ಪುತ್ತೂರು: ಹಿಂದಿನ ಬಿಜೆಪಿ ಸರ್ಕಾರ ಅಸ್ತಿತ್ವದಲ್ಲಿದ್ದ ಸಂದರ್ಭದಲ್ಲೆ ಈ ಮುಂಗಾರು ಹಂಗಾಮಿನ ರಾಜ್ಯ ಮಟ್ಟದ ಬೆಳೆ ವಿಮೆ ಸಮನ್ವಯ ಸಮಿತಿ ಸಭೆ ನಡೆದಿದ್ದು,  ಪರಿಷ್ಕೃತ ಮಾರ್ಗಸೂಚಿಯನ್ವಯ ಪ್ರಧಾನ ಮಂತ್ರಿ ಫಸಲ್ ಬಿಮಾ ಯೋಜನೆಗೆ ಮಾತ್ರ ರಾಜ್ಯದಲ್ಲಿ ಅನುಮೋದನೆ ನೀಡಲಾಗಿದೆ.  ಆದರೆ  ದಕ್ಷಿಣ ಕನ್ನಡ ಜಿಲ್ಲೆಯ ರೈತರ ಜೀವನಾಡಿಯಾದ ಅಡಕೆ ಹಾಗೂ ಕಾಳುಮೆಣಸಿಗೆಸಿಗುವ ಹವಾಮಾನ ಆಧಾರಿತ ಬೆಳೆ ವಿಮೆಗೆ ಸಂಬಂಧಿಸಿ ಯಾವುದೇ ಅನುಮೋದನೆಯನ್ನು ಸರ್ಕಾರ ಇಲ್ಲಿಯವರೆಗೆ ತೆಗೆದುಕೊಂಡಿಲ್ಲ. ಹೀಗಾಗಿ ಹಿಂದಿನ ಬಿಜೆಪಿ ಸರಕಾರದ ತಪ್ಪು ನಿರ್ಧಾರದಿಂದ  ಇಲ್ಲಿನ ರೈತರಿಗೆ ಸಿಗಬೇಕಾದ ಬೆಳೆ ವಿಮೆ ಸಿಗದಂತಾಗಿದೆ. ಆದರೆ ಈ ಸತ್ಯವನ್ನು  ಮರೆಮಾಚಿ ಜನರಿಗೆ ತಪ್ಪು ಮಾಹಿತಿ ನೀಡುವ ಹಾಗೂ ಇದನ್ನು ಮತ್ತೆ ರೈತರಿಗೆ ಕೊಡಿಸಲು ಶ್ರಮಿಸುತ್ತಿರುವ  ಈಗಿನ ಶಾಸಕ ಅಶೋಕ್ ರೈಯವರನ್ನು  ದೂರುವ ಕಾರ್ಯವನ್ನು  ಪುತ್ತೂರಿನ ಮಾಜಿ ಶಾಸಕರಾದ ಸಂಜೀವ ಮಠಂದೂರು ಮಾಡಿದ್ದಾರೆಂದು ಪುತ್ತೂರು ಕಾಂಗ್ರೆಸ್ ಆರೋಪಿಸಿದೆ. ಇದರ ಜತೆಗೆ ಪುತ್ತೂರು ಕಾಂಗ್ರೆಸ್ ಇದಕ್ಕೆ ಸಂಬಂಧಿಸಿದೆ ಎನ್ನಲಾದ ಕರ್ನಾಟಕ ಸರಕಾರದ ಸಚಿವಾಲಯ ಜೂ 20 ರಂದು 2023-24ನೇ ಸಾಲಿನ ಮುಂಗಾರು ಹಂಗಾಮಿನ ಬಗ್ಗೆ ಪ್ರಧಾನ ಮಂತ್ರಿ ಫಸಲ್ ಬಿಮಾ ಯೋಜನೆಯ ಕುರಿತಾಗಿ  ಹೊರಡಿಸಿದ ಅಧಿಸೂಚನೆಯನ್ನು ನೀಡಿದ್ದಾರೆ

ಬುಧವಾರ ಪ್ರೆಸ್ ಕ್ಲಬ್ ನಲ್ಲಿ ಸುದ್ದಿಗೋಷ್ಠಿಯಲಿ ಮಾತನಾಡಿದ ಆರ್ಯಾಪು ಕೃಷಿಪತ್ತಿನ ಸಹಕಾರ ಸಂಘ ಅಧ್ಯಕ್ಷ ಮಹಮ್ಮದ್ ಆಲಿ ಮಾತನಾಡಿ ಪ್ರಸಕ್ತ ಸಾಲಿನಲ್ಲಿ ಹವಾಮಾನ ಆಧಾರಿತ ವಿಮಾ ಯೋಜನೆಯನ್ನು ಕೈಬಿಡಲಾಗಿದ್ದು, ಇದಕ್ಕೆ ಹಿಂದಿನ ಬಿಜೆಪಿ ಸರ್ಕಾರ ನೇರ ಕಾರಣವಾಗಿದೆ. ಆಗ ಸಂಜೀವ ಮಠಂದೂರು ಶಾಸಕರಾಗಿದ್ದರು. ಹೀಗಾಗಿ ವಿಮಾ ಯೋಜನೆ ಕೈಬಿಡಲು ಅವರೂ ಕೂಡಾ ಕಾರಣಕರ್ತರಾಗಿದ್ದಾರೆ. ಕಳೆದ 5 ವರ್ಷಗಳಿಂದ ಶಾಸಕರಾಗಿದ್ದ ಸಂಜೀವ ಮಠಂದೂರು ಅವರಿಗೆ ಈ ಯೋಜನೆಯ ಸರಿಯಾದ ಅರಿವೆ ಇಲ್ಲ ಎಂದರು.

alt="Ad Widget"/>

ರೈತರಿಗಾದ ಅನ್ಯಾಯ ತಿಳಿದ ಶಾಸಕ ಅಶೋಕ್ ಕುಮಾರ್ ರೈ ಅವರು ಈ ವಿಷಯವನ್ನು ಸಂಬಂಧಪಟ್ಟ ಸಚಿವರ ಗಮನಕ್ಕೆ ತಂದು ಅಡಕೆ ಮತ್ತು ಕಾಳುಮೆಣಸಿಗೆ ವಿಮಾ ಯೋಜನೆಯನ್ನು ಒದಗಿಸಲು ಪ್ರಯತ್ನ ಪಟ್ಟಿದ್ದಾರೆ. ರೈತರು ಈ ಕಾರ್ಯವನ್ನು ಉಭಯ ಜಿಲ್ಲೆಯ  ರೈತರು  ಶ್ಲಾಘಿಸುತ್ತಿದ್ದು ಇದು  ಮಾಜಿ ಶಾಸಕರಿಗೆ ಹೊಟ್ಟೆ ನೋವಾಗಿದೆ.  ಹಾಗಾಗಿಯೇ ಅಶೋಕ ಕುಮಾರ್ ರೈಯವರು ಬೆಳೆ ವಿಮೆ ಕುರಿತಾಗಿ ಜ್ಞಾನವಿಲ್ಲದೆ  ಗೊಂದಲಕಾರಿ ಹೇಳಿಕೆ ನೀಡಿರುವುದಾಗಿ ಸಂಜೀವ ಮಠಂದೂರು ಆರೋಪಿಸಿದ್ದು ಅದರಲ್ಲಿ ಯಾವುದೇ ಸತ್ಯಾಂಶವಿಲ್ಲ ಎಂದು ಆಲಿ ಸ್ಪಷ್ಟಪಡಿಸಿದರು

<>

ವಿಮಾ ಯೋಜನೆ ಕೇಂದ್ರದಲ್ಲಿ ಕಾಂಗ್ರೆಸ್ ಸರ್ಕಾರವಿದ್ದ ಸಮಯದಿಂದಲೇ ಇದ್ದು, ಆ ವೇಳೆ ಸರಕಾರಿ ಕಂಪೆನಿಗಳು ಅದನ್ನು ನಿರ್ವಹಿಸುತ್ತಿದ್ದವು. ಆದರೆ ಬಿಜೆಪಿ ಸರ್ಕಾರ ಬಂದ ಬಳಿಕ ಅದನ್ನು ಖಾಸಗಿ ವಿಮಾ ಕಂಪನಿಗಳಿಗೆ ನೀಡುವ ಜತೆಗೆ ಕಡ್ಡಾಯಗೊಳಿಸಲಾಗಿದೆ. ಆ ಬಳಿಕ ಅದು ಹೆಚ್ಚು ಜನರನ್ನು ಅಕರ್ಷಿಸಿದೆ. ಈ ಯೋಜನೆ  5 ವರ್ಷಗಳ ಹಿಂದೆ ದೊಡ್ಡ ಮಟ್ಟದ ಪ್ರಚಾರಕ್ಕೆ ಬಂದಿದ್ದು, ಶಾಸಕ ಮಠಂದೂರು ಅವರು ಕೇವಲ 3 ವರ್ಷಗಳಿಂದ ಜಾರಿಯಲ್ಲಿದೆ ಎಂಬ ಹೇಳಿಕೆಯನ್ನು ನೀಡಿದ್ದಾರೆ. ಇದರಲ್ಲೆ ಗೊತ್ತಾಗುತ್ತದೆ , ಅವರಿಗೆ ಯೋಜನೆಯ ಬಗ್ಗೆ ಎಷ್ಟು ಜ್ಞಾನವಿದೆ ಎಂಬ ಸಂಗತಿ.

ಕೇಂದ್ರ ಸರ್ಕಾರದ ಯೋಜನೆಯೆಂದು  ಪ್ರಚಾರವನ್ನು ಪಡೆದಿದ್ದರೂ, ವಿಮಾ ಕಂತಿನ ಸಿಂಹಪಾಲನ್ನು ರಾಜ್ಯ ಸರಕಾರ ಭರಿಸುತ್ತಿದೆ.  ರಾಜ್ಯ ಸರ್ಕಾರ ವಿಮಾ ಕಂತಿನ  ಶೇ.52.45 ರಷ್ಟು ಪಾವತಿಸಿದರೇ,  ಕೇಂದ್ರ ಕೇವಲ ಶೇ.10 ಮಾತ್ರ ಪಾವತಿಸುತ್ತಿದೆ. ರೈತರು 5% ಪಾವತಿಸುತ್ತಿದೆ. ಆದರೆ ಈ ಬಗ್ಗೆ ಮಾಹಿತಿಯಿಲ್ಲದ ಮಠಂದೂರು ರಾಜ್ಯ ಸರಕಾರ ಕೇವಲ 10% ಮಾತ್ರ ಭರಿಸುತ್ತಿದೆ ಎಂದು ತಪ್ಪು ಮಾಹಿತಿ ರವಾನಿಸಿದ್ದು ಈ ಮೂಲಕ ಯೋಜನೆಯ ಕುರಿತಾಗಿ ತಮಗಿರುವ ಅಜ್ಞಾನವನ್ನು ಭರಿಸಿದ್ದಾರೆ ಎಂದರು.  ಇನ್ನೂ   ಮಾಜಿ ಶಾಸಕರು ಈ ಯೋಜನೆಯಿಂದ  ವಿಮೆ ಕಂಪನಿಗೆ ನಷ್ಟವಾಗಿದೆ ಎಂದು ಹೇಳುವ ಮೂಲಕ ವಿಮಾ ಕಂಪನಿ ಏಜೆಂಟರಂತೆ ವರ್ತಿಸುತ್ತಿದ್ದಾರೆ. ರೈತರಿಂದ ಕಂಪನಿ ಎಷ್ಟು ಲಾಭವನ್ನು ಪಡೆದಿದೆ ಎಂಬ ದಾಖಲೆಯನ್ನು ನಾವು ಹೊಂದಿದ್ದೇವೆ. ವಿಮಾ ಕಂತಿನ ಮೊತ್ತಕ್ಕಿಂತ ಕಡಿಮೆ ಮೊತ್ತವನ್ನುರೈತ ಪರಿಹಾರವಾಗಿ  ಪಡೆದ ಹಲವು ದಾಖಲೆಗಳು ನಮ್ಮ ಬಳಿ ಇದೆ. ಅದುದರಿಂದ ಈ ಯೋಜನೆಯಿಂದ ವಿಮಾ ಕಂಪೆನಿಗೆ ನಷ್ಟವಾಗಿದೆ ಎಂಬ ಮಾಹಿತಿ ಶುದ್ದ ಸುಳ್ಳು  ಎಂದು ತಿಳಿಸಿದರು.

ಪುತ್ತೂರು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಎಂ. ಬಿ. ವಿಶ್ವನಾಥ ರೈ, ವಿಟ್ಲ – ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಡಾ. ರಾಜಾರಾಮ ಕೆ. ಬಿ., ಬನ್ನೂರು ರೈತರ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಈಶ್ವರ ಭಟ್ ಪಂಜಿಗುಡ್ಡೆ, ಮುಂಡೂರು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಉಪಾಧ್ಯಕ್ಷ ಯಾಕುಬ್ ಮುಲಾರು ಉಪಸ್ಥಿತರಿದ್ದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:Crop InsurenceDakshina Kannada

Up Next

FSSM instead of drainage to Puttur ಪುತ್ತೂರಿಗೆ ಒಳಚರಂಡಿ ಬದಲು‌ ಎಫ್ಎಸ್‌ಎಸ್‌ಎಂ – ವಿಧಾನಸಭೆಯಲ್ಲಿ ಶಾಸಕ ಅಶೋಕ್‌ ರೈ ಪ್ರಸ್ತಾಪಕ್ಕೆ ಸಚಿವರ ಉತ್ತರ

Don't Miss

Dakshina Kannada Rain | ದಕ್ಷಿಣ ಕನ್ನಡ ಜಿಲ್ಲೆಯ ಶಾಲಾ ಕಾಲೇಜುಗಳಿಗೆ ಜುಲೈ 6 ರಂದು ರಜೆ ಘೋಷಣೆ : ಜಿಲ್ಲಾಧಿಕಾರಿ