1 ಲಕ್ಷಕ್ಕೂ ಅಧಿಕ ಮತ ಬಂದಾಗ ನಮ್ಮ ಸಮಾವೇಶ ಯಶಸ್ವಿಯಾಗುತ್ತದೆ ಎಂದರು.

ಜವಾಬ್ದಾರಿ ನಿಭಾಯಿಸಿದಾಗ ಹಲವು ಅವಕಾಶ ಲಭಿಸುತ್ತದೆ:

ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿ ಸದಸ್ಯ ಎಮ್ ಎಸ್ ಮಹಮ್ಮದ್ ಅವರು ಮಾತನಾಡಿ ನಮ್ಮ ಜವಾಬ್ದಾರಿ ಸರಿಯಾಗಿ ನಿಭಾಯಿಸಿದರೆ ಮುಂದೆ ಹಲವು ಅವಕಾಶ ಲಭಿಸಲಿದೆ. ಕಾರ್ಯಕರ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಸೇರಿ ಶಾಸಕರಿಗೆ ಶಕ್ತಿ ಕೊಡುವ ಕೆಲಸ ಆಗಬೇಕು. ಈ ನಿಟ್ಟಿನಲ್ಲಿ ನಮಗೆ ದೊಡ್ಡ ಜವಾಬ್ದಾರಿ ಇದೆ. ಈ ಸಮಾವೇಶ ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ನಮ್ಮ ಗೆಲುವಿಗೆ ಕಾರಣವಾಗಲಿದೆ. ಮುಂದೆ ಸಂಸದ ಅಭ್ಯರ್ಥಿ ಯಾರೆ ಆಗಿರಲಿ ಅವರನ್ನು ಗೆಲ್ಲಿಸುವ ಕೆಲಸ ಆಗಬೇಕು ಎಂದರು.

ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿ ಸದಸ್ಯ ಪ್ರಸಾದ್ ಕೌಶಲ್ ಶೆಟ್ಟಿ, ಸೇವಾದಳದ ಜಿಲ್ಲಾಧ್ಯಕ್ಷ ಜೋಕಿಂ ಡಿ ಸೋಜ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಬ್ಲಾಕ್ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಅಮಳ ರಾಮಚಂದ್ರ ಭಟ್, ಸಂತೋಷ್ ಭಂಡಾರಿ, ಸೇವಾದಳದ ವಿಶ್ಚಜೀತ್ ವಂದೇ ಮಾತರಂ ಹಾಡಿದರು. ಆಕ್ರಮಸಕ್ರಮ ಸಮಿತಿ ಸದಸ್ಯ ಮಹಮ್ಮದ್ ಬಡಗನ್ನೂರು ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು. ಅಮಳ ರಾಮಚಂದ್ರ ವಂದಿಸಿದರು. ಸಭೆಯಲ್ಲಿ ಕಾಂಗ್ರೆಸ್ ಮುಖಂಡರು. ಕಾರ್ಯಕರ್ತರು ಉಪಸ್ಥಿತರಿದ್ದರು.

8 ತಿಂಗಳಲ್ಲಿ 1350 ಕೋಟಿ ಅನುದಾನ

ಗ್ಯಾರೆಂಟಿಯಿಂದ ಅನುದಾನ ಕಡಿಮೆ ಆಗುತ್ತಿದೆ ಎಂಬ ಕೆಲವು ರಾಜಕೀಯ ಆರೋಪಳಿಗೆ ಪುತ್ತೂರಿನಲ್ಲಿ ಅತಿ ಹೆಚ್ಚು ಅನುದಾನ ತರಿಸುವ ಕೆಲಸ ಆಗಿದೆ. ಕೇವಲ 8 ತಿಂಗಳಲ್ಲಿ ಪುತ್ತೂರು ವಿಧಾನ ಸಭಾಕ್ಷೇತ್ರದಲ್ಲಿ 1350 ಕೋಟಿ ಅನುದಾನ ಬಂದಿದೆ. ಮುಂದೆ ಬಿರುಮಲೆಗೆ ಪ್ರವಾಸಿಧಾಮ, ಉಪ್ಪಿನಂಗಡಿ ದೇವಸ್ಥಾನ, ಮಹಾಲಿಂಗೇಶ್ವರ ದೇವಸ್ಥಾನಕೆ ಅನುದಾನ, ಪಶುವೈದ್ಯಕೀಯ ಕಾಲೇಜಿಗೆ ಅನುದಾನ ತರಿಸಲಾಗಿದೆ. ಮುಂದೆ ಮುಂದಿನ ಬಜೆಟ್‌ನಲ್ಲಿ ಮೆಡಿಕಲ್ ಕಾಲೇಜು ನೀಡುವ ಭರವಸೆಯನ್ನು ಮುಖ್ಯಮಂತ್ರಿ ಸಿದ್ದಾರಾಮಯ್ಯ ಅವರು ನೀಡಿದ್ದಾರೆ. ಇದರ ಜೊತೆಗೆ ರಸ್ತೆ ಅಭಿವೃದ್ಧಿಗೂ ಆದ್ಯತೆ ನೀಡಲಾಗುವುದು. ಇವೆಲ್ಲನ್ನು ತೋರಿಸಲು  ಗ್ಯಾರಂಟಿ  ಸಮಾವೇಶ ಯಶಸ್ವಿಯಾಗಬೇಕೆಂದರು.

ಎಲ್ಲರನ್ನು ಅನಾಲೈಸ್ ಮಾಡುತ್ತೇವೆ

ಸಮಾವೇಶದ ಯಶಸ್ವಿಗೆ ವಲಯ ತಂಡ ಮಾಡಿದ್ದೇವೆ. ವಲಯ ಅಧ್ಯಕ್ಷರಿಗೆ ಬೂತ್ ಅದ್ಯಕ್ಷರ ಪೂರ್ಣ ಮಾಹಿತಿ ಇರಬೇಕು. ಕೆಲಸ ಮಾಡುವ ಮೂಲಕ ನಿಮ್ಮ ಸಾಮಾರ್ಥ್ಯ ತೋರಿಸಬೇಕು. ನಾವು ಎಲ್ಲರನ್ನು ಅನಾಲೈಸ್ ಮಾಡುತ್ತೇವೆ. ಹಿಂದೆ ಸಮಾವೇಶಕ್ಕೆ ಹೋದಾಗ ಯಾವ ಬಸ್‌ನಲ್ಲಿ 16 ಮಂದಿ ಯಾವ ಬಸ್‌ನಲ್ಲಿ 45ಮಂದಿ ಇತ್ತು ಎಂಬುದು ಗೊತ್ತಿದೆ. ಹಾಗಾಗಿ ಪಕ್ಷಕ್ಕಾಗಿ ಸ್ವಲ್ಪ ಸಮಯ ಕೊಡಿ. ಇಂತಹ ಸಮಯದಲ್ಲಿ ಎಲ್ಲರನ್ನು ಅಬ್ಸರ್‌ವೇಶನ್ ಮಾಡುತ್ತೇವೆ. ಈಗ ಇಲ್ಲಿ ಎಲ್ಲರು ಅಧ್ಯಕ್ಷರೇ ಆಗಿರುತ್ತಾರೆ. ಸಮಾವೇಶಕ್ಕೆ ರಚಿಸಿದ ತಂಡವನ್ನು ಬಿಡುವುದಿಲ್ಲ. ಮುಂದೆ ಇದೇ ತಂಡ ಇನ್ನೂ ಪೂರ್ಣ ಮಟ್ಟದಲ್ಲಿ ಕೆಲಸ ಮಾಡಲಿದೆ. ಸಮಾವೇಶಕ್ಕೆ ಎರಡೇ ದಿನ ಇರುವುದು. ಕೊನೆಗೆ ಪೋನ್ ಮಾಡಿಯಾದರೂ ಜನರನ್ನು ಸಂಪರ್ಕಿಸಿ. : ಅಶೋಕ್ ಕುಮಾರ್ ರೈ, ಶಾಸಕರು ಪುತ್ತೂರು