ಮಂಗಳೂರು ಸಂಸದ ನಳಿನ್‌ಕುಮಾರ್‌, ಬೆಂಗಳೂರು-ಕಣ್ಣೂರು ರೈಲನ್ನು ಕೋಜಿಕ್ಕೋಡ್‌ಗೆ ವಿಸ್ತರಿಸಬಾರದು ಎಂದು ಮನವಿ ಮಾಡಿದ್ದರು. ಅದರೆ ಇದಕ್ಕೆ ರೈಲ್ವೇ ಇಲಾಖೆ ಬೆಲೆ  ನೀಡಿದಂತೆ ಕಂಡು ಬರುವುದಿಲ್ಲ. ಕೋಜಿಕ್ಕೋಡ್‌ಗೆ ರೈಲು ವಿಸ್ತರಣೆಯಾದರೇ ಅಲ್ಲಿಯೇ ಅತ್ಯಧಿಕ ಟಿಕೆಟ್ ಬುಕ್‌ ಆಗುವ ಸಾಧ್ಯತೆಯಿರುವುದರಿಂದ   ಮಂಗಳೂರಿನಿಂದ ಬೋರ್ಡಿಂಗ್‌ ಮಾಡುವ ಪ್ರಯಾಣಿಕರಿಗೆ ಸಾಕಷ್ಟು ಸೀಟುಗಳು ಸಿಗುವುದಿಲ್ಲ . ಹೀಗಾಗಿ ರೈಲನ್ನು ಕೋಜಿಕ್ಕೋಡ್‌ಗೆ ವಿಸ್ತರಿಸುವ ಬದಲು ಮುಂಬಾಯಿಗೆ ವಿಸ್ತರಿಸಬೇಕು ಎನ್ನುವುದು  ಮಂಗಳೂರಿನ ನಾಗರೀಕರ ಆಗ್ರಹವಾಗಿತ್ತು . ಆದರೇ ಇದನ್ನು ತನ್ನ ಪಕ್ಷದ ಸರಕಾರ ಕೇಂದ್ರದಲ್ಲಿದ್ದರೂ ಅವರಿಗೆ ಮನದಟ್ಟು ಮಾಡುವಲ್ಲಿ ಸಂಸದ ನಳೀನ್‌ ಸೋತಿದ್ದಾರೆ ಎಂಬ ಅಭಿಪ್ರಾಯ ಇಲ್ಲಿನ ರೈಲ್ವೇ ಪ್ರಯಾಣಿಕರದು. ಆದರೇ ಕೇರಳದಲ್ಲಿ ಸಂಸದರನ್ನಾಗಲಿ ಶಾಸಕರನ್ನಾಗಲಿ  ಬಿಜೆಪಿ ಹೊಂದಿಲದಿದ್ದರೂ, ಅಲ್ಲಿನ ಬೇರೆ ಪಕ್ಷದ ಸಂಸದ ಬಿಜೆಪಿ ನೇತ್ರತ್ವದ ಕೇಂದ್ರ ಸರಕಾರ ಸಚಿವರನ್ನು ಹೇಗೆ ಮನವೊಲಿಸುವಲ್ಲಿ ಸಫಲರಾದರೂ ಎನ್ನುವುದು ಯಕ್ಷ ಪ್ರಶ್ನೆಯಾಗಿದೆ.

ಕೇರಳ ಸಂಸದ ಮೇಲುಗೈ

ಗೋವಾ-ಮಂಗಳೂರು ವಂದೇ ಭಾರತ್‌ರೈಲು ಕೋಜಿಕ್ಕೋಡ್‌ಗೆ ವಿಸ್ತರಣೆಯಾದರೆ, ಟೂರಿಸಂ ವಲಯಕ್ಕೆ ಲಾಭ ಆಗಲಿದೆ. ಕೋಜಿಕ್ಕೋಡ್‌ನಿಂದ ಬೆಳಗ್ಗೆ ಮಂಗಳೂರಿಗೆ ಬರಲು ರೈಲು ಇರದ ಕಾರಣ ವಂದೇ ಭಾರತ್‌ಕೋಜಿಕ್ಕೋಡ್‌ನಿಂದ ಮಂಗಳೂರು ಮೂಲಕ ಗೋವಾಕ್ಕೆ ತೆರಳಿದರೆ, ಮಂಗಳೂರಿಗೆ ಬರುವ ಪ್ರಯಾಣಿಕರಿಗೆ ಅನುಕೂಲವಾಗಲಿದೆ  ಆದ್ದರಿಂದ ಕೇರಳಕ್ಕೆ ವಿಸ್ತರಿಸಿದರೆ ಲಾಭದತ್ತ ಸಾಗಲಿದೆ ಎಂದು ಸಂಸದ ಎಂ.ಕೆ. ರಾಘವನ್‌, ರೈಲ್ವೇ ಸಚಿವರನ್ನು ಭೇಟಿಯಾಗಿ ಮನವರಿಕೆ ಮಾಡಿದ್ದಾರೆ. ಇದೆ ರೀತಿಯ ಮನವರಿಕೆಯನ್ನು ಮಂಗಳೂರು ಸಂಸದರು ಮಾಡುವಲ್ಲಿ ವಿಫಲರಾದರೇ ಎನ್ನುವುದು ಸದ್ಯ ಕಾಡುತ್ತಿರುವ ಪ್ರಶ್ನೆ.

ರೈಲ್ವೇ ಯಾತ್ರಿಕರ ಆಗ್ರಹಕ್ಕೆ ಮನ್ನಣೆಯಿಲ್ಲ

ಗೋವಾ-ಮಂಗಳೂರು ವಂದೇ ಭಾರತ್‌ರೈಲು ಪ್ರಯಾಣಿಕರ ಕೊರತೆಯಿಂದ ನಷ್ಟದಲ್ಲಿ ಓಡುತ್ತಿದೆಯೆಂದು ಇತ್ತೀಚೆಗೆ ಕೊಂಕಣ್‌ರೈಲ್ವೇ  ಮಾಹಿತಿ ನೀಡಿತ್ತು.  ಈಗ  ವಾರಾಂತ್ಯಗಳಲ್ಲಷ್ಟೇ ಸೀಟು ಭತಿ೯ಯಾಗುತ್ತಿದೆ.  ರೈಲಿನ ಟಿಕೆಟ್ ದರ ದುಬಾರಿಯಾಗಿದ್ದರಿಂದ  ಪ್ರಯಾಣಿಕರು ಈ ಐಷರಾಮಿ ರೈಲಿನಲ್ಲಿ ಓಡಲು ಹಿಂದೇಟು ಹಾಕುತ್ತಿದ್ದಾರೆ.   ಹೀಗಾಗಿ ಈ  ರೈಲು ರದ್ದಾಗಬಹುದು ಎನ್ನುವ ಭೀತಿ ಆರಂಭದಿಂದಲೇ ವ್ಯಕ್ತವಾಗಿತ್ತು.  ಹೀಗಾಗಿ  ಈ ರೈಲನ್ನು ಮುಂಬೈಗೆ ವಿಸ್ತರಿಸಬೇಕೆಂದು ಮಂಗಳೂರು, ಉಡುಪಿಯ ರೈಲ್ವೇ ಯಾತ್ರಿಕರು ಒತ್ತಾಯಿಸಿದ್ದರು. ರೈಲ್ವೇ ಸಚಿವಾಲಯಕ್ಕೂ ಈ ಬಗ್ಗೆ ಪತ್ರ ಬರೆದಿದ್ದರು.