ಟಿಕೆಟ್‌ ಆಕಾಂಕ್ಷಿ ಸಿ.ಶಿವಮೂರ್ತಿ ದೂರಿನಲ್ಲಿ ನಳಿನ್‌ ಹೆಸರು ಪ್ರಸ್ತಾಪ ಆರೋಪಿಗಳಾದ ರೇವಣ ಸಿದ್ದಪ್ಪ ಮತ್ತು ಎನ್.ಪಿ.ಶೇಖರ್ ನನಗೆ 2023ರ ವಿಧಾನಸಭಾ ಚುನಾವಣೆಯಲ್ಲಿ ವಿಜಯನಗರ ಜಿಲ್ಲೆಯ ಹಗರಿಬೊಮ್ಮನಹಳ್ಳಿ ಎನ್.ಸಿ.ಮೀಸಲು ಕ್ಷೇತ್ರದ ಬಿಜೆಪಿ ಟೆಕೆಟ್ ಕೊಡಿಸುವುದಾಗಿ ನಂಬಿಸಿದ್ದರು. ಬಳಿಕ ಶೇಖರ್‌ ಎನ್‌ ಪಿಯವರು ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್‌ ಕುಮಾರ್‌ ಕಟೀಲ್‌ ಅವರ ಬೆಂಗಳೂರಿನ ಕಛೇರಿಗೆ ಕರೆದುಕೊಂಡು ಹೋಗಿರುತ್ತಾರೆ.

ತನಗೆ ನಳಿನ್‌ ಆತ್ಮೀಯ ಸ್ನೇಹಿತ ಎಂದು ತಿಳಿಸಿದ ಶೇಖರ್‌ ಅವರನ್ನು ನನಗೆ ಪರಿಚಯಿಸಿದ್ದಾರೆ. ಬಳಿಕ ಟಿಕೆಟ್‌ ವಿಚಾರದ ಎಲ್ಲಾ ವ್ಯವಹಾರವನ್ನು ಶೇಖರ್‌ ಬಳಿ ಮಾತನಾಡಿ ಎಂದು ನಳಿನ್‌ ಕುಮಾರ್‌  ಹೇಳಿದ್ದರು ಎಂದು ಶಿವ ಮೂರ್ತಿ ದೂರಿನಲ್ಲಿ ಹೆಸರಿಸಿದ್ದಾರೆ ತದ ನಂತರದ ದಿನಗಳಲ್ಲಿ ಆರೋಪಿಗಳು ದಿನಾಂಕ 9.-10. -2022ರಿಂದ 30-. 04-. 2023ರ ಮಧ್ಯದ ಅವಧಿಯಲ್ಲಿ ಒಟ್ಟು 2 ಕೋಟಿ 03 ಲಕ್ಷ ರೂ.ಹಣವನ್ನು ಪಡೆದುಕೊಂಡಿದ್ದರು. ಆದರೇ ಟಿಕೆಟ್ ಕೂಡಿಸದೆ ವಂಚಿಸಿದ್ದಾರೆ. ಹೀಗಾಗಿ ಹಣವನ್ನು ವಾಪಸ್ ಕೊಡುವಂತ ಅವರಲ್ಲಿ ಹೇಳಿದ್ದು, ಹಣಕ್ಕೆ ಪೀಡಿಸಿದರೆ ನಿನನ್ನು ಉಳಿಸುವುದಿಲ್ಲ ಎಂದು ಬೆದರಿಕೆ ಹಾಕಿರುವುದಾಗಿ ಶಿವಮೂರ್ತಿಯವರು ದೂರಿನಲ್ಲಿ ಆರೋಪಿಸಿದ್ದಾರೆ.

ಈ ಪ್ರಕರಣದಲ್ಲಿ ಆರೋಪಿಯಾಗಿರುವ ಶೇಖ‌ರ್ ಎನ್.ಪಿ.ಯಾನೆ ರಾಜಶೇಖರ್‌ರವರು ಕಳೆದ ವಿಧಾನಸಭಾ ಚುನಾವಣಾ ಸಂದರ್ಭದಲ್ಲಿ ಪಕ್ಷೇತರ ಅಭ್ಯರ್ಥಿ ಅರುಣ್‌ ಪುತ್ತಿಲ ಪರ ಪ್ರಚಾರದಲ್ಲಿ ಬಹಿರಂಗವಾಗಿ ಗುರುತಿಸಿಕೊಂಡಿದ್ದರು.

ಎರಡನೇ ದೂರಿನಲ್ಲಿ ಏನಿದೆ? ಉದ್ಯಮಿ ಶೇಖರ್ ಎನ್.ಪಿಯವರು ವಿಜಯನನಗರ ಜಿಲ್ಲೆಯ ಬೊಮ್ಮನ ಹಳ್ಳಿ ನಿವಾಸಿ ಶಿವಮೂರ್ತಿ ಎಂಬವರಿಗೆ ಒಂದು ವರ್ಷದಲ್ಲಿ ಲಾಭಾಂಶ ಸಹಿತ ಮರುಪಾವತಿ ಮಾಡುವ ಒಪ್ಪಂದದೊಂದಿಗೆ ಹೊಯಿಗೆ ವ್ಯವಹಾರಕ್ಕಾಗಿ 2022 ಫೆಬ್ರವರಿಯಲ್ಲಿ 90 ಲಕ್ಷ ರೂಪಾಯಿ ಸಾಲವನ್ನು ನೀಡಿದ್ದರು ಹಾಗೂ ಇದಕ್ಕೆ ಪ್ರತಿಯಾಗಿ ಶಿವಮೂರ್ತಿಯವರು ಚೆಕ್‌ ನೀಡಿದ್ದರು.

ವರ್ಷದ ಬಳಿಕ ಶಿವಮೋರ್ತಿ ನೀಡಿದ್ದ ಚೆಕ್ ಗಳನ್ನು ಬ್ಯಾಂಕ್ ಗೆ ಹಾಕಿದ್ದು, ಅದು ಬೌನ್ಸ್‌ ಆಗಿದೆ. ನಂತರ ಆರೋಪಿಯು 2023 ಫೆಬ್ರವರಿ ಹಾಗೂ ಮಾರ್ಚ್ ತಿಂಗಳಲ್ಲಿ ಸಾಲದ ಹಣವನ್ನು ಹಂತ ಹಂತವಾಗಿ ನೀಡಿದ್ದು, ಉಳಿದ ರೂ.56,50,000/- ಹಣವನ್ನು ಸ್ವಲ್ಪ ದಿನದ ಬಳಿಕ ಹಿಂದಿರುಗಿಸುವುದಾಗಿ ಒಪ್ಪಿಕೊಂಡಿದ್ದರು. ಆದರೇ ಬಳಿಕದ ದಿನಗಳಲ್ಲಿ ಶಿವಮೂರ್ತಿಯವರು ಹಣ ನೀಡದೆ ಸಾಮಾಜಿಕ ಜಾಲತಾಣಗಳಲ್ಲಿ ಅಪಪ್ರಚಾರ ಶುರು ಮಾಡಿದ್ದಾರೆ.

ನನಗೆ ನೀಡಬೇಕಿದ್ದ 20 ಲಕ್ಷ ರೂಪಾಯಿಯನ್ನು ಶ್ಯಾಮ್ ಸುದರ್ಶನ್ ಹಾಗೂ ನವೀನ್ ರೈ ಕೈಕಾರ ಎಂಬವರಿಗೆ ನೀಡಿ ಆ ಹಣವನ್ನು ಅವರಿಂದ ಪಡೆದುಕೊಳ್ಳಿ ಎಂದು ಶಿವಮೂರ್ತಿ ನನಗೆ ತಿಳಿಸಿರುವುದಾಗಿ ಶೇಖರ್‌ ಆರೋಪಿಸಿದ್ದಾರೆ. ದಿನಾಂಕ 16.-10.- 2023 ರಂದು ಶೇಖರ್ ರವರಿಗೆ ಕರೆ ಮಾಡಿದ ಆರೋಪಿ ಶಿವಮೂರ್ತಿ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಜೀವ ಬೆದರಿಕೆ ಹಾಕಿ ಹಣ ನೀಡುವುದಿಲ್ಲ ಎಂದು ತಿಳಿಸಿರುತ್ತಾರೆ ದೂರಿನಲ್ಲಿ ಉಲ್ಲೇಖಿಸಲಾಗಿದೆ. ಹೀಗಾಗಿ ಶಿವಮೂರ್ತಿ, ಶ್ಯಾಮ್ ಸುದರ್ಶನ್ ಹಾಗೂ ನವೀನ್ ರೈ ಕೈಕಾರ ವಿರುದ್ಧ ಐಪಿಸಿ ಕಲಂ 420 504, 537, 34 ರಂತೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.