ಏನಿದು ಪ್ರಕರಣ ?

ನಕಲಿ ಮಾಂತ್ರಿಕ ಶಾಫಿಯು ಶ್ರೀ ದೇವಿ ಎಂಬ ನಕಲಿ  ಹೆಸರಿನಲ್ಲಿ ಫೇಸ್‌ ಬುಕ್‌ ನಲ್ಲಿ ಖಾತೆ ತೆರೆದು,  ಮೆಸೇಂಜರ್‌ ಮೂಲಕ  ತಿರುವಲ್ಲಾದ ನಾಟಿ  ವೈದ್ಯ ದಂಪತಿಯನ್ನು  ಸಂಪರ್ಕಿಸಿ‌ದ್ದಾನೆ. ಇದೆ ರೀತಿ ಆತ ಹಲವರನ್ನು ಸಂಪರ್ಕಿಸಿದ್ದು ಅದರಲ್ಲಿ ಈ ದಂಪತಿ ಈತನ ಬಲೆಗೆ ಬಿದ್ದಿದ್ದಾರೆ.  ಕೆಲ ಸಮಯದ ಬಳಿಕ ಆ ವೈದ್ಯ ದಂಪತಿ ಜತೆ ಈತನಿಗೆ ಆತ್ಮೀಯತೆ ಬೆಳೆದಿದೆ. ಈ ಸಂದರ್ಭ ಅವರು ತಮ್ಮ ಅರ್ಥಿಕ  ಹಾಗೂ ಆರೋಗ್ಯ ಸಮಸ್ಯೆಗಳನ್ನು ಶಾಫಿ ಮುಂದೆ ಹೇಳಿಕೊಂಡಿದ್ದಾರೆ. ಈ ವೇಳೆ ಆತ ಪೆರುಂಬವೂರು ನಿವಾಸಿಯಾದ ಸಂತ ಶಾಫಿಯನ್ನು  (ತನ್ನನ್ನು) ಸಂತುಷ್ಟಗೊಳಿಸಿದರೆ ಜೀವನದಲ್ಲಿ ಹೆಚ್ಚಿನ ಏಳಿಗೆ, ಸುಖ ಸಂಪತ್ತು  ಪಡೆಯಬಹುದೆಂದು  ಅವರನ್ನು ನಂಬಿಸಿದ್ದಾನೆ.

 ಆ ಬಳಿಕ ವೈದ್ಯ ದಂಪತಿಗಳು  ಶಾಫಿಯನ್ನು  ಬೇಟಿಯಾಗಿದ್ದಾರೆ.  ಈ ವೇಳೆ ಅವರ ಪರವಾಗಿ ಹಲವಾರು ಪೂಜೆಗಳನ್ನು,  ಮಾಡಿದ್ದಾನೆ. ಹಾಗೂ ಇದಕ್ಕಾಗಿ ಅವರಿಂದ ಲಕ್ಷಾಂತರ ರೂಪಾಯಿ ಪೀಕಿಸಿದ್ದಾನೆ. ಮಹಿಳೆಯ ನರ ಬಲಿ ನೀಡಿದರೆ ಕಷ್ಟವೆಲ್ಲಾ ನೀಗಿ ಅವರಿಗೆ ಸುಖ ಸಂತೃಪ್ತಿ ಪ್ರಾಪ್ತಿಯಾಗುವುದಾಗಿ ಶಾಪಿಯು  ನಾಟಿ ವೈದ್ಯ ದಂಪತಿಗಳನ್ನು ಕಳೆದ ಮೇ ತಿಂಗಳಿನಲ್ಲಿ ನಂಬಿಸಿದ್ದಾನೆ. ಅಲ್ಲದೇ ನರ ಬಲಿಗೆ ಮಹಿಳೆಯನ್ನು ತಾನೇ ತರುವುದಾಗಿಯೂ ಅವರನ್ನು ಒಪ್ಪಿಸಿದ್ದಾನೆ.

ಬಳಿಕ ಕಾಲಡಿ ನಿವಾಸಿ ರೋಸ್ಲಿನ್ ಎಂಬವರನ್ನು ಸಂಪರ್ಕಿಸಿದ ಶಾಫಿ ಆಕೆಗೆ ನೀಲಿ ಚಿತ್ರದಲ್ಲಿ ನಟಿಸಲು 10 ಲಕ್ಷ ಆಮೀಷವೊಡ್ಡಿ ಇಳಂತೂರಿನ ನಾಟಿ ವೈದ್ಯನ ಮನೆಗೆ ಕರೆದುಕೊಂಡು ಬಂದಿದ್ದಾನೆ. ಅಲ್ಲಿ ಮೂವರು ಆರೋಪಿಗಳು ಸೇರಿ ಆ ಮಹಿಳೆಯ ಶಿರ ಛೇಧಿಸಿ, ದೇಹವನ್ನು 50 ಕ್ಕೂ ಅಧಿಕ ತುಂಡುಗಳನ್ನಾಗಿ ಕತ್ತರಿಸಿದ್ದಾರೆ. ರೋಸ್ಲಿನ್ ನಾಪತ್ತೆಯಾಗಿರುವ ಬಗ್ಗೆ ಆಕೆಯ ಮಗಳು ಜೂ 6 ರಂದು ಪೊಲೀಸರಿಗೆ ದೂರು ನೀಡಿದರು. ಆದರೆ ಬೇರೆ ಬೇರೆ ಸ್ಥಳಗಳಲ್ಲಿ ತಂಗುವ ಅಭ್ಯಾಸವಿದ್ದ ರೋಸ್ಲಿನ್ ನನ್ನು  ಪತ್ತೆ ಹಚ್ಚಲು ಪೊಲೀಸರಿಗೆ  ಸಾಧ್ಯವಾಗಿರಲಿಲ್ಲ. ಈ ಮಹಿಳೆಯನ್ನು ಕರೆದುಕೊಂಡು ಬರಲು ಶಾಫಿ ನಾಟಿ ವೈದನ ಬಳಿಯಿಂದ ಒಂದೂವರೆ ಲಕ್ಷ  ಹಣ ಪಡೆದಿದ್ದ.

Crop Insurance : ರೈತರ ಖಾತೆಗೆ ಜಮೆಯಾಗುತ್ತಿದೆ ಬೆಳೆ ವಿಮೆ ಪರಿಹಾರ – ಈ ಬಾರಿ ಪಾವತಿಯಾಗುತ್ತಿರುವ ಮೊತ್ತ ಎಷ್ಟು ಗೊತ್ತೆ?

 ನರ ಬಲಿ ನೀಡಿದ ಎರಡು ತಿಂಗಳ ಬಳಿಕವು ತಮ್ಮ ಪರಿಸ್ಥಿತಿಯಲ್ಲಿ ಸುಧಾರಣೆ ಆಗದಿದ್ದಾಗ ಆ ದಂಪತಿ ಮತ್ತೆ ಶಾಫಿಯನ್ನು ಸಂಪರ್ಕಿಸಿದ್ದು ಈ ವೇಳೆ ಹಿಂದಿನ ಪೂಜೆಯ ವೇಳೆ ಲೋಪವಾಗಿದೆಯೆಂದು ಇನ್ನೊಂದು ಮಹಿಳೆಯ ಬಲಿ ಕೊಟ್ಟರೇ ಸರಿಯಾಗುವುದಾಗಿಯೂ ತಿಳಿಸಿದ್ದಾನೆ . ಅದರಂತೆ ಇನ್ನೊಂದು ನರ ಬಲಿಗೆ ನಾಟಿ ವೈದ್ಯ ದಂಪತಿ ಸಮ್ಮತಿ ಸೂಚಿಸಿದ್ದಾರೆ. ಆ ಬಳಿಕ ಕಡವಂತರ ಪೊನ್ನುರುನ್ನಿ ನಿವಾಸಿ ಪದ್ಮಾ ಎಂಬಾಕೆಯನ್ನು  ಸಂಪರ್ಕಿಸಿ ಆಕೆಯ ಬಳಿಯೂ ಬ್ಲೂ ಫಿಲಂ ಚಿತ್ರಿಕರಣದ ಕಥೆ ಹೇಳಿ 10 ಲ ರೂ ನೀಡುವ ಆಮೀಷವೊಡ್ಡಿದ್ದಾನೆ. ಬಳಿಕ ಆಕೆಯನ್ನು ಭಗಲ್ ಸಿಂಗ್ ಸಿಂಗ್‌ ಮನೆಗೆ ಕರೆ ತಂದು ನರ ಬಲಿ ನೀಡಲಾಗಿದೆ.

ನರ ಬಲಿ ಬಳಿಕ ಮಾಂಸ ಭಕ್ಷಣೆ   

 ವಾಮಾಚಾರದ ನೆಪದಲ್ಲಿ ಮಹಿಳೆಯರನ್ನು ಮಂಚದಲ್ಲಿ ಕಟ್ಟಿ ಹಾಕಿ, ಪೂಜೆಯ ಬಳಿಕ  ಸುತ್ತಿಗೆಯಲ್ಲಿ ಆಕೆಯ ತಲೆಗೆ ಹೊಡೆದು, ದಂಪತಿಗಳಿಂದ ಶಿರಚ್ಛೇದನ‌ ನಡೆಸಿ ದೇಹವನ್ನು ಛಿದ್ರಗೊಳಿಸಿ ನರಬಲಿ  ನೀಡಲಾಗಿದೆ.  ಮಹಿಳೆಯರ ದೇಹವನ್ನು 50 ಕ್ಕೂ ಹೆಚ್ಚು ತುಂಡುಗಳನ್ನಾಗಿ ಕತ್ತರಿಸಲಾಗಿದೆ. ಬಳಿಕ  ಆ ಮಹಿಳೆಯರ ಮಾಂಸ ಹಾಗೂ ರಕ್ತವನ್ನು ದಂಪತಿ ಹಾಗೂ ಶಾಪಿ  ಸೇವಿಸಿದ್ದಾರೆ ಎನ್ನಲಾಗಿದೆ. ಮನುಷ್ಯರ ಮಾಂಸ ತಿಂದರೆ ಸದಾ ಯೌವನ ಇರುತ್ತದೆ’ ಎಂದು  ಶಾಫಿ ಹೇಳಿದ  ಕಾರಣಕ್ಕೆ ಲೈಲಾ ಮತ್ತು ಭಗವಾಲ್​ ಸಿಂಗ್​ ಇಬ್ಬರೂ ಸೇರಿ ಆ ಮಾಂಸವನ್ನು ಬೇಯಿಸಿಕೊಂಡು ತಿಂದಿರುವುದಾಗಿ ತನಿಖೆ ವೇಳೆ ಆರೋಪಿಗಳು ಬಾಯ್ಬಿಟ್ಟಿದ್ದಾರೆ ಎಂಬ ಅಘಾತಕಾರಿ ವಿಚಾರವು ಹೊರ ಬಿದ್ದಿದೆ. ಇಂತಹುದೇ ದೃಶ್ಯವೊಂದು ಖ್ಯಾತ ನಟಿ ರಮ್ಯಕೃಷ್ಣ ನಟಿಸಿದ ಕನ್ನಡ ಚಿತ್ರ ನೀಲಾಂಬರಿಯಲ್ಲಿ ಇದ್ದು ಈ ಬೀಭತ್ಸ ಘಟನೆ ಅದನ್ನು ನೆನಪಿಸಿದೆ.  ಮಾಂಸ ಹಾಗೂ ರಕ್ತ ಸೇವಿಸಿರುವ ಸಾಧ್ಯತೆಯ  ಶಂಕೆಯನ್ನು  ಕೊಚ್ಚಿಯ ನಗರ ಪೊಲೀಸ್‌ ಆಯುಕ್ತ  ಸಿ ಎಚ್‌ ನಾಗರಾಜ್‌ ಕೂಡ ವ್ಯಕ್ತಪಡಿಸಿದ್ದಾರೆ.

ಲಾಟರಿ ಮಾರಾಟದ ಮಹಿಳೆಯರೆ ಯಾಕೇ?

ನರ ಬಲಿ ನೀಡಲಾದ ಇಬ್ಬರು ಮಹಿಳೆಯರು ಲಾಟರಿ ಮಾರಿ ಜೀವನೋಪಾಯವನ್ನು ಕಂಡುಕೊಂಡವರು . ಅವರ ದಿನದ ಗಳಿಕೆ 500 ರಿಂದ 700 ರೂಪಾಯಿಗಳು ಮಾತ್ರ. ಅಲ್ಲದೇ ಇವರು ಲೈಂಗಿಕ ಕಾರ್ಯಕರ್ತೆಯರಾಗಿಯೂ ದುಡಿಯುತ್ತಿದ್ದರು ಎನ್ನಲಾಗುತ್ತಿದೆ, ಹೀಗಿದ್ದು ಇವರ ಅರ್ಥಿಕ ಸ್ಥಿತಿಯನ್ನು ಉತ್ತಮವಾಗಿರಲಿಲ್ಲ. ಒಮ್ಮೆಲೆ 10 ಲಕ್ಷ ರೂಪಾಯಿ ಆಸೆಯಿಂದ ಶಾಫಿ ಹೆಣೆದ ಬಲೆಗೆ ಬಿದ್ದಿದ್ದಾರೆ ಎಂದು ಹೇಳಲಾಗುತ್ತಿದೆ.

Fish | ಮಂಗಳೂರು : ಬೃಹತ್ ಮತ್ಸ್ಯ ಸಮೂಹ ಬೇಟೆ – ಮೀನುಗಾರನಿಗೆ ಒಲಿದ ಅದೃಷ್ಟ

ಘಟನೆ ಬೆಳಕಿಗೆ ಬಂದದ್ದು ಹೇಗೆ?

 ಕಡವಂತರದ ಪೊನ್ನುರುನ್ನಿ ನಿವಾಸಿ‌ ಮಹಿಳೆ‌ ಪದ್ಮಾ ನಾಪತ್ತೆಯಾದ ಬಗ್ಗೆ ಅವರ ಕುಟುಂಬ ಸದಸ್ಯರು ಪೊಲೀಸರಿಗೆ ದೂರು ನೀಡಿದ್ದರು. ಮಹಿಳೆಯ ಮೊಬೈಲ್‌ ನ ಟವರ್‌ ಲೊಕೇಶನ್‌ ಹಾಗು ಮಹಿಳೆಯ ನಾಪತ್ತೆಯಾದ ಪ್ರದೇಶದ ಸಿಸಿಟಿವಿ ಪರಿಶೀಲನೆಯ ವೇಳೆ ಪೊಲೀಸರಿಗೆ ಕೃತ್ಯದ ಹಿಂದೆ ಶಾಫಿ ಇರುವುದು ಬೆಳಕಿಗೆ ಬಂದಿದೆ. ಬಳಿಕ ಅವನು ನೀಡಿದ ಮಾಹಿತಿಯಂತೆ ತಿರುವಲ್ಲಾದ ದಂಪತಿಯನ್ನು ಬಂಧಿಸಲಾಗಿದೆ. ತನಿಖೆ ವೇಳೆ‌ ಆರೋಪಿಗಳು ಸೆ.27ರಂದು ಪದ್ಮಾಳನ್ನು ಹಾಗೂ ಎರಡು ತಿಂಗಳ ಹಿಂದೆ ಕಾಲಡಿ ನಿವಾಸಿ ರೋಸ್ಲಿನ್ ರನ್ನು  ತಿರುವಲ್ಲಾಗೆ ಕರೆದೊಯ್ದು ಬಲಿ ನೀಡಿರುವುದನ್ನು ಒಪ್ಪಿಕೊಂಡಿದ್ದಾರೆ

ಆರೋಪಿಗಳ ಬಂಧನದ ಬಳಿಕ ಅ 11 ರಂದು ಸಂಜೆ  ಮೃತದೇಹಗಳ ಪತ್ತೆಗಾಗಿ ಅವುಗಳನ್ನು ಹೂತಿಟ್ಟ ಸ್ಥಳವಾದ ನಾಟಿ ವೈದ್ಯ  ದಂಪತಿಗಳ ಮನೆಯ ಹಿಂಬದಿಯಲ್ಲಿ ಅಗೆದು ಶೋಧ ನಡೆಸಲಾಯಿತು. ಈ ಎರಡು ದೇಹಗಳು ಸಂಪೂರ್ಣ ಕೊಳೆತ ಹಾಗೂ  ಛಿಧ್ರ ಛಿದ್ರಗೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದೆ . ಹೀಗಾಗಿ  ಮಹಿಳೆಯರ ಕುಟುಂಬ ಸದಸ್ಯರಿಗೆ ದೇಹದ ಗುರುತು ಪತ್ತೆ ಹಚ್ಚಲು ಸಾಧ್ಯವಾಗಿಲ್ಲ. ಮೃತದೇಹಗಳು ಈ ಇಬ್ಬರದ್ದೇ ಎಂದು ದೃಢೀಕರಿಸಲು ಡಿ ಎನ್ ಎ ಸಹಿತ ವಿಧಿವಿಜ್ಞಾನ ಪರೀಕ್ಷೆ ನಡೆಸಲು ನಿರ್ಧರಿಸಲಾಗಿದೆ.

Mosquito coils dangerous : ಸೊಳ್ಳೆ ಓಡಿಸಲು ಕಾಯಿಲ್ ಹಚ್ಚುವ ಮೊದಲು ಇದನ್ನು ಓದಿ – ಇದೆ ಹಲವು ತೊಂದರೆ

 ಸ್ತ್ರೀ ಪೀಡಕ ಶಾಫಿ

ಪ್ರಕರಣದ ಮೊದಲ ಆರೋಪಿ ಶಾಫಿ ಅಲಿಯಾಸ್‌ ರಶೀದ್‌ ಓರ್ವ ಸ್ತ್ರೀ ಪೀಡಕ ಎಂಬ ಶಾಕಿಂಗ್‌ ವಿಚಾರ ಪ್ರಕರಣದ ತನಿಖೆಯ ವೇಳೆ ಬೆಳಕಿಗೆ ಬಂದಿದೆ. ಅವನ ವಿರುದ್ದ 8 ಕ್ರಿಮಿನಲ್‌ ಪ್ರಕರಣ ಇವೆ ಎನ್ನಲಾಗಿದೆ. 2020 ರಲ್ಲಿ 75 ರ ಹರೆಯದ ಮುದುಕಿಯನ್ನು ಅತ್ಯಾಚಾರಗೈದು ಬಳಿಕ ಕೊಂದ ಪ್ರಕರಣವು ಆತನ ಮೇಲಿದೆ. ಈತನ ನಡವಳಿಕೆ ಆತನೊಬ್ಬ ಲೈಂಗಿಕ ವಿಕೃತಿಯುಳ್ಳ  ಮನೋರೋಗಿ ಎಂಬೆಡೆಗೆ ಬೊಟ್ಟು ಮಾಡುತ್ತಿದೆ. ಪೂಜೆಯ ನೆಪದಲ್ಲಿ ಪ್ರಕರಣದ ಇನ್ನೊಬ್ಬ ಆರೋಪಿ ಲೈಲಾರನ್ನು ಪತಿ ಭಗಲ್‌ ಸಿಂಗ್‌ ನ ಸಮ್ಮುಖದಲ್ಲೆ ಸಂಭೋಗಿಸಿದ್ದಾನೆ ಎಂದು ಹಲವು ಮಲಯಾಳಂ ಮಾಧ್ಯಮಗಳು ವರದಿ ಮಾಡಿವೆ.