ಪುತ್ತೂರು ; ಪಕ್ಷೇತರರಾಗಿ ಸ್ಪರ್ಧಿಸುತ್ತಿರುವ ಅರುಣ್ ಕುಮಾರ್ ಪುತ್ತಿಲ ನಾನು ಶಾಸಕನಾಗಿದ್ದ ಅವಧಿಯಲ್ಲಿ ಮುಂಡೂರು ಭಾಗದಲ್ಲಿ ಕಾರ್ಯಕರ್ತನಾಗಿ ದುಡಿಯುತ್ತಿದ್ದರು. ಅವರೀಗ ಖಾಲಿಸ್ತಾನ್ ಮುಖಂಡ ನ ರೀತಿ ಸ್ವಯಂಘೋಷಿತ ಹಿಂದೂ ನಾಯಕನ ನೆಲೆಯಲ್ಲಿ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸುತ್ತಿದ್ದು ಮತ್ತೊಮ್ಮೆ ಪುತ್ತೂರಿನಲ್ಲಿ ಗೂಂಡಾ ರಾಜ್ಯ ತರುವ ಪ್ರಯತ್ನದಲ್ಲಿದ್ದಾರೆ . ಹಿಂದೂಮ್ಮೆ ಶನಿಪೂಜೆಯಲ್ಲಿ ಅವರ ‘ಶನಿʼ ಬಿಡಿಸಿದ್ದೇವೆ ಎಂದು ಮಾಜಿ ಮುಖ್ಯಮಂತ್ರಿ ಡಿ.ವಿ.ಸದಾನಂದ ಗೌಡ ತಿಳಿಸಿದರು.
ಪುತ್ತೂರಿನಲ್ಲಿ ಪತ್ರಿಕಾಗೋಷ್ಟಿ ನಡೆಸಿ ಮಾತನಾಡಿದ ಅವರು “ ಒಂದಷ್ಟು ಮಂದಿ ವಿರೋಧಿಗಳು ನನಗೆ ಸವಾಲೆಸಯುವ ರೀತಿಯಲ್ಲಿ ನಾನು ಪುತ್ತೂರಿಗೆ ಪ್ರಚಾರಕ್ಕೆ ಬರುತ್ತೇನಾ? ಬಂದರೇ ಪಕ್ಷದ ಪರವಾಗಿ ಪ್ರಚಾರ ಮಾಡುತ್ತೇನಾ ? ಅಥಾವ ಆಪ್ತ ಮಿತ್ರನ ಪರವಾಗಿ ಕೆಲಸ ಮಾಡುತ್ತೇನೊ ಎಂದು ಟ್ವಿಟರ್ ನಲ್ಲಿ ಪೋಸ್ಟ್ ಗಳನ್ನು ಹಾಕುತ್ತಿದ್ದಾರೆ.ಕಾಂಗ್ರೇಸ್ ಅಭ್ಯರ್ಥಿ ಬಿಜೆಪಿಯಿಂದ ಹೊರಗೆ ಕಾಲಿಟ್ಟ ತಕ್ಷಣ ನನಗೆ ಆಪ್ತಮಿತ್ರನಲ್ಲ. ನನ್ನ ಪಾಲಿಗೆ ರಾಜಕೀಯ ಶತ್ರು. ಯಾರೆಲ್ಲಾ ಬಿಜೆಪಿಯಲ್ಲಿ ಇರ್ತಾರೋ ಅಲ್ಲಿ ತನಕ ಆಪ್ತಮಿತ್ರ, ಪಾಲುದಾರ. ಅವರ ಒಂದು ಕಂಪೆನಿಯಲ್ಲಿ ಚಿಕ್ಕ ಪಾಲುದಾರ ಮಾತ್ರ ನಾನಾಗಿದ್ದೇನೆ. ನನ್ನ ಬೇನಾಮಿ ಆಸ್ತಿ ಅಶೋಕ್ ರೈ ಜತೆಗಿದೆ ಎಂದು ಅಪಪ್ರಚಾರ ಮಾಡುತ್ತಿದ್ದಾರೆ. ಆದರೆ ಸರ್ಕಾರ ಐಟಿ-ಇಡಿಗಳ ಮೂಲಕ ರಹಸ್ಯ ತನಿಖೆ ನಡೆಸಿ ಆಸ್ತಿಯನ್ನು ಮುಟ್ಟುಗೋಲು ಹಾಕಿಕೊಳ್ಳಲಿ ಎಂದು ಅವರು ಹೇಳಿದರು.
ಸಮುದ್ರ ಸೇರುವ 1300 ಟಿಎಂಸಿ ನೀರಿನಲ್ಲಿ 23 ಟಿಎಂಸಿ ಕುಡಿಯಲು ಕೊಡಲು ಯೋಗ್ಯತೆ ಇಲ್ಲದವ ಈರಾಜ್ಯದ ಮುಖ್ಯ ಮಂತ್ರಿ ಸ್ಥಾನದಲ್ಲಿ ನಾಲಾಯಕ್ಕು. ಮಳೆಗಾಲದ ಸಂದರ್ಭ ಕೇವಲ 100 ದಿನಗಳ ಕಾಲ ಮಾತ್ರ 23 ಟಿಎಂಸಿ ನೀರನ್ನು ಎತ್ತಿನ ಹೊಳೆ ಯೋಜನೆಯ ಮೂಲಕ ತೆಗೆದುಕೊಂಡು ಹೋಗಲಾಗುತ್ತದೆ. ಎತ್ತಿನಹೊಳೆ ಪ್ರಾರಂಭ ಆಯಿತಾ? ಅಲ್ಲಿಂದ ನೀರು ಎತ್ತಲಾಗುತ್ತಿದೆಯಾ? ಈಗ ನೇತ್ರಾವತಿ ಬತ್ತಿರುವುದಕ್ಕೆ ಸದಾನಂದ ಗೌಡ ಕಾರಣವಲ್ಲ ಎಂದು ಬೆಂಗಳೂರು ಉತ್ತರ ಸಂಸದ ಡಿ.ವಿ. ಸದಾನಂದ ಗೌಡ ರೇಗಾಡಿದರು.
23 ಟಿಎಂ ಸಿ ನೀರನ್ನು ನೀಡುವುದು ಅನ್ಯಾಯವೇ ಎಂಬುದನ್ನು ಕ್ರಿಕೆಟ್ ಆಡುವವರು ಅರ್ಥಮಾಡಿಕೊಳ್ಳಬೇಕಾಗಿದೆ. ಎತ್ತಿನ ಹೊಳೆ ಇನ್ನೂ ಪ್ರಾರಂಭವಾಗಿಲ್ಲ. ಕುಮಾರಧಾರೆ ಹಾಗೂ ಎತ್ತಿನಹೊಳೆಗೂ ಸಂಭಂದವೇ ಇಲ್ಲ. ಅದೂ ಬತ್ತಿಹೊಗಿದೆ. ಪಯಸ್ವಿನಿ ಬತ್ತಿ 15 ದಿನ ಕಳೆದುಹೋಗಿದೆ. ಆರೋಪಗಳನ್ನು ಮಾಡುವುದು ಮತ್ತು ಆರೋಪಗಳ ಹಿನ್ನಲೆಯನ್ನು ತಿಳಿದುಕೊಳ್ಳದಿರುವುದು ರಾಜಕೀಯದಲ್ಲಿ ಒಳ್ಳೆಯ ಸೂತ್ರವಲ್ಲ ಎಂದರು.
ಕಾಂಗ್ರೆಸ್ ಮತ್ತು ಪಕ್ಷೇತರ ಅಭ್ಯರ್ಥಿ ನಡುವೆ ಒಳ ಒಪ್ಪಂದ ಆಗಿದೆ. ಇದು ಹೆಚ್ಚು ಅಪಾಯಕಾರಿ. ಹಿಂದೆ ಈಶ್ವರಮಂಗಲ ಮಿನಿ ಪಾಕಿಸ್ತಾನ ತರಹ ಇತ್ತು. ಇದೀಗ ಮತ್ತೆ ಪುತ್ತೂರಿನಲ್ಲಿ ಗೂಂಡಾ ರಾಜ್ಯ ಸ್ಥಾಪನೆಗೆ ಕಾಂಗ್ರೇಸ್ ಮತ್ತು ಸ್ವಯಂಘೋಷಿತ ಹಿಂದೂ ಮುಖಂಡ ಪಕ್ಷೇತರ ಅಭ್ಯರ್ಥಿ ಹೊರಟಿದ್ದಾರೆ. ಆದರೆ ಯಾವುದೇ ಕಾರಣಕ್ಕೂ ಪುತ್ತೂರನ್ನು ಗೂಂಡಾರಾಜ್ಯವಾಗಲು ಬಿಜೆಪಿ ಬಿಡುವುದಿಲ್ಲ ಎಂದರು.

alt="Ad Widget"/>

ಗೂಂಡ ರಾಜಕೀಯ ವನ್ನು ನಿಲ್ಲಿಸಿದ್ದ ನಾವು. ನಾವು ಇನ್ನು ಶಸ್ತ್ರ ಬಿಡ್ಲಿಲ್ಲ . ಹಾವಿಗೆ ವಯಸ್ಸಾಗಿರಬಹುದು ಆದರೆ ವಿಷಕ್ಕೆ ವಯಸ್ಸಾಗಲಿಲ್ಲ. ಕಾಂಗ್ರೆಸ್ ನವರಿಗೆ ಎಚ್ಚರಿಕೆ ಕೊಟ್ಟು, ಗೂಂಡ ರಾಜಕೀಯ ಮಾಡಿದ್ರೆ ಅದಕ್ಕೆ ಉತ್ತರ ನೀಡಬೇಕಾಗ್ತದೆ. ಗೂಂಡಾ ರಾಜ್ಯದಿಂದ ಪುತ್ತೂರನ್ನು ಮುಕ್ತಿಗೊಳಿಸಿದ್ದು ಬಿಜೆಪಿ ಪಕ್ಷ. ನನ್ನ ಮೇಲೆ 101 ಕೇಸು ಇತ್ತು. ನಾನು ಶಾಸಕನಾಗಿರುವಾಗಲೂ ನನ್ನ ಮೇಲೆ 3 ಕೇಸು ಇತ್ತು. ಈಗ ಅಂಥಾ ವ್ಯವಸ್ಥೆಯನ್ನು ಬಿಜೆಪಿ ಬದಲಿಸಿದೆ. ಬಿಜೆಪಿ ಪಕ್ಷ ನನಗೆ ಮುಖ್ಯಮಂತ್ರಿ, ಪಕ್ಷದ ಅಧ್ಯಕ್ಷ ಸಹಿತ ಎಲ್ಲವನ್ನೂ ಕೊಟ್ಟಿದೆ. ಇಂತಹ ಪಕ್ಷದ ವಿರುದ್ಧ ಸಂತೃಪ್ತನಾಗದಿರಲು ನಾನು ಮನುಷ್ಯನೋ? ಪ್ರಾಣಿಯೋ ಎಂದವರು ಪ್ರಶ್ನೆ ಮಾಡಿದರು.
ಕೆಲವರಿಗೆ ಒಟ್ಟಿಗೆ ಇರುವಾಗ ಅವರು ದೇವರಾಗಿ ಕಾಣುತ್ತಾರೆ. ಅವರ ಸ್ವಾರ್ಥಕ್ಕಾಗಿ ಬೆಂಬಲ ನೀಡದಿದ್ದಾರೆ. ದೆವ್ವವಾಗಿ ಕಾಣುತ್ತಾರೆ. ಮೊದಲು ಪ್ರಸಾದ್ ಭಂಡಾರಿ ಹಾಗೂ ಪ್ರಭಾಕರ್ ಭಟ್ ಕಲ್ಲಡರು ನಡೆದಾಡುವ ದೇವರಾಗಿದ್ದಾರು. ಈ ದೆವ್ವ ದೆವ್ವ ಅಂತ ಹೇಳ್ತಾ ಇದ್ದಾರೆ. ಸ್ವಾರ್ಥಕ್ಕಾಗಿ ಪಾರ್ಟಿ ಸಮಾಜವನ್ನು ಬಲಿ ಕೊಡುತ್ತಿದ್ದಾರೆ. ಅರುಣ್ ಹಾಗೂ ಅಶೋಕ್ ಇಬ್ಬರಿಗೂ ಸ್ಥಾನ ಮಾನ ಸಿಕ್ಕಿತ್ತು ಆದರೂ ಪಾರ್ಟಿಗೆ ದ್ರೋಹ ಮಾಡಿದ್ದಾರೆ.
ರಾಜ್ಯ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಪಕ್ಷ 130 ಸ್ಥಾನಗಳನ್ನು ಪಡೆದುಕೊಳ್ಳುವುದು ಗ್ಯಾರಂಟಿ. ಇದರಲ್ಲಿ ಪುತ್ತೂರು ಕೂಡಾ ಒಂದಾಗಲಿದೆ. ರಾಜ್ಯದಲ್ಲಿ ಬಿಜೆಪಿ ಪರ ವಾತಾವರಣದ ಗಾಳಿ ವೇಗವಾಗಿ ಬೀಸುತ್ತಿದೆ. ಬಿಜೆಪಿ ತನ್ನ ಆಡಳಿತದ8 ವರ್ಷದ ರಿಪೋರ್ಟ್ ಕಾರ್ಡನ್ನು ಜನರ ಮುಂದೆ ಇಡಲಿದೆ. ಕಾಂಗ್ರೇಸ್ ಮತ್ತು ಜೆಡಿಎಸ್ ಕೂಡಾ ಕೊಡಲಿ. ಆಗ ಜನತೆ ನಿರ್ಧಾರ ಮಾಡುತ್ತಾರೆ ಯಾರದ್ದು ಅಭಿವೃದ್ಧಿ ಧ್ಯೇಯವಾಗಿದೆ. ದೇಶದಲ್ಲಿ ಹೆದ್ದಾರಿ ಕಾಮಗಾರಿಗಳು ಶೇ.24 ರಷ್ಟು ವೇಗದಲ್ಲಿ ನಡೆಯುತ್ತಿದೆ ಎಂದು ಅವರು ಹೇಳಿದರು.
ಪತ್ರಿಕಾಗೋಷ್ಟಿಯಲ್ಲಿ ಶಾಸಕ ಸಂಜೀವ ಮಠಂದೂರು, ಅಭ್ಯರ್ಥಿ ಆಶಾ ತಿಮ್ಮಪ್ಪ ಗೌಡ, ಮುಖಂಡರಾದ ಗೋಪಾಲಕೃಷ್ಣ ಹೇರಳೆ, ಪಿ.ಜಿ.ಜಗನ್ನೀವಾಸ ರಾವ್, ಶಶಿಕುಮಾರ್ ಬಾಲ್ಯೋಟ್ಟು, ಸಾಜ ರಾಧಾಕೃಷ್ಣ ಆಳ್ವ, ಮೊಗರೋಡಿ ಬಾಲಕೃಷ್ಣ ರೈ, ಕೇರಳದ ಬಿಜೆಪಿ ಮುಖಂಡ ನ್ಯಾಯವಾದಿ ಸುರೇಶ್, ಚಂದ್ರಶೇಖರ್ ರಾವ್ ಬಪ್ಪಳಿಗೆ ಇದ್ದರು.

<>