ಹೀಗಾಗಿ  ಸುಧೀರ್ ನನ್ನು ಮುಗಿಸಲು ತಾಯಿ ಮಗಳು ಸ್ಕೆಚ್‌ ಹಾಕುತ್ತಾರೆ.  ಇದಕ್ಕೆ ಮಗಳ ಪ್ರಿಯಕರ ಅಕ್ಷಯ್‌ ನೆರವು ಪಡೆದುಕೊಳ್ಳುತ್ತಾರೆ. ಹೀಗಾಗಿ  ಸುಧೀರ್‌ ಕೊಲೆಯ ಉದ್ದೇಶದಿಂದ ಅಕ್ಷಯ್‌ ದೂರದ ಪುಣೆಯಿಂದ ಬೆಳಗಾವಿಗೆ ಬಂದು ಲಾಡ್ಜ್‌ ರೂಮ್‌ ನಲ್ಲಿ ಹೊಂಚು ಹಾಕಿದ್ದಾನೆ. ಸೆ. 17ರಂದು ಹತ್ಯೆಯ ಮುಹೂರ್ತ ಕೂಡಿ ಬಂದಿದೆ. ರಾತ್ರಿ  ಸುಧೀರ ಊಟ ಮಾಡಿ ಮಲಗಿದ್ದರು. ಈ ವೇಳೆ  ಮೂವರೂ ಸೇರಿಕೊಂಡು ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಿದ್ದರು.

Abortion : ಮದ್ವೆಯಾಗಲಿ, ಆಗದೇ ಇರಲಿ… ಗರ್ಭಪಾತದ ಬಗ್ಗೆ ಸುಪ್ರೀಂ ಕೋರ್ಟು ಮಹತ್ವದ ತೀರ್ಪು

ಬಳಿಕ  ಏನೂ ಗೊತ್ತಿಲ್ಲ ಎಂಬಂತೆ ಪತ್ನಿ ಹಾಗೂ ಪುತ್ರಿ ರಾತ್ರಿಯಿಡೀ ಪಕ್ಕದ ಕೋಣೆಯಲ್ಲಿ ಮಲಗಿದ್ದರು. ನಸುಕಿನ 5ರ ಸುಮಾರಿಗೆ ಎದ್ದ ತಾಯಿ ಮಗಳು ಬೀದಿಗೆಲ್ಲಾ ಕೇಳಿಸುವಂತೆ ರಂಪಾಟ ಮಾಡಿದ್ದಾರೆ.  ರಾತ್ರಿ ಯಾರೋ ಮನೆಗೆ ನುಗ್ಗಿ ಹಣಕ್ಕಾಗಿ ಕೊಲೆ ಮಾಡಿದ್ದಾರೆ’ ಎಂದು ನಾಟಕವಾಡಿದ್ದರು.

 ಕೆಲ ವರ್ಷಗಳ ಹಿಂದೆ ತೆರೆಕಂಡ ‘ದೃಶ್ಯಂ’ ಚಲನಚಿತ್ರವನ್ನು 5 ರಿಂದ 10 ಬಾರಿ  ಆರೋಪಿಗಳು ನೋಡಿದ್ದರು. ಕೊಲೆಗಾರ   ಹತ್ಯೆ ಮಾಡಿ  ಪೊಲೀಸರಿಂದ ಹೇಗೆ ತಪ್ಪಿಸಿಕೊಳ್ಳಬಹುದು ಎಂದು ಅದರಲ್ಲಿ ತೋರಿಸಲಾಗಿತ್ತು.  ಅದೇ ರೀತಿ ಕೊಲೆ ಮಾಡಿ, ತಮಗೇನೂ ಗೊತ್ತಿಲ್ಲ ಎಂಬಂತೆ ನಾಟಕ  ಮಾಡಲು ತಾಯಿ ಮಗಳು ಸಂಚು ರೂಪಿಸಿದ್ದರು.

‘ಸುಧೀರ ಮೈಮೇಲೆ ಆದ ಗಾಯ ಹಾಗೂ ಪಕ್ಕೆಲಬುಗಳು ಮುರಿದಿದ್ದನ್ನು ಕಂಡಾಗ, ಕೊಲೆಯಲ್ಲಿ ಪುರುಷನ ಕೈವಾಡ ಇರುವುದು ಪೊಲೀಸರಿಗೆ ಖಚಿತವಾಗಿತ್ತು. ಪತ್ನಿ, ಪುತ್ರಿಯ ನಾಟಕೀಯ ಹೇಳಿಕೆಗಳಿಂದ ಸಂಶಯಗೊಂಡು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ, ಪ್ರಕರಣ ಬಯಲಿಗೆ ಬಂತು’ ಎಂದು  ಪೊಲೀಸರು ತಿಳಿಸಿದ್ದಾರೆ.

SBI Recruitment 2022 : ಭಾರತೀಯ ಸ್ಟೇಟ್‌ ಬ್ಯಾಂಕ್‌ ನಿಂದ 1673 ವಿವಿಧ ಹುದ್ದೆಗಳ ನೇಮಕಾತಿ : ದಿನಾಂಕ, ಅರ್ಹತೆ, ಅರ್ಜಿ ಸಲ್ಲಿಸುವ ಪ್ರಕ್ರಿಯೆ ಬಗ್ಗೆ ಮಾಹಿತಿ

‘ಕೊಲೆಯಾದ ಮರುದಿನ ಪೊಲೀಸರು ಸ್ಥಳ ಪರಿಶೀಲನೆ ನಡೆಸುವ ವೇಳೆ, ಆರೋಪಿ  ಅಕ್ಷಯ ಕೂಡ ಅಮಾಯಕನಂತೆ ಬಂದು ನಿಂತಿದ್ದ. ಆರೋಪಿ ರೋಹಿಣಿಯ ತವರೂರು ಪುಣೆ. ಅವರ ಪುತ್ರಿ ಸ್ನೇಹಾ ಕೂಡ ಕೆಲ ವರ್ಷಗಳ ಹಿಂದೆ ಪುಣೆಯಲ್ಲಿ ವೃತ್ತಿಪರ ಕೋರ್ಸ್‌ ಓದುತ್ತಿದ್ದರು. ಅಕ್ಷಯ ಬೆಳಗಾವಿ ಮೂಲದವನಾಗಿದ್ದರೂ ಪುಣೆಯಲ್ಲಿ ಕೆಲಸ ಮಾಡುತ್ತಿದ್ದ. ಅಲ್ಲಿಯೇ ಸ್ನೇಹಾ ಜೊತೆಗೆ ಪ್ರೇಮ ಸಂಬಂಧ ಬೆಳೆಸಿದ್ದ. ಆತನಿಗೆ ಈಗಾಗಲೇ ಮದುವೆಯಾಗಿದ್ದು, ಒಂದು ಮಗು ಕೂಡ ಇದೆ. ಕೊಲೆ ಮಾಡುವ ಉದ್ದೇಶದಿಂದಲೇ ಬೆಳಗಾವಿಗೆ ಬಂದು ನೆಲೆಸಿದ್ದ’ ಎಂದೂ ಡಿಸಿಪಿ ರವೀಂದ್ರ ಗಡಾದಿ  ತಿಳಿಸಿದರು.

Health Tips :ಮೊಸರು ಸೇವನೆಯಿಂದ ಸಿಗಲಿದೆ ಈ ಆರು ಪ್ರಯೋಜನಗಳು