ಅದರಂತೆ ದೇವಿ ಪ್ರಸಾದ್‌ ಅವರು ಚಂದ್ರಾವತಿ ಎಂಬವರನ್ನು ಸಂಪರ್ಕಿಸಿದ್ದು ಅವರು ದುಡ್ಡು ನೀಡಿದಲ್ಲಿ  ಕೆ ಎಂ ಎಫ್‌ ನ ಕಿರಿಯ ನಿರ್ದೇಶಕ ಹರೀಶ್‌ ( ಪ್ರಕರಣದ ಪ್ರಮುಖ ಆರೋಪಿ )  ಮೂಲಕ ಈ ಕೆಲಸ ಮಾಡಿಸಿಕೊಡುವುದಾಗಿ ಭರವಸೆ ನೀಡಿದ್ದರು ಅದರಂತೆ ಪೋನ್‌ ಪೇ ಹಾಗೂ ಕ್ಯಾಶ್‌ ಮೂಲಕ  ಚಂದ್ರಾವತಿ ಬಳಿ ದುಡ್ಡು ನೀಡಿರುವುದಾಗಿ ದೂರಿನಲ್ಲಿ ತಿಳಿಸಲಾಗಿದೆ.

Watch Video: ಭೀಕರ ಕಾದಾಟದಲ್ಲಿ ಮೊಸಳೆಯನ್ನು ಸೋಲಿಸುವ ಜಾಗ್ವಾರ್ – ಎರಡು ಬಲಿಷ್ಟ ಪ್ರಾಣಿಗಳ ಯುದ್ದಕ್ಕೆ ನೆಟ್ಟಿಗರು ಮಂತ್ರಮುಗ್ದ  

ನಕಲಿ ಆದೇಶ ಪತ್ರ ಐಡಿ ಕಾರ್ಡ್‌

ಕೆಲ ದಿನಗಳ ಬಳಿಕ ಕೆಎಂಎಫ್‌ ನಲ್ಲಿ ಕ್ಲರ್ಕ್‌ ಆಗಿ  ಉದ್ಯೋಗ ಸಿಕ್ಕಿರುವ ಬಗ್ಗೆ ಚಂದ್ರಾವತಿಯರು ತಿಳಿಸಿದ್ದು ದೇವಿ ಪ್ರಸಾದ್‌ ಅವರಿಗೆ ನೇಮಕಾತಿ ಆದೇಶ ಪತ್ರವನ್ನು (Appointment Order) ನೀಡಿರುತ್ತಾರೆ . ಇದಾದ ಬಳಿಕ ದೂರುದಾರರ ಸಹಿತ ಒಟ್ಟು 38 ಮಂದಿಗೆ ಚಿಲಿಂಬಿಯ ಮಲರಾಯ ದೈವಸ್ಥಾನದ ಹಾಲ್‌ ನಲ್ಲಿ ನಾಲ್ವರು ಆರೊಪಿಗಳು ತರಭೇತಿ ಕೂಡ ನೀಡಿರುತ್ತಾರೆ. ಇದರಿಂದ ದೂರುದಾರರಿಗೆ ಕೆಲಸ ಸಿಗುವ ನಂಬಿಕೆ ಗಟ್ಟಿಯಾಗಿದೆ.

ಇದಾದ ಬಳಿಕ ದೇವಿ ಪ್ರಸಾದ್‌ ಅವರ  ಹಲವು ಸ್ನೇಹಿತರು ಕೂಡ ಚಂದ್ರಾವತಿಯವರ ಬಳಿ ದುಡ್ಡು ನೀಡಿ  ಕೆಎಂಎಫ್‌ ಉದ್ಯೋಗಕ್ಕೆ ಬೇಡಿಕೆ ಇಟ್ಟಿದ್ದು , ಹಣ ಸ್ವೀಕರಿಸಿದ ಆಕೆ ಉದ್ಯೋಗ ಕೊಡಿಸುವ ಭರವಸೆ ನೀಡಿರುತ್ತಾರೆ  ಆದರೇ ಈ ವರ್ಷದ ಮೇ ತಿಂಗಳ ವರೆಗೂ ನೇಮಕಾತಿ ಆಗದಿರುವುದರಿಂದ ಚಂದ್ರಾವತಿಯರಲ್ಲಿ ದೇವಿ ಪ್ರಸಾದ್‌ ಹಾಗೂ ಅವರ ಸ್ನೇಹಿತರು ಹಣ ನೀಡುವಂತೆ ಹಲವು ಬಾರಿ ದುಂಬಾಲು ಬಿದ್ದಿದ್ದಾರೆ.  ಈ ವೇಳೆ ಚಂದ್ರಾವತಿಯವರು 10 ಲಕ್ಷ 70 ಸಾವಿರ ರೂಪಾಯಿ ನಮೊದಿಸಿ  ತನ್ನ ಬ್ಯಾಂಕ್‌ ಖಾತೆಯ ಚೆಕ್‌ ಅನ್ನು ದೂರುದಾರರಿಗೆ ನೀಡಿದ್ದರು ಅದು ಮರುದಿನ  ಕ್ಲಿಯರ್‌ ಆಗಿರುತ್ತಾದೆ ಎಂದು ದೂರಿನಲ್ಲಿ ವಿವರಿಸಲಾಗಿದೆ.

ಈ ಬಳಿಕ  ಆರೋಪಿ ರಾಮ್‌ ಪ್ರಸಾದ್‌ ದೂರುದಾರರನ್ನು ನೇರ ಸಂಪರ್ಕ ಮಾಡಿ ಉದ್ಯೋಗ ಖಂಡಿತವಾಗಿಯು ಕೊಡಿಸುವುದಾಗಿ  ತಿಳಿಸಿ  ಹಣ ಕೊಡುವಂತೆ ಒತ್ತಾಯಿಸಿದ್ದಾನೆ .ಅಲ್ಲದೇ ತಾನು ಕೆಎಂಎಫ್‌ ನಲ್ಲಿ ದೊಡ್ಡ ಹುದ್ದೆಯಲ್ಲಿರುವಂತೆ ನಟಿಸಿ, ಅದನ್ನು ನಂಬಿಸಲು ಬೇಕಾದ ದಾಖಲೆಗಳನ್ನು ನಕಲಿಯಾಗಿ ತಯಾರಿಸಿ ಅದನ್ನು ಅಸಲಿ ಎಂಬಂತೆ ಬಿಂಬಿಸಿ ಮೋಸ ಮಾಡಿರುತ್ತಾನೆ. ಈ ದಾಖಲೆಗಳನ್ನು ಅಸಲಿ ಎಂದು ನಂಬಿ  ನಾನು ಸೇರಿದಂತೆ ನನ್ನ ಸ್ನೇಹಿತರು ಒಟ್ಟು 14 ಲಕ್ಷ ರೂಪಾಯಿ ಹಣ ರಾಮ್‌ ಪ್ರಸಾದ್‌ ಕೈಯಲ್ಲಿ  ನೀಡಿರುತ್ತಾರೆ.  ಅವರಿಗೆ ರಾಮ್‌ ಪ್ರಸಾದ್‌  ಕೆಎಂಎಫ್‌ ನ ಫೇಕ್‌ ಐಡಿ ಕಾರ್ಡು ಕೊಟ್ಟು ಉದ್ಯೋಗ ಆಗಿರುವುದಾಗಿ ನಂಬಿಸಿ ಮೋಸ ಮಾಡಿರುವುದಾಗಿ ದೂರಿನಲ್ಲಿ ವಿವರಿಸಲಾಗಿದೆ. 

ಪುತ್ತೂರಿನ ರಮೇಶ್‌

 ಆರೋಪಿ ರಾಮ್‌ ಪ್ರಸಾದ್‌  ಕೆಎಂಎಫ್‌ ನಲ್ಲಿ ಕೆಲಸ ಕೊಡಿಸುವ ಭರವಸೆ ನೀಡಿ ಚಂದ್ರಾವತಿ ಹಾಗೂ ಪುತ್ತೂರಿನ ರಮೇಶ್‌ ಎಂಬವರ ಮೂಲಕ 138ಕ್ಕೂ ಹೆಚ್ಚು ಉದ್ಯೋಗಾರ್ಥಿಗಳಿಂದ  ಸುಮಾರು 1.84 ಕೋ. ರೂ ವಂಚಿಸಿ ದ್ರೋಹ ಮೋಸ ಮಾಡಿದ್ದಾರೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ