​ಡಬ್ಬಿಂಗ್ ವಿವಾದ: “ಪ್ರಜ್ವಲ್ ಧ್ವನಿ ಈ ಪಾತ್ರಕ್ಕೆ ಸೂಟ್ ಆಗುತ್ತದೋ ಇಲ್ಲವೋ ಎಂಬ ಸಣ್ಣ ಅನುಮಾನವಿತ್ತು. ಆದರೂ ಅವರಿಗಾಗಿ ಡಬ್ಬಿಂಗ್ ಸ್ಟುಡಿಯೋ ಬ್ಲಾಕ್ ಮಾಡಿ, ಟ್ರೇಲರ್ ಮುಗಿದ ನಂತರ ಡಬ್ ಮಾಡಿ ಎಂದಿದ್ದೆವು. ಆದರೆ ಅವರಿಂದ ಯಾವುದೇ ರೆಸ್ಪಾನ್ಸ್ ಬರಲಿಲ್ಲ.”

​ಸಂಭಾವನೆ ಲೆಕ್ಕಾಚಾರ: “ಚಿತ್ರದಲ್ಲಿ ಮತ್ತೊಬ್ಬ ಸ್ಟಾರ್ ಇರುತ್ತಾರೆ ಎಂದು ಪ್ರಜ್ವಲ್‌ಗೆ ಮೊದಲೇ ಹೇಳಿ ರಾಜ್ ಬಿ. ಶೆಟ್ಟಿ ಅವರನ್ನು ಕರೆತಂದಿದ್ದೇವೆ. ಪ್ರಜ್ವಲ್ ಅವರ 1 ಕೋಟಿ 25 ಲಕ್ಷ ರೂ. ಸಂಭಾವನೆಯಲ್ಲಿ 1 ಕೋಟಿ ರೂ. ನೀಡಲಾಗಿದೆ. ಬಾಕಿ ಇರುವ 25 ಲಕ್ಷ ರೂ. ಬಗ್ಗೆ ಮಾತುಕತೆಯೂ ಆಗಿತ್ತು.”

​💔 “ನಮ್ಮ ಇಂಡಸ್ಟ್ರಿ ಉದ್ಧಾರವಾಗದೇ ಇರಲು ಇಂಥ ಘಟನೆಗಳೇ ಕಾರಣ!” – ರಾಜ್ ಬಿ. ಶೆಟ್ಟಿ ಬೇಸರ
​ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಕರಾವಳಿಯ ಪ್ರತಿಭೆ ರಾಜ್ ಬಿ. ಶೆಟ್ಟಿ ಈ ಬೆಳವಣಿಗೆಯಿಂದ ತೀವ್ರ ಬೇಸರ ಹೊರಹಾಕಿದರು:

​”ಈ ಚಿತ್ರಕ್ಕೆ ಮೊದಲ ಆಯ್ಕೆ ನಾನಾಗಿರಲಿಲ್ಲ. ನಾನಿಲ್ಲಿ ಅತಿಥಿ ಪಾತ್ರ ಮಾಡಿದ್ದೇನೆಯೇ ಹೊರತು, ಯಾರಿಗೂ ಕಾಂಪಿಟೀಷನ್ ಕೊಡಲು ಬಂದಿಲ್ಲ. ಪೋಸ್ಟರ್‌ನಲ್ಲಿ ನನ್ನ ಹೆಸರು ಹಾಕದಿದ್ದರೂ ನನಗೆ ಬೇಸರವಿಲ್ಲ, ಸಿನಿಮಾ ಎಲ್ಲರಿಗಿಂತ ದೊಡ್ಡದು. ಇಡೀ ದೇಶವೇ ನೋಡುವಂತಹ ಕಥೆ ಇಲ್ಲಿದೆ. ಇದರಿಂದ ಪ್ರಜ್ವಲ್‌ಗೆ ದೊಡ್ಡ ಹೆಸರು ಬಂದರೆ ನನಗೆ ಹೆಮ್ಮೆ. ಆದರೆ, ನಮ್ಮ ಇಂಡಸ್ಟ್ರಿ ಉದ್ದಾರ ಆಗದಿರಲು ಇಂಥಾ ಘಟನೆಗಳೂ ಕಾರಣ…”

​⚡ ಪಲ್ಟಿ ಹೊಡೆದ ಕಥೆ: “ಸಂಭಾವನೆ ಬಾಕಿ ಇದೆ, ಅದಕ್ಕೇ ಬಂದಿಲ್ಲ” – ‘ಡೈನಾಮಿಕ್ ಪ್ರಿನ್ಸ್’ ತಿರುಗೇಟು!
​ಇತ್ತ ಚಿತ್ರತಂಡದ ಆರೋಪಗಳಿಗೆ ತಕ್ಷಣವೇ ಪ್ರತಿಕ್ರಿಯಿಸಿರುವ ನಟ ಪ್ರಜ್ವಲ್ ದೇವರಾಜ್, ತಮಗಾಗಿರುವ ಅನ್ಯಾಯವನ್ನು ಬಿಚ್ಚಿಟ್ಟಿದ್ದಾರೆ.

​ಡಬ್ಬಿಂಗ್ ಮಾಡದಿರಲು ಕಾರಣ: “ಚಿತ್ರತಂಡದವರು ನನ್ನ ಸಂಭಾವನೆ ಮತ್ತು ಜಿಎಸ್‌ಟಿ ಪೇಮೆಂಟ್ ಬಾಕಿ ಇಟ್ಟುಕೊಂಡಿದ್ದಾರೆ. ಅದನ್ನು ಸೆಟಲ್ ಮಾಡದೇ ಡಬ್ಬಿಂಗ್ ಮಾಡಲ್ಲ ಎಂದು ಸ್ಪಷ್ಟವಾಗಿ ಹೇಳಿದ್ದೆ. ಕಳೆದ ವರ್ಷವೇ ನಾನು ಒಂದೂವರೆ ಕೋಟಿ ಸಂಭಾವನೆ ಬಿಟ್ಟುಕೊಟ್ಟಿದ್ದೆ. ಆದರೆ ಈ ಚಿತ್ರಕ್ಕಾಗಿ 3 ವರ್ಷ ಬೇರೆ ಸಿನಿಮಾ ಒಪ್ಪಿಕೊಳ್ಳದೇ ಕಾಯ್ದಿದ್ದೇನೆ.”

​ಮಾತಿನ ರೀತಿ ಸರಿ ಇರಲಿಲ್ಲ: “ಸಂಭಾವನೆ ಕೇಳಿದರೆ ನಿರ್ದೇಶಕರು ಕೊಡುವುದಿಲ್ಲ ಎಂಬ ಅರ್ಥದಲ್ಲಿ ಮಾತನಾಡಿದರು, ಅವರ ಧ್ವನಿ ಸರಿ ಇರಲಿಲ್ಲ. ಟ್ರೇಲರ್ ಹಾಗೂ ಹಾಡಿನಲ್ಲಿ ನನ್ನ ವಾಯ್ಸ್ ಇಲ್ಲ ಎಂಬುದು ನಿನ್ನೆ ರಾತ್ರಿಯಷ್ಟೇ ಗೊತ್ತಾಯಿತು. ಅದಕ್ಕೇ ನಾನು ಕಾರ್ಯಕ್ರಮದಿಂದ ದೂರ ಉಳಿದೆ. ಆದರೆ ರಾಜ್ ಬಿ. ಶೆಟ್ಟಿ ಅವರ ಮೇಲೆ ಗೌರವವಿದೆ, ಅವರದು ಎಕ್ಸ್‌ಟ್ರಾ ಆರ್ಡಿನರಿ ಪ್ರತಿಭೆ. ಅವರೊಂದಿಗೆ ಯಾವುದೇ ಸಮಸ್ಯೆಯಿಲ್ಲ.”

​ಒಟ್ಟಿನಲ್ಲಿ, ಅದ್ಧೂರಿಯಾಗಿ ಮೂಡಿಬರಬೇಕಿದ್ದ ‘ಕರಾವಳಿ’ ಸಿನಿಮಾದ ಪ್ರಚಾರದ ಆರಂಭದಲ್ಲೇ ಈ ಮಟ್ಟದ ಭಿನ್ನಾಭಿಪ್ರಾಯಗಳು ಮತ್ತು ಹಣಕಾಸಿನ ಕಿರಿಕ್ ಬೀದಿಗೆ ಬಂದಿರುವುದು ಸ್ಯಾಂಡಲ್‌ವುಡ್ ಅಂಗಳದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಚಿತ್ರತಂಡ ಹಾಗೂ ನಾಯಕ ನಟನ ನಡುವಿನ ಈ ಕೋಲ್ಡ್ ವಾರ್ ಎಲ್ಲಿಗೆ ಹೋಗಿ ನಿಲ್ಲುತ್ತದೋ ಕಾದು ನೋಡಬೇಕು!