ಅಧ್ಯಕ್ಷತೆ ವಹಿಸಿದ್ದ ಸುಳ್ಯ ಶಾಸಕ ಭಾಗೀರಥಿ ಮುರುಳ್ಳರವರು ಮಾತನಾಡಿ,  “ ಆದರ್ಶ ಸಹಕಾರ ಸಂಸ್ಥೆಯ ಮೂಲಕ ಜನರಿಗೆ ಒಳ್ಳೆಯ ಸೇವೆ ದೊರೆಯುತ್ತಿದ್ದು, ಸಹಕಾರ ಕ್ಷೇತ್ರ, ಅತ್ಯಂತ ಪವಿತ್ರ ಕ್ಷೇತ್ರವಾಗಿದೆ. ಸೀತಾರಾಮ ರೈಯವರ ಸಹಕಾರ ಕ್ಷೇತ್ರದ ಸಾಧನೆಯು ಸಮಾಜಕ್ಕೆ ಗೌರವ ತಂದಿದೆ.   ಹೊಸ ಕಟ್ಟಡ ಆದಷ್ಟು ಶೀಘ್ರ ಲೋಕಾರ್ಪಣೆಯಾಗಲಿ ”  ಎಂದು ಹೇಳಿ ಶುಭ ಹಾರೈಸಿದರು.

ಎಸ್ ಸಿ ಡಿಸಿಸಿ ಬ್ಯಾಂಕ್ ನಿರ್ದೇಶಕ ಶಶಿಕುಮಾರ್ ರೈ ಬಾಲ್ಯೊಟ್ಟು ಮಾತನಾಡಿ, ಸೀತಾರಾಮ ರೈಯವರು 25 ವರ್ಷಗಳ ಹಿಂದೆ ಹಳ್ಳಿ ಪ್ರದೇಶವಾಗಿದ್ದ ಸವಣೂರಿನಲ್ಲಿ, ಪದ್ಮಾಂಭಾ ಕಾಂಪ್ಲೆಕ್ಸ್, ಮತ್ತು ವಿದ್ಯಾರಶ್ಮಿ ವಿದ್ಯಾಲಯವನ್ನು ಸ್ಥಾಪಿಸಿ, ಸಾರ್ವಜನಿಕರ ಪ್ರೀತಿ-ವಿಶ್ವಾಸವನ್ನು ಸಂಪಾದಿಸಿದರು.  ಯುವ ಪೀಳಿಗೆ ಉದ್ಯೋಗದಾತರಾಗಿ ಸೀತಾರಾಮ ರೈ ಮಾಡಿರುವ ಸೇವಾಕಾರ್ಯವನ್ನು ಪ್ರಶಂಸಿಸಬೇಕು ಎಂದು ಹೇಳಿದರು.

 ಕಾರ್ಯನಿರ್ವಾಹಕ ಅಧಿಕಾರಿ ಭವಾನಿಶಂಕರ್  ಮಾತನಾಡಿ,  ಆದರ್ಶ  ಸಹಕಾರ, ಸಂಸ್ಥೆಯು 13 ಶಾಖೆಗಳನ್ನು ಹೊಂದಿರುವುದು ತುಂಬಾ ಸಂತೋಷವಾಗಿದ್ದು, ಸವಣೂರಿನ ಅಭಿವೃದ್ಧಿಗೆ ಪೂರಕವಾಗುವ ನಿಟ್ಟಿನಲ್ಲಿ ಸೀತಾರಾಮ ರೈಯವರು ಕೈಗೊಂಡಿರುವ ಎಲ್ಲಾ ಕೆಲಸಗಳು ಯಶಸ್ಸುಗೊಂಡಿದೆ ಎಂದು ಹೇಳಿದರು.

 ವೇದಿಕೆಯಲ್ಲಿ  ಸವಣೂರು ಗ್ರಾ.ಸಂ. ಅಧ್ಯಕ್ಷೆ ಸುಂದರಿ ಬಿಎಸ್‌  ಸಂಘದ ಉಪಾಧ್ಯಕ್ಷ ಎಸ್. ಸುಂದರ ರೈ ಸವಣೂರು,  ಕಸ್ತೂರಿಕಲಾ ಎಸ್ ರೈ ಸವಣೂರು ಉಪಸ್ಥಿತರಿದ್ದರು.  ಸಂಘದ ನಿರ್ದೇಶಕ ಅಶ್ವಿನ್ ಎಲ್.ಶೆಟ್ಟಿ ಮತ್ತು ರಶ್ಮಿ ಅಶ್ವಿನ್ ಶೆಟ್ಟಿ ದಂಪತಿ ಒಡಿಯೂರು ಶ್ರೀಗಳನ್ನು ಗೌರವಿಸಿದರು.

ಸಂಘದ ಅಧ್ಯಕ್ಷ ಸವಣೂರು ಕೆ.ಸೀತಾರಾಮ ರೈ ಸ್ವಾಗತಿಸಿ, ಪ್ರಾಸ್ತಾವಿಕವಾಗಿ ಮಾತನಾಡಿದರು. ಮಹಾಪ್ರಬಂಧಕ ವಸಂತ್ ಜಾಲಾಡಿ  ವಂದಿಸಿದರು. ಸಂಸ್ಥೆಯ ಉದ್ಯೋಗಿ ಪ್ರಜ್ಞಾ ಶ್ರೀ ಪ್ರಾರ್ಥನೆಗೈದರು. ಸವಣೂರು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಮುಖ್ಯ  ಕಾರ್ಯನಿರ್ವಹಣಾಧಿಕಾರಿ  ಚಂದ್ರಶೇಖರ್ ಪಿ. ಕಾರ್ಯಕ್ರಮ ನಿರೂಪಿಸಿದರು.

ಸಂಘದ ನಿರ್ದೇಶಕರಾದ ಮಹಾಬಲ ರೈ ಬೊಳಂತೂರು, ಜಯಪ್ರಕಾಶ್ ರೈ ಚೊಕ್ಕಾಡಿ,  ಅಶ್ವಿನಿ ಎಲ್ ಶೆಟ್ಟಿ , ಎಂ.ಎಸ್, ಬಾಪು ಸಾಹೇಬ್ ಸುಳ್ಯ,  ರವೀಂದ್ರನಾಥ ಶೆಟ್ಟಿ ಕೇನ್ಯ,  ರಾಮಯ್ಯ ರೈ ತಿಂಗಳಾಡಿ,  ಚಿಕ್ಕಪ್ಪ ನ್ಯಾಕ್  ಅರಿಯಡ್ಕ,  ಪಿ.ವಿ.ನಾರಾಯಣ ಭಟ್,  ಜೈರಾಜ್ ಭಂಡಾರಿ  ನೂಣಾಲು,  ಮಹಾದೇವ  ಮಂಗಳೂರು, ಪೂರ್ಣಿಮಾ ಎಸ್.ಆಳ್ವ,  ಯಮುನಾ ಎಸ್  ರೈ ಗುತ್ತುಪಾಲ್ ಹಾಗೂ ಕೇಂದ್ರ ಕಚೇರಿಯ ವ್ಯವಸ್ಥಾಪಕ ಸುನಾದ್ ರಾಜ್ ಶೆಟ್ಟಿ, ಬೊಳುವಾರು,  ಶಾಖೆ  ವ್ಯವಸ್ಥಾಪಕಿ ದಯಾಕಾಂತಿರವರು ವಿವಿಧ ಕಾಠ್ಯಕ್ರಮದಲ್ಲಿ ಸಹಕರಿಸಿದರು.   ಬೆಳಿಗ್ಗೆ ಪುರೋಹಿತ ನರಸಿಂಹಪ್ರಸಾದ್ ಪಾಂಗಣ್ಣಾಯರವರ ನೇತೃತ್ವದಲ್ಲಿ  ಭೂಮಿ  ಪೂಜೆ ನಡೆಯಿತು.

Photo : ಕೃಷ್ಣಾ ಸ್ಟುಡಿಯೋ