ಬಂಟ್ವಾಳ: ನವರಾತ್ರಿ ವೇಷ ಧರಿಸಿ ಭಿಕ್ಷೆ ಬೇಡುತ್ತಿದ್ದ ‘ನಕಲಿ ಕಲಾವಿದ’ನನ್ನು ಯಕ್ಷಗಾನದ (Yakshagana) ಅಸಲಿ ಕಲಾವಿದ ತಡೆದು ನಿಲ್ಲಿಸಿ ವೇಷ ಕಳಚಿಸಿ ಕಳುಹಿಸಿಕೊಟ್ಟ ವಿಶೇಷ ಪ್ರಸಂಗ ಬಿ.ಸಿ. ರೋಡಿನಲ್ಲಿ ಶನಿವಾರ ನಡೆದಿದೆ.

ನಕಲಿ ಯಕ್ಷನ ವೇಷ ಕಳಚಿಸಿದ ಅಸಲಿ ಕಲಾವಿದ ಸರಪಾಡಿ..! ನವರಾತ್ರಿಯ ನೆಪದಲ್ಲಿ ದಾವಣಗೆರೆಯ ವ್ಯಕ್ತಿಯೋರ್ವ ಯಕ್ಷಗಾನದ ‘ವೇಷ’ ಧರಿಸಿ ಬಂಟ್ವಾಳ ಪೇಟೆಯಲ್ಲಿ ಭಿಕ್ಷೆ ಎತ್ತುತಿದ್ದ. ಇದನ್ನು ಗಮನಿಸಿ ಆಕ್ರೋಶಗೊಂಡ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಹಿರಿಯ ಯಕ್ಷಗಾನ ಕಲಾವಿದ ಅಶೋಕ್ ಶೆಟ್ಟಿ ಸರಪಾಡಿ ವೇಷಧಾರಿಯನ್ನು ತಡೆದು ನಿಲ್ಲಿಸಿ ಸ್ಥಳದಲ್ಲಿಯೇ ಸಖತ್ ಕ್ಲಾಸ್ ತೆಗೆದುಕೊಂಡಿದ್ದಾರೆ.

alt="Ad Widget"/>

ವೇಷ ಕಳಚುವವರೆಗೂ ಪಟ್ಟು ಬಿಡಲಿಲ್ಲ ಯಕ್ಷಗಾನದ ವೇಷಕ್ಕೆ ತನ್ನದೇ ಆದ ಗೌರವ ಇದೆ. ಅದು ಅನೇಕ ಮಂದಿ ಕಲಾವಿದರಿಗೆ ಬದುಕು ನೀಡಿದೆ. ಯಕ್ಷ ವೇಷ ಧರಿಸಿ ಭಿಕ್ಷೆ ಬೇಡಿ ಯಕ್ಷಗಾನ ಕಲೆಯನ್ನು ಅವಮಾನಿಸುವುದು ಸಮಂಜಸವಲ್ಲ ಎಂದ ಅವರು, ತಕ್ಷಣ ವೇಷ ಕಳಚುವಂತೆ ಒತ್ತಾಯಿಸಿದ್ದಲ್ಲದೆ ವೇಷ ಕಳಚುವವರೆಗೂ ಪಟ್ಟು ಹಿಡಿದರು.ಯಕ್ಷಗಾನ ಬಟ್ಟೆ ಬಾಡಿಗೆ ನೀಡಿದವರ ವಿವರ ಕೇಳಿದರು.

<>

ಯಕ್ಷಗಾನ ವೇಷ ಧರಿಸಿ ಭಿಕ್ಷೆ ಬೇಡುತ್ತಿದ್ದ ವ್ಯಕ್ತಿ ಕೊನೆಗೂ ಅಸಲಿ ಯಕ್ಷಗಾನ ಕಲಾವಿದನ ಆಕ್ರೋಶಕ್ಕೆ ಮಣಿದು ವೇಷ ಕಳಚಿದ. ಅಶೋಕ್ ಶೆಟ್ಟಿಯವರ ನಡೆಗೆ ಯಕ್ಷ ಪ್ರೇಮಿಗಳು ಹಾಗೂ ಕಲಾವಿದರಿಂದ ಪ್ರಶಂಸೆ ವ್ಯಕ್ತವಾಗಿದೆ.

ಕರಾವಳಿಯ ಗಂಡುಕಲೆ ಎಂದೇ ಖ್ಯಾತಿಯಾದ ಯಕ್ಷಗಾನಕ್ಕೆ ಕರಾವಳಿ ಭಾಗದಲ್ಲಿ ತನ್ನದೇ ಆದ ಮಹತ್ವ, ಗೌರವವಿದೆ. ಈ ಹಿಂದೆ ದೇವರ ವೇಷ ಧರಿಸಿ , ಧರ್ಮಕ್ಕೆ ಅಪಮಾನ ಆಗುವ ರೀತಿ ವೇಷ ಧರಿಸಿ ಬಿಕ್ಷಾಟನೆ ಮಾಡುವುದು ನಿಷೇಧವಾಗಿದೆ. ಇತ್ತಿಚೆಗೆ ಕೊರಗ ವೇಷ ಹಾಕುವುದು ಶಿಕ್ಷಾರ್ಹ ಅಪರಾಧ ಎಂಬ ನಿಯಮ ಜಾರಿಯಾಗಿದೆ.

ಈಗ ರಕ್ಕಸರ ವೇಷ ಧರಿಸಿ ಹೊರ ಊರಿನಿಂದ ಬಂದು ಬಿಕ್ಷಾಟನ ಮಾಡುವ ಬಹುದೊಡ್ಡ ತಂಡವೇ ಹಲವು ಕಡೆ ಕಾರ್ಯನಿರ್ವಹಿಸುತ್ತಿದೆ. ವೇಷ ಧರಿಸುವವರಿಗೂ ಇಲ್ಲಿಯ ನಂಬಿಕೆಗಳ ಬಗ್ಗೆ ಅರಿವಿಲ್ಲದಿರುವುದೇ ಪ್ರಮುಖ ಕಾರಣವಾಗಿದೆ.

ವಿಡಿಯೋ ನೋಡಿ:

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:BantwalaYakshagana

Up Next

Young Boy and Girl Missing: ಅಕ್ಕಪಕ್ಕದ ಮನೆಯ ಕೂಲಿ ಕೆಲಸ ಮಾಡುವ ಯುವಕ ಹಾಗೂ ಫಾರ್ಮಸಿ ವಿದ್ಯಾರ್ಥಿನಿ ಒಂದೇ ದಿನ ಮನೆಯಿಂದ ನಾಪತ್ತೆ – ಬಂಟ್ವಾಳ ಠಾಣೆಯಲ್ಲಿ ದಾಖಲಾಯಿತು 2 ಮಿಸ್ಸಿಂಗ್‌ ಕಂಪ್ಲೈಂಟ್‌

Don't Miss

Kalladka Accident ಕಲ್ಲಡ್ಕ : ಕಾರು ಢಿಕ್ಕಿ ಹೊಡೆದು ಪಾದಚಾರಿ ಮೃತ್ಯು – ಪಲ್ಟಿ ಹೊಡೆದ ಕಾರು ಕೂಡ ಚರಂಡಿಗೆ