ಬಿಜೆಪಿ ನಾಯಕರ ವಾಗ್ದಾಳಿ

‘ಹಿಂದೂ ದೇವತೆಗಳ ವಿರುದ್ಧ ಎಎಪಿ ನಾಯಕರು ನೀಡಿದ ಹೇಳಿಕೆಗಳಿಂದ ಸಾರ್ವಜನಿಕರ ಆಕ್ರೋಶಕ್ಕೆ ಗುರಿಯಾಗಿರುವುದನ್ನು ಮುಚ್ಚಿಕೊಳ್ಳುವ ಪ್ರಯತ್ನವಿದು’ ಎಂದು ಕೆಜ್ರಿವಾಲ್ ಮೇಲೆ ಬಿಜೆಪಿ ನಾಯಕರು ವಾಗ್ದಾಳಿ ಮಾಡಿದ್ದಾರೆ.

ಹಿಂದೂ ದೇವತೆಗಳನ್ನು ಬಹಿರಂಗವಾಗಿ ನಿಂದಿಸುವ ಮೂಲಕ ಎಎಪಿಯ ನಾಯಕರ ಹಿಂದೂ ವಿರೋಧಿ ಮುಖ ಹೊರಬಂದಿತ್ತು. ಗುಜರಾತ್‌ ಮತ್ತು ದೆಹಲಿ ಎಂಸಿಡಿ ಚುನಾವಣೆಗಳ ದೃಷ್ಟಿಯಿಂದ, ಅದನ್ನು ಮುಚ್ಚಿಕೊಳ್ಳಲು ಕೇಜ್ರಿವಾಲ್‌ ನಡೆಸುತ್ತಿರುವ ವಿಫಲ ಯತ್ನವಲ್ಲದೇ ಇದು ಬೇರೇನೂ ಅಲ್ಲ ಎಂದು ಬಿಜೆಪಿಯ ದೆಹಲಿ ಸಂಸದ ಮನೋಜ್‌ ತಿವಾರಿ ಹರಿಹಾಯ್ದಿದ್ದಾರೆ.

ಕೆಜ್ರಿವಾಲ್ ಹೇಳಿಕೆಯಲ್ಲಿ ನಿಜವಾಗಿಯೂ ಅರ್ಥವಿದ್ದರೆ, ಹಿಂದೂ ದೇವತೆಗಳ ವಿರುದ್ಧ ಮಾತನಾಡಿರುವ ದೆಹಲಿಯ ಮಾಜಿ ಸಚಿವ ರಾಜೇಂದ್ರ ಪಾಲ್ ಗೌತಮ್ ಮತ್ತು ಎಎಪಿಯ ಗುಜರಾತ್ ಘಟಕದ ಅಧ್ಯಕ್ಷ ಗೋಪಾಲ್ ಇಟಾಲಿಯಾ ಅವರನ್ನು ಮೊದಲು ಪಕ್ಷದಿಂದ ಹೊರಗಟ್ಟಲಿ ಎಂದು ಅವರು ಸವಾಲು ಹಾಕಿದರು.

ಮಸೀದಿ ಕೆಡವಿ ಕಟ್ಟಿದ ದೇವಸ್ಥಾನದಲ್ಲಿ ಭಗವಾನ್‌ ರಾಮ ನೆಲೆಸುವುದಿಲ್ಲವೆಂದು ತನ್ನ ಅಜ್ಜಿ ಹೇಳಿರುವುದಾಗಿ ಕೇಜ್ರಿವಾಲ್‌ ನೀಡಿದ್ದ ಹೇಳಿಕೆಯನ್ನು ಉಲ್ಲೇಖಿಸಿ, ‘ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣ ವಿರೋಧಿಸಿದವರು ಈಗ ಚುನಾವಣೆಗಾಗಿ ಹೊಸ ಮುಖವಾಡ ಧರಿಸಿ ಬಂದಿದ್ದಾರೆ’ ಎಂದು ತಿವಾರಿ ಟೀಕಿಸಿದರು.

ದೆಹಲಿಯಲ್ಲಿ ದೀಪಾವಳಿಯನ್ನು ಪಟಾಕಿಯೊಂದಿಗೆ ಆಚರಿಸಿದರೆ ಕಾನೂನು ಕ್ರಮ ಜರುಗಿಸುವುದಾಗಿ ಎಎಪಿ ಸರ್ಕಾರ ಎಚ್ಚರಿಕೆ ಕೊಟ್ಟಿತ್ತು. ಕೇಜ್ರಿವಾಲ್‌ ಅವರ ಈ ಹೊಸ ಹೇಳಿಕೆ ಬೂಟಾಟಿಕೆಯ ಪ್ರದರ್ಶನ ಎಂದು ಬಿಜೆಪಿ ವಕ್ತಾರ ಸಂಬಿತ್‌ ಪಾತ್ರ ಕಿಡಿಕಾರಿದರು.

Treatment for Files : ಮೂಲವ್ಯಾದಿ ಸಮಸ್ಯೆಗೆ ಇಲ್ಲಿದೆ ಪವರ್ ಪುಲ್ ಮನೆ ಮದ್ದು

ಬಿಜೆಪಿ ನಾಯಕರ ತೀವ್ರ ವಾಗ್ದಾಳಿಗೆ ತಿರುಗೇಟು ನೀಡಿರುವ ಎಎಪಿಯ ದೆಹಲಿ ಘಟಕದ ಮುಖ್ಯಸ್ಥ, ಸಂಸದ ಸಂಜಯ್‌ ಸಿಂಗ್‌ ‘ಕೇಜ್ರಿವಾಲ್‌ ಅವರು ಮಾಡಿರುವುದು ಬರೀ ಮನವಿ ಅಷ್ಟೇ. ಆದರೆ, ಈ ಪ್ರಸ್ತಾವನೆ ಬಿಜೆಪಿಗೆ ಇರುಸುಮುರುಸು ತಂದಿದೆ’ ಎಂದು ವ್ಯಂಗ್ಯವಾಡಿದ್ದಾರೆ. ಇವರ ಹೇಳಿಕೆಗೆ ಎಎಪಿ ಶಾಸಕರಾದ ಅತಿಶಿ, ದಿಲೀಪ್‌ ಪಾಂಡೆ ದನಿಗೂಡಿಸಿದ್ದಾರೆ.

ಕಾಂಗ್ರೆಸ್‌ ಕೂಡ ಕೇಜ್ರಿವಾಲ್ ಹೇಳಿಕೆಯನ್ನು ಟೀಕಿಸಿದೆ. ಅದರ ದೆಹಲಿ ಘಟಕದ ಅಧ್ಯಕ್ಷ ಅನಿಲ್‌ ಕುಮಾರ್‌, ‘ಕೇಜ್ರಿವಾಲ್‌ ತಮ್ಮ ರಾಜಕೀಯ ಚದುರಂಗದಾಟಕ್ಕೆ ಹಿಂದೂ ದೇವತೆಗಳನ್ನು ದಾಳವಾಗಿಸಿಕೊಳ್ಳುತ್ತಿದ್ದಾರೆ. ಸಂವಿಧಾನದ ಜಾತ್ಯತೀತ ತತ್ವಗಳನ್ನು ಉಲ್ಲಂಘಿಸಿರುವ ಕೇಜ್ರಿವಾಲ್‌ ದೆಹಲಿ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು’ ಎಂದು ಒತ್ತಾಯಿಸಿದ್ದಾರೆ.

ಅಂಬೇಡ್ಕರ್‌ ಚಿತ್ರವೇಕೆ ಬೇಡ: ಮನೀಶ್‌ ತಿವಾರಿ ಪ್ರಶ್ನೆ

ಕರೆನ್ಸಿ ನೋಟುಗಳಲ್ಲಿ ಬಾಬಾ ಸಾಹೇಬ್‌ ಡಾ.ಬಿ.ಆರ್‌. ಅಂಬೇಡ್ಕರ್‌ ಭಾವಚಿತ್ರ ಮುದ್ರಿಸಬಾರದೇಕೆ? ಎಂದು ಪಂಜಾಬ್ ಕಾಂಗ್ರೆಸ್ ಮುಖಂಡ, ಸಂಸದ ಮನೀಷ್‌ ತಿವಾರಿ ಪ್ರಶ್ನಿಸಿದ್ದಾರೆ.

ಕೇಜ್ರಿವಾಲ್‌ ಹೇಳಿಕೆಗೆ ತೀಕ್ಷ್ಣ ಪ್ರತಿಕ್ರಿಯೆ ನೀಡಿರುವ ಅವರು, ‘ಒಂದು ಬದಿ ಮಹಾತ್ಮ ಗಾಂಧಿ ಚಿತ್ರ ಹಾಗೂ ಮತ್ತೊಂದು ಬದಿಯಲ್ಲಿ ಅಂಬೇಡ್ಕರ್‌ ಚಿತ್ರವಿದ್ದರೆ ಹೇಗೆ? ಅಹಿಂಸೆ, ಸಂವಿಧಾನ ಮತ್ತು ಸಮತಾವಾದಗಳು ಒಟ್ಟಾಗಿ ಆಧುನಿಕ ಭಾರತವನ್ನು ಬಹಳ ಉತ್ತಮವಾಗಿ ಪ್ರತಿನಿಧಿಸುತ್ತವೆ’ ಎಂದು ತಿವಾರಿ ಟ್ವೀಟ್‌ನಲ್ಲಿ ಪ್ರತಿಕ್ರಿಯಿಸಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲೂ ತೀವ್ರ ಟೀಕೆ

ಕೇಜ್ರಿವಾಲ್‌ ಸಲಹೆ ಸಾಮಾಜಿಕ ಜಾಲತಾಣದಲ್ಲೂ ವ್ಯಾಪಕ ಟೀಕೆಗೆ ಗುರಿಯಾಗಿದ್ದು, ಕೆಲವು ಜಾಲತಾಣಿಗರು ತೀವ್ರ ಅಪಹಾಸ್ಯ ಮಾಡಿದ್ದಾರೆ. ಕೇಜ್ರಿವಾಲ್‌ ಸಲಹೆಯನ್ನು ಕೆಲವು ನೆಟ್ಟಿಗರು ಗುಜರಾತ್‌ ಚುನಾವಣೆಗೆ ತಳುಕು ಹಾಕಿ, ಪ್ರಶ್ನೆ ಮಾಡಿದ್ದಾರೆ.

Arecanut | ಅಡಿಕೆ ಆಮದಿಗೆ ನಿರ್ಮಲ ಸೀತರಾಮನ್ ಹೆಚ್ಚಿನ ತೆರಿಗೆ ವಿಧಿಸಿದ ಕಾರಣ ಆಮದು ನಿಂತಿದೆ : ಆದರೆ ಅಡಿಕೆ ಮೇಲೆ ತೂಗುಗತ್ತಿ ಇದ್ದೇ ಇದೆ..! ತಾಳೆ ಕೃಷಿ ಬಗ್ಗೆ ಕರಾವಳಿಯ ರೈತರು ಯೋಚಿಸಬೇಕು : ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ – ಅಡಿಕೆ ಕೃಷಿ ಭವಿಷ್ಯದ ಬಗ್ಗೆ ಆತಂಕ ವ್ಯಕ್ತಪಡಿಸಿದ ಕೇಂದ್ರ ಹಾಗೂ ರಾಜ್ಯ ಸಚಿವರು : ಕಾಣಿಯೂರು ಪಂಚಾಯತ್ ಸಭಾಭವನ ಹಾಗೂ ರಸ್ತೆ ಉದ್ಘಾಟನೆ