ಘಟನೆ ಸ್ಥಳದಲ್ಲಿ ಯಾವುದೇ ಮೊಬೈಲ್ ನೆಟ್‌ವರ್ಕ್ ಸಿಗುತ್ತಿರಲಿಲ್ಲ . ಹೀಗಾಗಿ ಸುಮಾರು ಮೂರು ಕಿ.ಮೀನಷ್ಟು ದೂರ ಕೆಳಗೆ ಇಳಿದು ಬಂದು ನೆಟ್‌ವರ್ಕ್ ಲಭಿಸಿದ ಸ್ಥಳದಿಂದ ಪೊಲೀಸ್‌ ತುರ್ತು ಕರೆಗೆ ಕರೆ ಮಾಡಿದ್ದೇವು. 112 ಪೊಲೀಸರು ಬಂದು ನಮ್ಮನ್ನು ಉಜಿರೆ ಆಸ್ಪತ್ರೆಗೆ ಬಿಟ್ಟರು. ಆಸ್ಪತ್ರೆಯಿಂದ ನಮ್ಮನ್ನು ವೆನ್‌ಲಾಕ್‌ಗೆ ಶಿಫ್ಟ್ ಮಾಡಲು ಬರೆದಿದ್ದರು. ನಾವು ಪುತ್ತೂರು ಸರಕಾರಿ ಆಸ್ಪತ್ರೆಗೆ ಬಂದು ಅಲ್ಲಿಂದ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದೇವೆ ಎಂದು ಈ ಇಬ್ಬರು ಮಾದ್ಯಮಗಳಿಗೆ ತಿಳಿಸಿದ್ದಾರೆ

ಪೊಲೀಸ್‌ ಇಲಾಖೆಯ ಸ್ಪಷ್ಟನೆ ಏನು ?

ಧರ್ಮಸ್ಥಳ ಠಾಣಾ ವ್ಯಾಪ್ತಿಯ ಚಾರ್ಮಾಡಿ ಎಂಬಲ್ಲಿ ಆ 19 ರಂದು ಸಂಜೆ ಬೈಕ್ – ಕಾರು ಅಪಘಾತ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಕಾರಿನಲ್ಲಿ ಪ್ರಯಾಣಿಸುತ್ತಿದ್ದವರು ಬೈಕ್ ಸವಾರರಿಗೆ ಹಲ್ಲೆ ನಡೆಸಿ, ಅವರ ಬೈಕನ್ನು ಹಾಸನದ ಕಡೆಗೆ ತೆಗೆದುಕೊಂಡು ಹೋಗಿರುತ್ತಾರೆ ಎಂಬುದಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿ ಪ್ರಸಾರವಾಗುತ್ತಿರುತ್ತದೆ. ವಾಸ್ತವವಾಗಿ ಚಾರ್ಮಾಡಿಯಲ್ಲಿ ಕಾರು-ಬೈಕ್ ನಡುವೆ ಅಪಘಾತ ನಡೆದ ಬಳಿಕ ಕಾರು ಹಾಗೂ ಬೈಕ್ ನಲ್ಲಿದ್ದವರು ಪರಸ್ಪರ ಜಗಳವಾಡಿಕೊಂಡಿರುತ್ತಾರೆ. ಆ ಬಳಿಕ ಕಾರಿನಲ್ಲಿದ್ದವರು ಸದರಿ ಬೈಕ್ ಅನ್ನು ಅಪಘಾತ ಸ್ಥಳದಿಂದ, ಬೆಳ್ತಂಗಡಿ ಸಂಚಾರ ಠಾಣೆಗೆ ತಂದು ಒಪ್ಪಿಸಿರುತ್ತಾರೆ. ಪ್ರಕರಣ ಮುಂದುವರಿದಂತೆ ಅಪಘಾತ ಪ್ರಕರಣಕ್ಕೆ ಹಾಗೂ ಆ ಬಳಿಕ ನಡೆದ ಹಲ್ಲೆಗೆ ಸಂಬಂಧಿಸಿದಂತೆ ಇತ್ತಂಡಗಳಿಂದ, ಧರ್ಮಸ್ಥಳ ಪೊಲೀಸ್ ಠಾಣೆಯಲ್ಲಿ, ದೂರು ಹಾಗೂ ಪ್ರತಿದೂರು ದಾಖಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ. ಈ ಬಗ್ಗೆ ಯಾವುದೇ ಸುಳ್ಳು ವದಂತಿಗಳಿಗೆ ಕಿವಿಗೊಡಬಾರದಾಗಿ ವಿನಂತಿ ಎಂದು ದಕ ಜಿಲ್ಲಾ ಪೊಲೀಸರು ಪೇಸ್‌ ಬುಕ್‌ ನಲ್ಲಿ ಹಾಕಿದ ಸ್ಪಷ್ಟನೆಯಲ್ಲಿ ತಿಳಿಸಿದ್ದಾರೆ.

ಧರ್ಮಸ್ಥಳ ಠಾಣೆಯಲ್ಲಿ ದಾಖಲಾದ ಪ್ರಕರಣವೇನು ?

ಪ್ರಕರಣ 1:

ಬಂಟ್ವಾಳ ತಾಲೂಕು ಕೇಪು ಗ್ರಾಮದ ನಿವಾಸಿ ಮನೋಜ್‌ರವರು, ಅ 19 ರಂದು ಸಂಜೆ ಚಾರ್ಮಾಡಿ ಘಾಟಿಯ 3 ನೇ ತಿರುವಿನಲ್ಲಿ ಬೈಕ್‌ ನಲ್ಲಿ ತೆರಳುತ್ತಿದ್ದಾಗ, ನೋಂದಣಿಯಾಗದ ಎರಿಟಿಗಾ ಕಾರನ್ನು, ಅದರ ಚಾಲಕ ನಿರ್ಲಕ್ಯತನದಿಂದ ಚಲಾಯಿಸಿ, ಬೈಕ್‌ಗೆ ಡಿಕ್ಕಿ ಹೊಡೆದು ಅಪಘಾತವೆಸಗಿದ್ದಾನೆ. ಈ ಬಗ್ಗೆ ಬಗ್ಗೆ ಚಾರ್ಮಾಡಿ ಘಾಟಿಯ 1 ನೇ ತಿರುವಿನ ಬಳಿ, ಮಾತುಕತೆ ಮೂಲಕ ಇತ್ಯರ್ಥಪಡಿಸುತ್ತಿದ್ದಾಗ, ಅಪಘಾತಪಡಿಸಿದ ಕಾರಿನಲ್ಲಿದ್ದ ಇಬ್ಬರು ಅಪರಿಚಿತ ವ್ಯಕ್ತಿಗಳು ನನಗೆ ಹಲ್ಲೆ ನಡೆಸಿ, ಅವಾಚ್ಯ ಶಬ್ದಗಳಿಂದ ಬೈದಿರುವುದಾಗಿ ಮನೋಝ್‌ ನೀಡಿದ ದೂರಿನಂತೆ ಧರ್ಮಸ್ಥಳ ಪೊಲೀಸ್ ಠಾಣಾ ಅ.ಕ್ರ. 80/2023 ರಂತೆ ಐಪಿಸಿ ಕಲಂ:279,323,504 ರಡಿ ಪ್ರಕರಣ ದಾಖಲಾಗಿದೆ.

ಪ್ರಕರಣ 2:

ಇನ್ನೂ ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಕಾರಿನಲ್ಲಿದ್ದ ಹಾಸನಜಿಲ್ಲೆಯ ಅರಸಿಕೆರೆ ಬಳಿ ನಿವಾಸಿ ಲೋಲಮ್ಮ (48) ಎಂಬವರು ಮನೋಜ್‌ ಹಾಗು ಮನೀಶ್‌ ವಿರುದ್ದ ಅಪಘಾತ ಹಾಗೂ ಹಲ್ಲೆ ನಡೆಸಿದ ಬಗ್ಗೆ ದೂರು ನೀಡಿದ್ದಾರೆ. ಆರೋಪಿಗಳು ಮಗ ಹಾಗೂ ಪತಿಗೆ ಹಲ್ಲೆ ನಡೆಸಿ ಜೀವಬೆದರಿಕೆ ಒಡ್ಡಿರುವುದಾಗಿ ಆರೋಪಿಸಿದ್ದು, ಐಪಿಸಿ ಕಲಂ:279,341,323, 504,506 ಜೊತೆಗೆ 34 ರಂತೆ ಧರ್ಮಸ್ಥಳ ಪೊಲೀಸ್ ಠಾಣೆಯಲ್ಲಿ ಅ.ಕ್ರ 81/2023 ಪ್ರಕರಣ ದಾಖಲಾಗಿರುತ್ತದೆ.