ಕರಾವಳಿಯ ಬಂಟ ಕುಟುಂಬದ ಯುವತಿಯರು ಈ ಬಾರಿ ಸೌಂದರ್ಯ ಸ್ಪರ್ಧೆಗಳಲ್ಲಿ (Beauty contest) ಭರ್ಜರಿ ಯಶಸ್ಸು ಗಳಿಸುತ್ತಿದ್ದಾರೆ. ಕರಾವಳಿಯ ಚೆಲುವೆ, ಬಾಲಿವಡ್ ನಟಿ , ಜಗದೇಕ ಸುಂದರಿ ಐಶ್ವರ್ಯ ರೈ (aishwarya rai) ಯಿಂದ ಸ್ಪೂರ್ತಿ ಪಡೆದಂತಿರುವ ತುಳುನಾಡಿನ ಹುಡುಗಿಯರು ಪ್ಯಾಶನ್ ಲೋಕದಲ್ಲಿ ಭರ್ಜರಿಯಾಗಿಯೇ ಮಿಂಚುತ್ತಿದ್ದಾರೆ. ಎರಡು ತಿಂಗಳ ಹಿಂದೆಯಷ್ಟೇ ಪ್ರತಿಷ್ಠಿತ ಮಿಸ್ ಇಂಡಿಯಾ (Miss India) ಪಟ್ಟ ತುಳುನಾಡಿನ ಬೆಡಗಿ ಸಿನಿ ಶೆಟ್ಟಿಗೆ (Sini Shetty) ಒಲಿದಿತ್ತು. ಇದೀಗ ತುಳುನಾಡಿನ ಮತ್ತೊರ್ವ ಕುವರಿ ದಿವಿತಾ ರೈ (Divita Rai) ಪ್ರತಿಷ್ಠಿತ ಲಿವಾ ಮಿಸ್ ದಿವಾ ಯುನಿಸವರ್ಸ್-2022 (LIVA Miss Diva Universe 2022) ಸೌಂದರ್ಯ ಸ್ಪರ್ಧೆಯ ವಿಜೇತರಾಗಿದ್ದಾರೆ.

ಮೂಲತ : ಮಂಗಳೂರಿನವರಾಗಿರುವ 23 ರ ಹರೆಯದ ಈ ಸುಂದರಿ ಮಿಸ್ ಯುನಿವರ್ಸ್ 2022 ಸೌಂದರ್ಯ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಲಿದ್ದಾರೆ. ಮುಂಬೈನಲ್ಲಿ ನಡೆದ ವರ್ಣರಂಜಿತ ಸಮಾರಂಭದಲ್ಲಿ 2021ರ ಮಿಸ್ ಯುನಿವರ್ಸ್ (Miss Universe) ಹರ್ನಾಝ್ ಸಂಧು (harnaaz Kaur sandhu) ಅವರು ಲಿವಾ ಮಿಸ್ ದಿವಾ 2022 ಪ್ರಶಸ್ತಿ ಕಿರೀಟವನ್ನು ಆಕೆಗೆ ತೊಡಿಸಿದರು.

alt="Ad Widget"/>

ಅಪಾರ ಪ್ರೇಕ್ಷಕರು ಮತ್ತು ಸಿನಿಮಾ ಸ್ಟಾರ್ ಗಳು ಭಾಗವಹಿಸಿದ್ದ ಈ ಕಾರ್ಯಕ್ರಮ ಮುಂಬೈನ ಮಹಾಲಕ್ಷ್ಮಿಯಲ್ಲಿರುವ ಫೇಮಸ್ ಸ್ಟುಡಿಯೊದಲ್ಲಿ ನಡೆಯಿತು. ಮಿಸ್ ಯುನಿವರ್ಸ್ 2022 ಹರ್ನಾಝ್ ಕೌರ್ ಸಂಧು ಮತ್ತು ಮಾಜಿ ಮಿಸ್ ಯುನಿವರ್ಸ್ ಲಾರಾದತ್ತಾ ಈ ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಿದ್ದರು. ಲೈವ್ ಈವೆಂಟ್ ಅನ್ನು ಸೆಪ್ಟೆಂಬರ್ 12 ರಂದು Voot ನಲ್ಲಿ ಪ್ರಸಾರ ಮಾಡಲಾಗುತ್ತದೆ.

<>

ಯಾರು ಈ ದಿವಿತಾ ರೈ :

ಮೂಲತ : ಮಂಗಳೂರು ನಿವಾಸಿಗಳಾದ ಸದ್ಯ ಮುಂಬೈಯಲ್ಲಿ ನೆಲೆಸಿರುವ ದಿಲೀಪ್ ರೈ ಹಾಗೂ ಪವಿತ್ರಾ ರೈ ದಂಪತಿಗಳ ಪುತ್ರಿ ದಿವಿತಾ ರೈ . ದಿವಿತಾರವರು ಜನಿಸಿದು ಮಂಗಳೂರಿನಲ್ಲಿ. ಈಕೆ ವ್ಯಾಸಂಗ ಮಾಡಿದ್ದು ಮುಂಬೈನ ಸರ್ ಜೆಜೆ ಕಾಲೇಜ್ ಆಫ್ ಆರ್ಕಿಟೆಕ್ಚರ್ ನಲ್ಲಿ . ಆಕೆ ವೃತ್ತಿಯಲ್ಲಿ ವಾಸ್ತುಶಿಲ್ಪಿ ಮತ್ತು ಮಾಡೆಲ್ ಆಗಿದ್ದಾರೆ. ಬ್ಯಾಡ್ಮಿಂಟನ್, ಬಾಸ್ಕೆಟ್ಬಾಲ್, ಚಿತ್ರಕಲೆ, ಸಂಗೀತ ಕೇಳುವುದು ಮತ್ತು ಓದುವುದು ಅವರ ಇತರ ಆಸಕ್ತಿಯ ಕ್ಷೇತ್ರಗಳು. ಇವರ ಅಣ್ಣ ದೈವಿಕ್ ರೈ ಕ್ರಿಕೆಟರ್ . ಭಾರತದ ಒಳಾಂಗಣ ಕ್ರಿಕೆಟ್ ತಂಡದ ಸದಸ್ಯರಾಗಿರುವ ಇವರು 2017ರ ಒಳಾಂಗಣ ಕ್ರಿಕೆಟ್ ವಿಶ್ವಕಪ್ ಜಯಿಸಿದ ಭಾರತ ತಂಡದಲ್ಲಿದ್ದರು.

2021 ರಲ್ಲಿ ಮಿಸ್ ದಿವಾ ಯೂನಿವರ್ಸ್ ಸ್ಪರ್ಧೆಯಲ್ಲಿ ದಿವಿತಾ ಭಾಗವಹಿಸಿದರು, ಅಲ್ಲಿ ಹರ್ನಾಜ್ ಸಂಧು ವಿಜೇತರಾದರು. ಕಳೆದ ವರ್ಷ ಈಕೆ ಮಿಸ್ ದಿವಾ 2ನೇ ರನ್ನರ್ ಅಪ್ ಆಗಿದ್ದರು. ಟೈಮ್ಸ್ ಎಂಟರ್ಟೈನ್ಮೆಂಟ್ ಗೆ ನೀಡಿದ ಸಂದರ್ಶನದಲ್ಲಿ , ದಿವಿತಾರವರು “ ತನ್ನದು ಎಲ್ಲರೊಂದಿಗೆ ಹೊಂದಿಕೊಂಡು ಹೋಗುವ ಗುಣ ಎಂದಿದ್ದರು. ಏಕೇಂದರೆ ನನ್ನ ಶೈಕ್ಷಣಿಕ ಜೀವನದಲ್ಲಿ ನಾನು ಆರು ಶಾಲೆಗಳನ್ನು ಬದಲಾಯಿಸಿದ್ದೆ. ದೇಶದ ಹಲವಾರು ನಗರಗಳಲ್ಲಿ ವಾಸಿಸುವ ಅನಿವಾರ್ಯತೆ ಉಂಟಾಗಿತ್ತು. ಆಗ ಅಲ್ಲಿನ ಜನರೊಂದಿಗೆ ಹೊಂದಿಕೊಂಡು ವಾಸಿಸುವುದು ಅಭ್ಯಾಸವಾಯಿತು “ ಎಂದಿದ್ದರು.

View this post on Instagram

A post shared by Miss Diva (@missdivaorg)

ಜೀವನದಲ್ಲಿ ಆಕೆಯ ಧ್ಯೇಯವಾಕ್ಯವೆಂದರೆ ” ಬದಲಾವಣೆಗೆ ಭಯಪಡಬೇಡಿ, ಜೀವನವನ್ನು ಸ್ವೀಕರಿಸಿ ಮತ್ತು ಜೀವನದ . ಪ್ರತಿ ಕ್ಷಣವನ್ನು ಸಂಪೂರ್ಣವಾಗಿ ಅನುಭವಿಸಿ”

ಪ್ರತಿಯೊಬ್ಬರಿಗು ಶಿಕ್ಷಣ ಸಿಗಬೇಕು

“ಪ್ರತಿಯೊಬ್ಬರಿಗೂ ಶಿಕ್ಷಣ ದೊರೆಕುವಂತಾಗಬೇಕು” ಎನ್ನುವುದು ಮಿಸ್ ದಿವಾ ಯೂನಿವರ್ಸ್ 2022 ವಿಜೇತೆ ದಿವಿತಾ ಹೆಬ್ಬಯಕೆ. ಈ ಮಾತಿಗೆ ಆಕೆಗೆ ಅವಳ ತಂದೆಯೇ ಸ್ಪೂರ್ತಿ. “ನನ್ನ ತಂದೆಗೆ ಆರ್ಥಿಕ ದುಗುಡದಿಂದ ಹೊರಬರಲು ಅವರು ಸಂಪಾದಿಸಿದ ಶಿಕ್ಷಣ ನೆರವಾಯಿತು. ಶಿಕ್ಷಣದಿಂದ ಗಳಿಸಿದ ಜ್ಞಾನದಿಂದ ಅವರು ತಮಗಾಗಿ ಹಾಗೂ ತಮ್ಮ ಕುಟುಂಬಕ್ಕಾಗಿ ಸಂಪಾದಿಸಲು ಮತ್ತು ಕುಟುಂಬದ ಬೇಕು ಬೇಡಗಳನ್ನು ಈಡೇರಿಸಲು ನೆರವಾಯಿತು “ಎಂದರು.

ಮಿಸ್ ಇಂಡಿಯಾ ಗೆದ್ದ ಉಡುಪಿಯ ಸಿನಿ ಶೆಟ್ಟಿ

ತೆಲಂಗಾಣದ ಪ್ರಜ್ಞಾ ಅಯ್ಯಂಗಾರಿಯವರು ಲಿವಾ ಮಿಸ್ ದಿವಾ ಸುಪ್ರಾನ್ಯಾಷನಲ್-2022 ( Supranational 2022) ಗೌರವಕ್ಕೆ ಪಾತ್ರರಾದರು. ಮಿಸ್ ಸುಪ್ರಾನ್ಯಾಷನಲ್ ಏಷ್ಯಾ 2022 ರಿತಿಕಾ ಖತ್ನಾನಿಯವರು ಪ್ರಜ್ಞಾ ಅವರಿಗೆ ಕಿರೀಟ ತೊಡಿಸಿದರು.

ಈ ಸುದ್ದಿಯನ್ನು ಷೇರ್‌ ಮಾಡಿ

• WhatsApp
• Telegram
• Tweet
• Print

Related Topics:ದಿವಿತಾ ರೈದಿವಿತಾ ರೈ ಯಾರು? ದಿವಿತಾ ರೈ ವಯಸ್ಸುದಿವಿತಾ ರೈ ಕುಟುಂಬದಿವಿತಾ ರೈ ಬಯೋಗ್ರಫಿದಿವಿತಾ ರೈ ಬಿಕಿನಿದಿವಿತಾ ರೈ ಹಾಟ್ ವಿಡಿಯೋDakshina Kannadadivita raidivita rai agedivita rai bikinidivita rai biographydivita rai familydivita rai hotdivita rai Miss Diva Universe 2022divita rai profilefemina miss india 2022 winnerMangaloreMiss Diva Universe 2022 winnersini shettywho is divita rai

Up Next

ಬೆಳ್ತಂಗಡಿ: ಎರಡು ಪ್ರತ್ಯೇಕ ಅಕ್ಸಿಡೆಂಟ್ : ಒಂದೇ ಕುಟುಂಬದ 20ರ ಹರೆಯದ ಇಬ್ಬರು ಬೈಕ್ ಸವಾರರು ದುರ್ಮರಣ – ಒಬ್ಬನಿಗೆ ಅಪಘಾತವಾದ ಸುದ್ದಿ ತಿಳಿದು ನೋಡಲು ಬರುತ್ತಿದ್ದಾತನು ಅಪಘಾತಕ್ಕೆ ಬಲಿ

Don't Miss

ಮಂಗಳೂರಿನಲ್ಲಿ ಪ್ರಧಾನಿ ಬರುವ ನೆಪದಲ್ಲಾದರೂ ರಸ್ತೆ ರಿಪೇರಿಯಾಗುತ್ತಿದೆ – ಉಡುಪಿಗೆ ಯಾರು ಬರಬೇಕು ? ಉಡುಪಿ ಶಾಸಕರನ್ನು ಯುವತಿ ತರಾಟೆಗೆತ್ತಿಕೊಂಡ ವಿಡಿಯೋ ವೈರಲ್‌