ಉಪ್ಪಿನಂಗಡಿ: ಉಪ್ಪಿನಂಗಡಿ ಕಂಬಳ (Uppinangady Kambala) ಅಧ್ಯಕ್ಷ ಅಶೋಕ್‌ ಕುಮಾರ್ ರೈ ಕೋಡಿಂಬಾಡಿ ಅವರ ವಿರುದ್ಧ ಉಪ್ಪಿನಂಗಡಿ ಕಂಬಳಕ್ಕೆ ಸಂಬಂಧಿಸಿದಂತೆ ಸಾಮಾಜಿಕ ಜಾಲತಾಣದಲ್ಲಿ ನಡೆಯುತ್ತಿರುವ ಅಪಪ್ರಚಾರಕ್ಕೆ ಉಪ್ಪಿನಂಗಡಿ ವಿಜಯ್- ವಿಕ್ರಮ ಜೋಡುಕರೆ ಬಯಲು ಕಂಬಳ ಸಮಿತಿಯ ಗೌರವಾಧ್ಯಕ್ಷ, ಬಿಜೆಪಿ ಮುಖಂಡ ಎನ್. ಉಮೇಶ್ ಶೆಣೈ ಕಂಬಳ ಸಮಿತಿ ಸಭೆಯಲ್ಲೇ ಉತ್ತರ ಕೊಟ್ಟಿದ್ದಾರೆ.

ಕಂಬಳವು ತುಳುನಾಡಿನ ಜನಪದ ಕ್ರೀಡೆಯಾಗಿದ್ದು, ಇದಕ್ಕೆ ರಾಜಕೀಯ ಬಣ್ಣ ಕೊಡುವುದು ಸರಿಯಲ್ಲ. ಎಲ್ಲರೂ ಕ್ರೀಡೆ ಮನೋಭಾವದಿಂದ ಪರಸ್ಪರ ಸಹಕಾರ ನೀಡಿದಾಗ ಮಾತ್ರ ಕಂಬಳ ಕ್ರೀಡೆಯು ಯಶಸ್ವಿಯಾಗಿ ನಡೆಯುವುದರೊಂದಿಗೆ ಈ ಮಣ್ಣಿನ ಕ್ರೀಡೆಯು ಉಳಿದು ಬೆಳೆಯಲು ಸಾಧ್ಯ ಎಂದು ಉಪ್ಪಿನಂಗಡಿ ವಿಜಯ್- ವಿಕ್ರಮ ಜೋಡುಕರೆ ಬಯಲು ಕಂಬಳ ಸಮಿತಿಯ ಗೌರವಾಧ್ಯಕ್ಷ ಎನ್. ಉಮೇಶ್ ಶೆಣೈ ತಿಳಿಸಿದರು.

alt="Ad Widget"/>

‘ 25 ವರ್ಷದಿಂದ ಅಧ್ಯಕ್ಷರಾಗಿ ರಾತ್ರಿ ಹಗಲೆನ್ನದೆ ದುಡಿದು ಉಪ್ಪಿನಂಗಡಿ ಕಂಬಳ ಉಳಿಸಿರುವ ಬರಿಗಾಲ ವ್ಯಕ್ತಿಯಾದ ಉಮೇಶ್ ಶೆಣೈಮಾಮರ ಕೈಯಿಂದ ಹೈಜೆಕ್ ಮಾಡಿದ ಅಶೋಕ್ ರೈ ಯನ್ನು ಉಪ್ಪಿನಂಗಡಿ ಕಂಬಳದಿಂದಲೇ ಮುಕ್ತಿ ನೀಡಿ ಉಮೇಶ್ ಶೆಣೈ ನೇತೃತ್ವದಲ್ಲೇ ನಡೆಯುವಂತಾಗಲಿ ‘ ಎಂಬ ಸಂದೇಶ ಸಾಮಾಜಿಕ ಜಾಲತಾಣದಲ್ಲಿ ಇತ್ತಿಚೆಗೆ ಹರಿದಾಡುತಿತ್ತು.

<>

ಹಳೆಗೇಟು ಬಳಿಯ ನೇತ್ರಾವತಿ ನದಿ ಕಿನಾರೆಯ ಕಂಬಳ ಕರೆಯ ಬಳಿ ಫೆ.2 ರಂದು ನಡೆದ ಕಂಬಳ ಸಮಿತಿಯ ಸಭೆಯಲ್ಲಿ ಕಂಬಳ ಸಮಿತಿಯ ಅಧ್ಯಕ್ಷ ಅಶೋಕ್‌ ಕುಮಾರ್ ರೈ ಕೋಡಿಂಬಾಡಿ ಅವರ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ನಡೆಯುತ್ತಿರುವ ಅಪಪ್ರಚಾರಕ್ಕೆ ಸಂಬಂಧಿಸಿ ಮಾತನಾಡಿದ ಉಮೇಶ್ ಶೆಣೈ ಅವರು, ನಿಂತು ಹೋಗಿದ್ದ ಉಪ್ಪಿನಂಗಡಿಯ ವಿಜಯ- ವಿಕ್ರಮ ಜೋಡುಕರೆ ಬಯಲು ಕಂಬಳಕ್ಕೆ ಹೊಸ ಚೈತನ್ಯ ನೀಡಿ ಮರು ಆರಂಭವಾಗಲು ಕಾರಣರಾದವರು ಅಶೋಕ್ ಕುಮಾರ್ ರೈ ಕೋಡಿಂಬಾಡಿಯವರು. ಅವರ ಅಧ್ಯಕ್ಷತೆಯಲ್ಲಿ ಅಂದಿನಿಂದ ಇಂದಿನವರೆಗೆ ಸುಸೂತ್ರವಾಗಿ ಕಂಬಳ ನಡೆದುಕೊಂಡು ಬರುತ್ತಿದೆ.

ಬೆಳ್ಳಿ ಹಬ್ಬ ಆಚರಣೆಯ ಬಳಿಕ ಉಪ್ಪಿನಂಗಡಿಯ ವಿಜಯ- ವಿಕ್ರಮ ಜೋಡುಕರೆ ಕಂಬಳ ಒಂದು ವರ್ಷ ನಿಂತು ಹೋಗಿತ್ತು. ಬಳಿಕ ಉದ್ಯಮಿ ಕುಶಾಲಪ್ಪ ಗೌಡ ಪೂವಾಜೆಯವರು ನನ್ನಲ್ಲಿಗೆ ಬಂದು ಕಂಬಳ ನಿಲ್ಲಿಸಬಾರದು ಎಂದರಲ್ಲದೆ, ಅವರದ್ದೇ ಅಧ್ಯಕ್ಷತೆಯಲ್ಲಿ ಸಮಿತಿಯನ್ನು ರಚನೆ ಮಾಡಿ ಎರಡು ವರ್ಷ ಕಂಬಳ ನಡೆಸಿದರು, ಬಳಿಕ ಸಮಿತಿಯ ಅಧ್ಯಕ್ಷರನ್ನು ಬದಲಾಯಿಸೋಣ ಎಂಬ ಪ್ರಸ್ತಾಪ ಕುಶಾಲಪ್ಪ ಗೌಡರಿಂದ ಬಂದಾಗ ನಾವೆಲ್ಲರೂ ಒಮ್ಮತದಿಂದ ಅಶೋಕ್‌ ಕುಮಾರ್ ರೈಯವರನ್ನು ಕಂಬಳ, ಸಮಿತಿಯ ಅಧ್ಯಕ್ಷರನ್ನಾಗಿ ಮಾಡಿದೆವು. ಅಂದಿನಿಂದ ಇಂದಿನವರೆಗೆ ಸುಸೂತ್ರವಾಗಿ ಕಂಬಳ.

ನಮ್ಮೊಳಗೆ ಯಾವುದೇ ಭಿನ್ನಾಭಿಪ್ರಾಯಗಳಾಗಲಿ, ನಡೆದುಕೊಂಡು ಬರುತ್ತಿದೆ. ಇಲ್ಲಿಯವರೆಗೆ ರಾಜಕೀಯ ಭೇದಗಳಾಗಲಿ ಬಂದಿಲ್ಲ. ಮುಂದೆಯೂ ಬರುವುದಿಲ್ಲ ಎಂಬ ವಿಶ್ವಾಸವಿದೆ ಎಂದರು.

ಕಂಬಳಾಭಿಮಾನಿಗಳ, ಊರಿನವರ ಸಹಕಾರ, ನಾವೆಲ್ಲ ಒಂದೇ ಎನ್ನುವ ಮನೋಭಾವದಿಂದ ಒಟ್ಟು ಸೇರಿ ಪರಸ್ಪರ ಕೈಜೋಡಿಸಿರುವುದರಿಂದ ಉಪ್ಪಿನಂಗಡಿ ಕಂಬಳ ಯಶಸ್ವಿಯಾಗಿ ನಡೆದುಕೊಂಡು ಬರುತ್ತಿದೆ. ಮುಂದೆಯೂ ಕಂಬಳಾಭಿಮಾನಿಗಳು, ಊರವರು, ಕೋಣಗಳ ಯಜಮಾನರು ಇದೇ ರೀತಿಯ ಸಹಕಾರ ನೀಡಬೇಕು ಎಂದು ಮನವಿ ಮಾಡಿದರಲ್ಲದೆ, ಈ ಬಗ್ಗೆ ಅಪಪ್ರಚಾರವಾಗಲಿ, ತಲೆಬಿಸಿಯಾಗಲಿ ಯಾರಿಗೂ ಬೇಡ, ರಾಜಕೀಯದಿಂದ ದೂರವಿಟ್ಟು ಕಂಬಳ ಕ್ರೀಡೆಯನ್ನು ಉಳಿಸಿ, ಬೆಳೆಸಲು ಎಲ್ಲರೂ ಪ್ರೋತ್ಸಾಹಿಸಿ ಎಂದರು.

ಸಮಿತಿ ಸಭೆ :

2023ರ ಮಾ.11 ಮತ್ತು 12ರಂದು ಉಪ್ಪಿನಂಗಡಿ ಕಂಬಳ ನಡೆಯಲಿದ್ದು, ಮುಂದಿನ ವಾರದಿಂದಲೇ ಕರೆ ನಿರ್ಮಾಣ ಕೆಲಸಗಳಿಗೆ ಚಾಲನೆ ನೀಡಲು ಹಾಗೂ ಅತಿಥಿಗಳ ಪಟ್ಟಿ ತಯಾರಿಸಲು ಹಾಗೂ ಕಂಬಳಕ್ಕೆ ಪೂರ್ವಭಾವಿಯಾಗಿ ನಡೆಯಬೇಕಾದ ಕೆಲಸಗಳನ್ನು ಮುಂದಿನ ವಾರದಿಂದಲೇ ಆರಂಭಿಸಲು ಸಭೆಯಲ್ಲಿ ಚರ್ಚಿಸಲಾಯಿತು.

ಸಭೆಯಲ್ಲಿ ಉಪ್ಪಿನಂಗಡಿ ವಿಜಯ್- ವಿಕ್ರಮ ಜೋಡುಕರೆ ಕಂಬಳ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಕೇಶವ ಭಂಡಾರಿ ಕೈಪ, ಕೋಶಾಧಿಕಾರಿ ಸೀತಾರಾಮ ಶೆಟ್ಟಿ ಹೆಗ್ಡೆಹಿತ್ಲು, ಕಾರ್ಯಾಧ್ಯಕ್ಷ ಅಶೋಕ್‌ ಕುಮಾರ್ ರೈ ಅರ್ಪಿಣಿಗುತ್ತು, ಉಪಾಧ್ಯಕ್ಷ ರಾಮಚಂದ್ರ ಮಣಿಯಾಣಿ, ಕಾರ್ಯದರ್ಶಿ ಚಂದ್ರಶೇಖರ ಮಡಿವಾಳ, ಜೊತೆ ಕಾರ್ಯದರ್ಶಿ ವಿಶ್ವನಾಥ ಶೆಟ್ಟಿ ಕಂಗ್ವೆ, ಪದಾಧಿಕಾರಿಗಳಾದ ಯೋಗೀಶ್ ಸಾಮಾನಿ ಸಂಪಿಗೆದಡಿ, ಜಯಂತ ಪೊರೋಳಿ, ವಿದ್ಯಾಧರ ಜೈನ್, ಕೃಷ್ಣಪ್ರಸಾದ್, ಕೆ. ಜಯರಾಮ ಶೆಟ್ಟಿ ಕಡೆಕ್ಕಾರು, ಶಿವರಾಮ ಶೆಟ್ಟಿ ಗೋಳ್ತಮಜಲು, ಯತೀಶ್ ಶೆಟ್ಟಿ ಕೋಡಿಂಬಾಡಿ, ದಾಮೋದರ ಶೆಟ್ಟಿ ಮಠಂತಬೆಟ್ಟು, ವಿಜಯಕುಮಾರ್ ಚೀಮುಳ್ಳು, ರಾಕೇಶ್ ಶೆಟ್ಟಿ ಕೆಮ್ಮಾರ, ಬಿ. ಜಗದೀಶ್‌ ಕುಮಾರ್ ಪರಕ್ಕಜೆ ಮತ್ತಿತರರು ಉಪಸ್ಥಿತರಿದ್ದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:Ashok Kumar raiKambalaUppinangady

Up Next

Belthangady | ಪ್ರತಿಭಟನೆಗೆ ಬೆಂಗಳೂರಿಗೆ ತೆರಳಿದ ಬೆಳ್ತಂಗಡಿಯ ಗ್ರಾಮ ಪಂಚಾಯತ್ ನ ನೂರಾರು ನೌಕರರಿಗೆ ಊಟ, ವಸತಿ ವ್ಯವಸ್ಥೆ ಮಾಡಿದ ಬೆಸ್ಟ್ ಫೌಂಡೇಶನ್‌ನ ಅಧ್ಯಕ್ಷ ರಕ್ಷಿತ್ ಶಿವರಾಂ

Don't Miss

Belthangady | ಮೀನು ಹಿಡಿಯಲು ಹೋದಾಗ ನದಿಯಲ್ಲಿ ಮುಳುಗಿ ಸಾವು ಪ್ರಕರಣ : ತಪ್ಪು ಮಾಡಿದ್ದರೆ ಮಗನಿಗೆ ಶಿಕ್ಷೆಯಾಗಲಿ, ಇಲ್ಲವೆ ರಾಜಕೀಯ ಷಡ್ಯಂತ್ರ ಮಾಡಿದವರಿಗೆ ಶಿಕ್ಷೆಯಾಗಲಿ ಮಹೇಶ್ ಪೂಜಾರಿ ತಂದೆ ಕಾರಣಿಕದ ಮುಗೇರಡ್ಕ ದೈವಗಳ ಮೊರೆ