ಕರ್ನಾಟಕ ಬ್ಯಾಂಕಿನ ವಿಟ್ಲ ಸಮೀಪದ ಅಡ್ಯನಡ್ಕ ಶಾಖೆಯಲ್ಲಿ ಗುರುವಾರ ನಸುಕಿನ ಜಾವ ಭಾರೀ ಕಳ್ಳತನ ನಡೆದಿದ್ದು ಕೋಟ್ಯಾಂತರ ರೂಪಾಯಿ ಮೌಲ್ಯದ ನಗ ಹಾಗೂ ನಗದನ್ನು ದೋಚಿದ್ದಾರೆ ಎನ್ನಲಾಗಿದೆ. ಅಂದಾಜು ಪ್ರಕಾರ ರೂ 2 ರಿಂದ 3 ಕೋಟಿಯಷ್ಟು ಹಣ ಮತ್ತು ಬಂಗಾರ ಕಳ್ಳರ ಪಾಲಾಗಿರುವುದಾಗಿ ಸುದ್ದಿ ಹಬ್ಬಿದ್ದು ಬ್ಯಾಂಕ್ ಹಾಗೂ ಪೊಲೀಸರು ಇದನ್ನು ಖಚಿತಪಡಿಸಿಲ್ಲ . ಸುಮಾರು ಒಂದು ಕೋಟಿ ರೂಪಾಯಿಯಷ್ಟು ನಗದು ಬ್ಯಾಂಕಿನಲ್ಲಿತ್ತು ಎನ್ನಲಾಗಿದೆ. ಅಂದಾಜು 1 ರಿಂದ 2 ಕೋಟಿಯಷ್ಟು ಚಿನ್ನಾಭರಣ ಕೂಡ ಅಲ್ಲಿದ್ದು ಅದೆಲ್ಲದಕ್ಕೆ ಕನ್ನ ಬಿದ್ದಿರುವುದಾಗಿ ಸ್ಥಳೀಯವಾಗಿ ಅಭಿಪ್ರಾಯ ವ್ಯಕ್ತವಾಗಿದೆ.

ಕೃತ್ಯವು ನಿನ್ನೆ ರಾತ್ರಿ 2.30ರಿಂದ ಬೆಳಗ್ಗಿನ ಜಾವ 4 ಗಂಟೆಯ ಸುಮಾರಿಗೆ ನಡೆದಿರುವ ಶಂಕೆ ವ್ಯಕ್ತವಾಗಿದೆ. ಕರ್ನಾಟಕ ಬ್ಯಾಂಕಿನ ಅಡ್ಯನಡ್ಕ ಶಾಖೆಯು ಕಲ್ಲಡ್ಕ ಕಾಂಜ್ಞಾಗಾಡ್‌ ಅಂತರಾಜ್ಯ ಹೆದ್ದಾರಿಯ ಅಂಚಿನಲ್ಲಿದೆ. ಇಲ್ಲಿಂದ ಒಂದು ಕಿಮೀ ದೂರದಲ್ಲಿ ಸಾರಡ್ಕ ಚೆಕ್‌ ಪೋಸ್ಟ್‌ ಇದೆ.

alt="Ad Widget"/>

ಕಳ್ಳತನ ಹೇಗೆ ?
ಬ್ಯಾಂಕಿನ ಹಿಂಬಾಗಲಿನ ಕಿಟಕಿ ಮುರಿದು ಒಳ ನುಗ್ಗಿದ್ದ ಕಳ್ಳರು ಗ್ಯಾಸ್‌ ಕಟ್ಟರ್‌ ಬಳಸಿ ಸೇಫ್‌ ಲಾಕರ್‌ ನ ಬಾಗಿಲು ತುಂಡರಿಸಿ ಕೃತ್ಯ ಎಸಗಿರುವುದು ಮೇಲ್ನೋಟಕ್ಕೆ ಕಂಡು ಬಂದಿದೆ. ಆದರೇ ಕಳ್ಳತನದ ವೇಳೆ ಬ್ಯಾಂಕಿಗೆ ಆಳವಡಿಸಿದ ಸೆಕ್ಯೂರಿಟಿ ಅಲಾರಂ ಸೈರನ್‌ ಮಾಡದಿರುವುದು ಕುತೂಹಲ ಮೂಡಿಸಿದೆ. ಬ್ಯಾಂಕಿನ ಹಿಂಬದಿಯಲ್ಲಿರುವ ಅಂಗಳದಲ್ಲಿ ವಾಹನ ನಿಲ್ಲಿಸಿಕೃತ್ಯ ಎಸಗಿ, ಬಳಿಕ ನಗ ನಗದಿನ ಜತೆ ಎಸ್ಕೆಪ್‌ ಆಗಿರಬಹುದು ಎಂಬ ಅನುಮಾನವನ್ನು ಸ್ಥಳೀಯರು ವ್ಯಕ್ತಪಡಿಸುತ್ತಿದ್ದಾರೆ .

<>

ಇಂದು ಬೆಳಿಗ್ಗೆ 9.30 ರ ಸುಮಾರಿಗೆ ಬ್ಯಾಂಕ್‌ ಸಿಬ್ಬಂದಿಗಳು ಬ್ಯಾಂಕ್‌ ಗೆ ಬಂದ ವೇಳೆ ಕಳ್ಳತನ ನಡೆದಿರುವುದು ಬೆಳಕಿಗೆ ಬಂದಿದೆ. ಸುಮಾರು 11 ಗಂಟೆ ಸುಮಾರಿಗೆ ವಿಟ್ಲ ಠಾಣಾ ಎಸೈ ಘಟನಾ ಸ್ಥಳಕ್ಕೆ ಆಗಮಿಸಿದ್ದಾರೆ. ಅದಕ್ಕೂ ಮೊದಲು ಪೊಲೀಸ್‌ ಇನ್ಸ್‌ ಪೆಕ್ಟರ್‌ ಹಾಗೂ ಸಿಬ್ಬಂದಿಗಳು ಆಗಮಿಸಿ ಪರಿಶೀಲನೆ ನಡೆಸಿದ್ದರು . ಸದ್ಯ ಬ್ಯಾಂಕ್‌ ಮುಂಭಾಗ ಕುತೂಹಲಿಗಳ ಗುಂಪು ಸೇರಿದ್ದು ಬ್ಯಾಂಕ್‌ ಅವರಣವನ್ನು ಪೊಲೀಸರು ಸೀಲ್‌ ಮಾಡಿದ್ದಾರೆ. ಬೆರಳಚ್ಚು ತಜ್ಞರು ಹಾಗೂ ಶ್ವಾನ ದಳ ಇನ್ನಷ್ಟೇ ಘಟನಾ ಸ್ಥಳಕ್ಕೆ ಬರಬೇಕಿದೆ.

ಸಿಸಿಟಿವಿ
ಬ್ಯಾಂಕ್‌ ಒಳಗಡೆಯ ಸಿಸಿಟಿವಿಯಲ್ಲಿ ಕೃತ್ಯ ಸೆರೆಯಾಗಿದೆಯೇ ಎಂಬ ಮಾಹಿತಿ ಲಭಿಸಿಲ್ಲ . ಈಗಾಗಲೇ ಪೊಲೀಸರು ಅದನ್ನು ತಮ್ಮ ವಶಕ್ಕೆ ಪಡೆದಿದ್ದಾರೆ. ಬ್ಯಾಂಕ್‌ ಮುಂಭಾಗ ಹಾಗೂ ಹಿಂಭಾಗ ಅಥಾವ ಹೆದ್ದಾರಿಯಲ್ಲಿ ಯಾವುದೇ ಸಿಸಿಟಿವಿ ಅಳವಡಿಸಿದಿರುವುದು ಪೊಲೀಸರ ತನಿಖೆಗೆ ತೊಡಕಾಗಿ ಪರಿಣಮಿಸಿದೆ. ಅಕ್ಕಪಕ್ಕದ ಅಂಗಡಿಗಳಲ್ಲಿ ಅಳವಡಿಸರುವ ಸಿಸಿಟಿವಿಯಲ್ಲಿ ವಾಹನದ ಚಲನವಲನದ ದೃಶ್ಯಗಳು ಸೆರೆಯಾಗಿರುವ ಸಾಧ್ಯತೆಯಿದ್ದೂ ಇದು ಪೊಲೀಸರ ತನಿಖೆಗೆ ಪ್ರಮುಖ ಸಾಕ್ಷಿಯಾಗುವ ಸಾಧ್ಯತೆಯಿದೆ.

ಕಳ್ಳತನ ಯತ್ನ ಮಾತ್ರ?

ಯಾವುದೇ ನಗದು ಅಥಾವ ಚಿನ್ನಾಭರಣ ಕಳ್ಳತನವಾಗಿಲ್ಲ ಎಂದು ಬ್ಯಾಂಕ್‌ ಸಿಬ್ಬಂದಿಗಳು ತಿಳಿಸಿರುವುದಾಗಿ ಕೆಲವು ಗ್ರಾಹಕರು ತಿಳಿಸಿದ್ದು ಹೀಗಾಗಿ ನಿಜವಾಗಿಯೂ ಹಣ ಮತ್ತು ನಗ ಕಳ್ಳತನವಾಗಿದೆಯೇ ? ಅಥಾವ ಕಳ್ಳರು ಕಳ್ಳತನಕ್ಕೆ ಯತ್ನಿಸಿ ವಿಫಲರಾದರೇ ಎನ್ನುವುದನ್ನು ಪೊಲೀಸ್‌ ಇಲಾಖೆ ಹಾಗೂ ಬ್ಯಾಂಕ್‌ ಖಚಿತಪಡಿಸಬೇಕಿದೆ.

ಸಾರಡ್ಕ ಚೆಕ್‌ ಪೋಸ್ಟ್‌ – ಊಟಕ್ಕಿಲ್ಲದ ಉಪ್ಪಿನಕಾಯಿ
ಕೇರಳದ ಕಾಸರಗೋಡು ಭಾಗದಿಂದ ಬಂದ ಕಳ್ಳರು ಕೃತ್ಯ ಎಸಗಿ ಪುನ: ಕೇರಳಕ್ಕೆ ಎಸ್ಕೆಪ್‌ ಆಗಿರಬಹುದೆಂಬ ದಟ್ಟ ವದಂತಿ ಸ್ಥಳೀಯವಾಗಿ ಹಬ್ಬಿದೆ. ಇದು ನಿಜವಾದರೇ , ಕಳ್ಳರು ಸಾರಡ್ಕ ಚೆಕ್‌ ಪೋಸ್ಟ್‌ ನ ಮೂಲಕವೇ ರಾಜರೋಷವಾಗಿ ಆಗಮಿಸಿ , ಅದೇ ಮಾರ್ಗದಲ್ಲಿ ನಿರ್ಭಿತಿಯಿಂದ ಪರಾರಿಯಾಗಿರುವ ಸಾಧ್ಯತೆಯೇ ಅಧಿಕ . ವರ್ಷಗಳ ಹಿಂದೆ ಇಲ್ಲಿಯೇ ಸಮೀಪದ ಕುದ್ದು ಪದವು ಪೆಟ್ರೋಲ್‌ ಬಂಕ್‌ ನಲ್ಲಿ ದರೋಡೆ ಕೃತ್ಯ ನಡೆದಿತ್ತು. ಆ ವೇಳೆಯೂ ಇದೇ ಸಾರಡ್ಕ ಚೆಕ್‌ ಫೋಸ್ಟ್‌ ನ ಮೂಲಕ ಬಂದ ದರೋಡೆಕೋರರು ಕೃತ ಎಸಗಿ ಅದೇ ಮಾರ್ಗದಲ್ಲಿ ಪರಾರಿಯಾಗಿದ್ದರು. ಆಗ ಪೊಲೀಸರು ದರೋಡೆಕೋರರು ಸಾರಡ್ಕ ಚೆಕ್‌ ಫೊಸ್ಟ್‌ ಮೂಲಕ ಬಂದಿಲ್ಲ ಎಂದು ವಾದಿಸಿದರಾದರೂ, ಬಳಿಕ ದೊರೆತ ಸಿಸಿಟಿವಿ ಫೋಟೇಜ್‌ ಸತ್ಯ ಹೊರಗೆಡವಿತ್ತು. ಸಾರಡ್ಕ ಚೆಕ್‌ ಫೋಸ್ಟ್‌ ನಲ್ಲಿ ರಾತ್ರಿ ವೇಳೆ ಸಮರ್ಪಕ ಗಸ್ತು ವ್ಯವಸ್ಥೆ ಇರುವುದಿಲ್ಲ ಎಂಬ ಆರೋಪ ಇಂದು ನಿನ್ನೆಯದಲ್ಲ. ಈ ಕುರಿತು ಹಲವು ಮಾದ್ಯಮ ವರದಿಗಳು ಪ್ರಕಟಗೊಂಡಿದ್ದರೂ ಹಿರಿಯ ಅಧಿಕಾರಿಗಳ ಅಸಡ್ಡೆ , ಇಂತಹ ಅಪರಾಧ ಕೃತಯಗಳಿಗೆ ಪ್ರೋತ್ಸಾಹ ಕೊಡುತ್ತಿದೆ ಎಂದು ಸಾರ್ವಜನಿಕರು ಆರೋಪಿಸಿದ್ದಾರೆ.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ಅಡ್ಯನಡ್ಕಕರ್ನಾಟಕ ಬ್ಯಾಂಕ್AdyandkaKarnataka bankTheft

Up Next

ಬೆಳ್ತಂಗಡಿ : ಮಂಗಳೂರಿನಲ್ಲಿ ಉದ್ಯೋಗಿಯಾಗಿದ್ದ ಯುವತಿ ಆತ್ಮಹತ್ಯೆ

Don't Miss

Rajesh Gv ನಾಲ್ಕು ಗೋಡೆಯ ಮಧ್ಯೆ ಕಾರ್ಯಕರ್ತರ ನೋವನ್ನು ನಾಯಕರು ಕೇಳುವ ಸ್ಥಿತಿ ಇಂದು ಬಿಜೆಪಿಯಲ್ಲಿಲ್ಲ –  ಸಾಕಷ್ಟು ಕಾರ್ಯಕರ್ತರು ಪಕ್ಷ  ಬಿಟ್ಟು ಹೋಗುವುದಕ್ಕೆ ಶಾಸಕರು, ಸಂಸದರು, ಸ್ಥಳೀಯ ನಾಯಕರು ಕಾರಣ: ಬಿಜೆಪಿ ರಾಜ್ಯ ಸಂಘಟನಾ ಕಾರ್ಯದರ್ಶಿ ರಾಜೇಶ್ ಜಿ.ವಿ.