ತಲವಾರು ಹೇಗಿತ್ತು ?

 ಈ ವೇಳೆ ನಾನು ನವೀನ್‌ ಬಳಿ ನಾನು ಪ್ರಯಾಣಿಸುತ್ತಿರುವ ಕಾರನ್ನು ಓವರ್‌ ಟೇಕ್‌ ಮಾಡಿ ಮುಂದೆ ಹೋಗುವಂತೆ ತಿಳಿಸಿದೆ. ಅಲ್ಲದೇ ಈ ವಿಚಾರವನ್ನು ಬಂಟ್ವಾಳ ಡಿವೈಎಸ್‌ ಪಿ ಗಮನಕ್ಕೆ ತರುವುದಾಗಿಯೂ ತಿಳಿಸಿದೆ. ಅದಾದ ಬಳಿಕ ನನ್ನ ಅಧಿಕೃತ ಕಾರು ನಾನಿರುವ ಕಾರನ್ನು ಓವರ್‌ ಟೆಕ್‌ ಮಾಡಿ ಮುಂದೆ ಹೋಯಿತು. ನಾನು ಡಿವೈಎಸ್ಪಿ ಯವರೆಗೆ ಕರೆ ಮಾಡಿ ವಿಷಯ ತಿಳಿಸಿದೆ. ಇದರ ಬಳಿಕ  ಸ್ಕಾರ್ಪಿಯೋ ಕಾರಿನಲ್ಲಿದ್ದ ದುಷ್ಕರ್ಮಿ ನಾನು  ಪ್ರಯಾಣಿಸುತ್ತಿದ್ದ ಕಾರನ್ನು ಟಾರ್ಗೆಟ್‌ ಮಾಡಿ ಎರೆಡೆರಡು ಬಾರಿ  ತಲ್ವಾರ್‌ ನಿಂದ ಕಾರಿನ ವಿಂಡೋಗೆ  ಅಟಾಕ್‌ ಮಾಡಿದ. ದುಷ್ಕರ್ಮಿ ಹಿಡಿದುಕೊಂಡಿದ್ದ ಆಯುಧ  ಕೆಳಗಡೆ ಹ್ಯಾಂಡಲ್‌ ಹೊಂದಿದ್ದು,  ತುದಿಯಲ್ಲಿ ಚೂಪಾಗಿತ್ತು.  

ಈ ವೇಳೆ ನಾನು ನನ್ನ ಕಾರು ಚಾಲಕ ನವೀನ್‌ ಗೆ ಕರೆ ಮಾಡಿ, ಕಾರನ್ನು ಸ್ಲೋ ಮಾಡುವಂತೆ ತಿಳಿಸಿದ್ದು, ನಮ್ಮ ಎರಡು ಕಾರು ರಸ್ತೆಯಲ್ಲಿ ಪ್ಯಾರಲಾಲ್‌ (ಒಟ್ಟೊಟ್ಟಿಗೆ) ಆಗಿ ಹೋಗುವ ಎಂದು ಸೂಚಿಸಿದೆ.  ಮಂಗಳೂರು ಟು ಬಿಸಿರೋಡ್‌ ಚತುಷ್ಪಥ ರಸ್ತೆ.  ಹೀಗಾಗಿ ಅಕ್ಕಪಕ್ಕದ ಎರಡು ರಸ್ತೆಯಲ್ಲಿ ಜತೆಯಾಗಿ ಎರಡು ಕಾರಿನಲ್ಲಿ ಹೋದರೆ ಆಗ ಸ್ಕಾರ್ಪಿಯೋ ಚಾಲಕನಿಗೆ ಓವರ್‌ ಟೇಕ್‌ ಮಾಡಲು ಕಷ್ಟ.  ಇದೇ ಉದ್ದೇಶದಿಂದ ನಾನು ನನ್ನ ಅಧಿಕೃತ ಕಾರಿನ ಡ್ರೈವರ್‌ ಗೆ ಈ ಮಾಹಿತಿ ರವಾನಿಸಿದೆ.

ಯಶಸ್ವಿನಿ ಹಾಲ್‌ ನ  ಬಳಿಯಿಂದ  ನಮ್ಮ ಎರಡು ಕಾರುಗಳು  ಜತೆಯಾಗಿಯೇ ಸಾಗಿದೆವು. ಸ್ಕಾರ್ಪಿಯೋ ನಮ್ಮ ಬೆನ್ನ ಹಿಂದೆ ಬರುತಿತ್ತು. ನಾನು ಮೊದಲೇ ಡಿವೈಎಸ್‌ ಪಿಯವರಿಗೆ ಮಾಹಿತಿ ನೀಡಿದ ಹಿನ್ನಲೆಯಲ್ಲಿ ಪೊಲೀಸರು ಫರಂಗಿಪೇಟೆ ಬಳಿ ಬ್ಯಾರಿಕೇಡ್‌  ಅಳವಡಿಸಿ ಸ್ಕಾರ್ಪಿಯೋ ವನ್ನು ತಡೆಯಲು ತಯಾರಿ ನಡೆಸಿದ್ದರು. ಹೀಗಾಗಿ ನಮ್ಮ ಕಾರು ಅಲ್ಲಿ ತಲುಪುತ್ತಲೇ ಎರಡು ಕಾರನ್ನು ಸ್ಲೋ ಮಾಡಿದೆವು. ಈ ವೇಳೆ ಹಿಂದಿನಿಂದ ಬರುತ್ತಿದ್ದ ಇನ್ನೆರಡು ಕಾರುಗಳ ನಡುವೆ ಸ್ಕಾರ್ಪಿಯೋ ವಾಹನ ತೂರಿಕೊಂಡು ಬಿಸಿರೋಡ್‌ ನತ್ತ ಪರಾರಿಯಾಯಿತು ಎಂದು ವಿವರಿಸಿದರು.

 ನನ್ನ ಕಾರಿನಲ್ಲಿ ನಾನು ಇಲ್ಲಂತ ಅವನಿಗೆ ಮೊದಲೇ ಗೊತ್ತಿತ್ತು

ಸ್ಕಾರ್ಪೀಯೊ ಕಾರಿನಲ್ಲಿ ಒಬ್ಬನೇ ವ್ಯಕ್ತಿಯಿದ್ದದು. ಅವನೇ ಕಾರು ಚಲಾಯಿಸುತ್ತಿದ್ದ ಹಾಗೂ ತಲ್ವಾರ್‌ ನಿಂದ ಅಟಾಕ್‌ ಮಾಡುತ್ತಿದ್ದ. ರಸ್ತೆಯ ಎರಡು ಬದಿಯಿಂದ, ಆಚೀಚೆ ಎರಡು ಕಡೆಯಿಂದ ದಾಳಿ ಮಾಡಿದ್ದಾನೆ. ಅವನಿಗೆ ನಾನು ನನ್ನ ಅಧಿಕೃತ ಕಾರಿನಲ್ಲಿ ಇಲ್ಲ ಎಂದು ಗೊತ್ತಿತ್ತು. ಹಾಗಾಗಿಯೇ ಅವನು ನನ್ನ ಅಧಿಕೃತ ಕಾರು ಇನ್ನೋವಾದ ಮೇಲೆ ಮಾಡಿದ್ದು. ಅದು ನನ್ನ ಕಾರನ್ನು ಓವರ್‌ ಟೆಕ್‌ ಮಾಡಿ ಹೋಗಲಿ ಎನ್ನುವುದೇ ಯೋಜನೆಯಾಗಿದ್ದು. ಅದು ಹೋದ ಕೂಡಲೇ ನನ್ನ ಕಾರಿನ ಮೇಲೆ ಸುಲಭದಲ್ಲಿ ಧಾಳಿ ಮಾಡಬಹುದೆಂದು ಆತ ಯೋಚಿಸಿದಂತೆ ಕಾಣುತಿತ್ತು. ಒಂದೊಮ್ಮೆ ನನ್ನ ಅಧಿಕೃತ ಕಾರು ಮುಂದೆ ಹೋಗುತ್ತಲೇ, ನಾನು ಪ್ರಯಾಣಿಸುತ್ತಿದ್ದ ಕಾರಿನ ಮೇಲೆ ದಾಳಿ ಮಾಡಲು ಆರಂಭಿಸಿದ್ದಾನೆ.

‘ನಾವು ಹಿಂದುತ್ವ, ಹಿಂದು ಕಾರ್ಯಕರ್ತರು, ಹಿಂದು ಸಮಾಜದ ಪರವಾಗಿ ಇರುವುವರು. ಅವರು ಯಾಕೆ ನನ್ನನ್ನು ಟಾರ್ಗೆಟ್​ ಮಾಡಿದರು ಎಂದು ಗೊತ್ತಾಗಿಲ್ಲ. ತನಿಖೆ ನಂತರ ಗೊತ್ತಾಗುತ್ತೆ. ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ನಡೆಯುತ್ತಿರುವ ಘಟನೆಗಳನ್ನು ಗಮನಿಸಿದರೆ ಇದರ ಹಿಂದೆ ಬೇರೆ ಬೇರೆ ವ್ಯವಸ್ಥೆಗಳು ಅಡಗಿರಬಹುದು ಎಂದು ನನಗೆ ಬಲವಾಗಿ ಅನ್ನಿಸುತ್ತಿದೆ. ಇಂದು ಬೆಳಗ್ಗೆ ಗೃಹಸಚಿವರು ನನಗೆ ಕರೆ ಮಾಡಿ ಘಟನೆ ಬಗ್ಗೆ ಮಾಹಿತಿ ಪಡೆದಿದ್ದಾರೆ ಎಂದು ಶಾಸಕರು ತಿಳಿಸಿದರು.

ಶಾಸಕ ಹರೀಶ್‌ ಪೂಂಜಾ ಹೇಳಿಕೆಯ ಪೂರ್ತಿ ವಿಡಿಯೋ ಇಲ್ಲಿ ನೋಡಿ :