ಶ್ರೀ ಕ್ಷೇತ್ರದ  ಜಾತ್ರೋತ್ಸವದ ಹಿನ್ನಲೆ ಇಲ್ಲಿನ  ಪ್ರಧಾನ ಸೇವೆಗಳಲ್ಲಿ  ಒಂದಾದ ಸರ್ಪ ಸಂಸ್ಕಾರವು ಡಿ.8ರಿಂದ 24ರ ತನಕ ನೆರವೇರುವುದಿಲ್ಲ. ಇತರ ಸೇವೆಗಳು ಎಂದಿನಂತೆ ನೆರವೇರುತ್ತದೆ. ಲಕ್ಷದೀಪೋತ್ಸವ, ಚೌತಿ, ಪಂಚಮಿ ಮತ್ತು ಷಷ್ಠಿ ದಿನ ಕೆಲವೊಂದು ಸೇವೆಗಳು ನೆರವೇರುವುದಿಲ್ಲ. ಭಕ್ತಾದಿಗಳು ಸಹಕರಿಸಬೇಕು ಎಂದು ದೇವಳದ ಪ್ರಕಟಣೆ ತಿಳಿಸಿದೆ.  

ಪ್ರಾರ್ಥನೆ, ಆಶ್ಲೇಷ ಬಲಿ ಸೇವೆಯಲ್ಲಿ ವ್ಯತ್ಯಯ:

ಲಕ್ಷದೀಪೋತ್ಸವ (ಡಿ.12), ಚೌತಿ (ಡಿ.16), ಪಂಚಮಿ (ಡಿ.17) ದಿನದಂದು ರಾತ್ರಿ ಹೊತ್ತಿನಲ್ಲಿ ಪ್ರಾರ್ಥನೆ ಸೇವೆ ಇರುವುದಿಲ್ಲ. ಚಂಪಾಷಷ್ಠಿ (ಡಿ.18) ದಿನದಂದು ಮಧ್ಯಾಹ್ನ ಪ್ರಾರ್ಥನೆ ಸೇವೆ ನಡೆಯುವುದಿಲ್ಲ. ಚಂಪಾಷಷ್ಠಿ ದಿನ ಆಶ್ಲೇಷ ಬಲಿ ಮತ್ತು ನಾಗಪ್ರತಿಷ್ಠೆ ಸೇವೆಗಳು ನೆರವೇರುವುದಿಲ್ಲ.

 ಲಕ್ಷದೀಪೋತ್ಸವ (ಡಿ.12), ಚೌತಿ  (ಡಿ.16), ಪಂಚಮಿ (ಡಿ.18) ಮತ್ತು ಕೊಪ್ಪರಿಗೆ ಇಳಿಯುವ ದಿನ (ಡಿ.24) ದಂದು ಮಹಾಭಿಷೇಕ ಸೇವೆ ನಡಯುವುದಿಲ್ಲ. ಡಿ.10ರಿಂದ ಡಿ.24ರ ತನಕ ಸಾಯಂಕಾಲದ ಆಶ್ಲೇಷ ಬಲಿ ಸೇವೆ ನೆರವೇರುವುದಿಲ್ಲ.

Kukke Shri Subrahmanya Temple ದಕ್ಷಿಣ  ಭಾರತದ ಪ್ರಸಿದ್ದ ನಾಗಕ್ಷೇತ್ರದಲ್ಲಿ ನಾಳೆ (ಡಿ 9) ಮೂಲ ಮೃತಿಕಾ  ಪ್ರಸಾದ ವಿತರಣೆ – ಇಲ್ಲಿದೆ  ವರ್ಷಕ್ಕೊಮ್ಮೆ ಮಾತ್ರ ಹುತ್ತದಿಂದ ತೆಗೆಯುವ ಈ  ಪ್ರಸಾದದ ಮಹತ್ವ  

ಚಂಪಾಷಷ್ಠಿ ಜಾತ್ರೋತ್ಸವವು ಡಿ.10 ರಿಂದ 24ರ ತನಕ ನಡೆಯಲಿದ್ದು, ಜಾತ್ರೋತ್ಸವದ ಪ್ರಧಾನ ದಿನಗಳಾದ ಲಕ್ಷದೀಪ, ಚೌತಿ, ಪಂಚಮಿ ಮತ್ತು ಷಷ್ಠಿಯಂದು ಮಾತ್ರ ಕೆಲವೊಂದು ಸೇವೆಗಳನ್ನು ನೆರವೇರಿಸಲು ಅವಕಾಶಗಳು ಇರುವುದಿಲ್ಲ. ಆದರೆ ಇತರ ದಿನಗಳಲ್ಲಿ ಆಶ್ಲೇಷ ಬಲಿ, ಪಂಚಾಮೃತ ಮಹಾಭಿಷೇಕ, ಶೇಷಸೇವೆ, ಕಾರ್ತಿಕಪೂಜೆ, ಮಹಾಪೂಜೆ, ತುಲಾಭಾರ, ನಾಗಪ್ರತಿಷ್ಠೆ ಮೊದಲಾದುವುಗಳು ಎಂದಿನಂತೆ ನೆರವೇರಲಿದೆ. ಸರ್ಪಸಂಸ್ಕಾರ ಮತ್ತು ಸಂಜೆಯ ಆಶ್ಲೇಷ ಬಲಿ ಸೇವೆಗಳು ಮಾತ್ರ ಡಿ.24ರ ತನಕ ನೆರವೇರುವುದಿಲ್ಲ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಡಿ.9 ದರುಶನದಲ್ಲಿ ವ್ಯತ್ಯಯ: ಡಿ.9ರಂದು ಮೂಲಮೃತ್ತಿಕಾ ಪ್ರಸಾದ ತೆಗೆಯು ಪವಿತ್ರ ಕಾರ್ಯದ ಕಾರಣ ಭಕ್ತಾದಿಗಳಿಗೆ ಬೆಳಗ್ಗಿನಿಂದ ಮಧ್ಯಾಹ್ನ 2 ಗಂಟೆಯ ತನಕ ದೇವರ ದರುಶನ ಹಾಗೂ ಸೇವಾದಿಗಳನ್ನು ನೆರವೇರಿಸಲು ಅವಕಾಶ ಇರುವುದಿಲ್ಲ, 2 ಗಂಟೆಯ ನಂತರ ದೇವರ ದರ್ಶನಕ್ಕೆ ಹಾಗೂ ಆಯ್ದ ಸೇವೆಗಳನ್ನು ನೆರವೇರಿಸಲು ಅವಕಾಶವಿದೆ

Kukke Shri Subrahmanya Temple ಡಿಸೆಂಬರ್ 06;  ದಕ್ಷಿಣ ಭಾರತದ ಪ್ರಸಿದ್ದ ನಾಗಕ್ಷೇತ್ರ ಕುಕ್ಕೆ   ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದಲ್ಲಿ ಈ ವಾರಾಂತ್ಯದಲ್ಲಿ  ದರ್ಶನ ಮತ್ತು ವಿವಿಧ ಸೇವೆಗಳು ಅರ್ಧ ದಿನದ ಕಾಲ ಲಭ್ಯವಿರುವುದಿಲ್ಲ ಎಂದು ದೇವಾಲಯದ ಆಡಳಿತ ಮಂಡಳಿ ಹೇಳಿದೆ.  

ದೇವಳದಲ್ಲಿ 2023-24ನೇ ಸಾಲಿನ ವಾರ್ಷಿಕ ಜಾತ್ರಾ ಮಹೋತ್ಸವಕ್ಕೆ ಪೂರಕವಾಗಿ ಡಿ.9ರಂದು ಮೂಲಮೃತ್ತಿಕಾ ಪ್ರಸಾದ ತೆಗೆಯುವ ಪವಿತ್ರ ಕಾರ್ಯ ಇರಲಿದೆ. ಈ ಹಿನ್ನಲೆಯಲ್ಲಿ ಆ ದಿನ ಭಕ್ತಾದಿಗಳಿಗೆ ಬೆಳಗ್ಗಿನಿಂದ ಮಧ್ಯಾಹ್ನ 2 ಗಂಟೆಯ ತನಕ ದೇವರ ದರುಶನ ಹಾಗೂ ಸೇವಾದಿಗಳನ್ನು ನೆರವೇರಿಸಲು ಅವಕಾಶ ಇರುವುದಿಲ್ಲ. 2 ಗಂಟೆಯ ನಂತರ ದೇವರ ದರ್ಶನಕ್ಕೆ ಹಾಗೂ ಆಯ್ದ ಸೇವೆಗಳನ್ನು ನೆರವೇರಿಸಲು ಅವಕಾಶವಿದೆ

ಕುಕ್ಕೆ ಸುಬ್ರಮಣ್ಯದಲ್ಲಿ “ಮೂಲಮೃತಿಕಾ” ಪ್ರಸಾದಕ್ಕೆ ಹೆಚ್ಚಿನ ಮಹತ್ವವಿದೆ. ಮೂಲಸ್ಥಾನವಾದ ಕುಕ್ಕೆ ಸುಬ್ರಮಣ್ಯ ದೇವಳದ ಗರ್ಭಗುಡಿಯಿಂದ ತೆಗೆಯುವ ಕ್ಷೇತ್ರದ ಅತ್ಯಂತ ಪವಿತ್ರ ಪ್ರಸಾದ. ಯಾವುದೇ ದೇವಾಲಯದಲ್ಲಿ ಸಹ ಈ ಮಾದರಿ ಪ್ರಸಾದ ಸಿಗುವುದಿಲ್ಲ. ವರ್ಷಕ್ಕೆ ಒಂದು ಬಾರಿ ಮಾತ್ರ ಈ ಪ್ರಸಾದ ತೆಗೆಯಲಾಗುತ್ತದೆ.

ಕ್ಷೇತ್ರದ ಮೂಲಸ್ಥಾನವಾದ ಗರ್ಭಗುಡಿಯಿಂದ ಈ ಮೂಲಮೃತಿಕಾ ಪ್ರಸಾದವನ್ನು ತೆಗೆದು ಭಕ್ತರಿಗೆ ನೀಡಲಾಗುತ್ತದೆ. ಈ ಪ್ರಸಾದವು ರೋಗ ನಿರೋಧಕ ಶಕ್ತಿ ಹೊಂದಿದೆ ಎಂಬುದು ಭಕ್ತರ ನಂಬಿಕೆಯಾಗಿದೆ.  ಈ ಮೃತ್ತಿಕೆ ಪ್ರಸಾದ ಸಂತಾನಕಾರಕ, ಚರ್ಮ ರೋಗಗಳ ಪರಿಹಾರಕ್ಕೆ ದಿವ್ಯ ಔಷಧ ಎಂಬುದು ಭಕ್ತರ ನಂಬಿಕೆ. ಮೃತ್ತಿಕಾ ಪ್ರಸಾದವನ್ನು ಶುಭ ಕಾರ್ಯಗಳ ಒಳಿತಿಗೂ, ವ್ಯಾಧಿಗಳ ನಿವಾರಣೆಗೂ ಭಕ್ತರು ಬಳಸುತ್ತಾರೆ.

ಸಾವಿರಾರು ಭಕ್ತರು ಮೂಲಮೃತಿಕಾ ಪ್ರಸಾದವನ್ನು ತೆಗೆದುಕೊಂಡು ಹೋಗಲು ಕುಕ್ಕೆ ಸುಬ್ರಮಣ್ಯ ಕ್ಷೇತ್ರಕ್ಕೆ ಆಗಮಿಸುತ್ತಾರೆ. ಶುಭ ಕಾರ್ಯಗಳ ಸಂದರ್ಭದಲ್ಲಿ, ರೋಗಗಳ ನಿವಾರಣೆಗೆ ಸಹ ಈ ಪ್ರಸಾದವನ್ನು ಬಳಕೆ ಮಾಡುತ್ತಾರೆ.

ದಕ್ಷಿಣ ಕನ್ನಡ ಜಿಲ್ಲೆಯ ಪ್ರಸಿದ್ದ ಧಾರ್ಮಿಕ ಕ್ಷೇತ್ರ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನವು ಕರ್ನಾಟಕ ರಾಜ್ಯದ ಸುಬ್ರಹ್ಮಣ್ಯಂ ಗ್ರಾಮದಲ್ಲಿ ಬರುತ್ತದೆ. ಪ್ರಕೃತಿಯ ಸೌಂದರ್ಯದಲ್ಲಿ ನೆಲೆಸಿರುವ ಈ ಭವ್ಯವಾದ  ದೇವಾಲಯವು ಗ್ರಾಮದ ಹೃದಯಭಾಗದಲ್ಲಿದೆ. ಪ್ರಕೃತಿ ನದಿಗಳು, ಕಾಡುಗಳು ಮತ್ತು ಪರ್ವತಗಳಿಂದ ಸುತ್ತುವರೆದಿರುವ ಈ ದೇವಾಲಯವು ತನ್ನ ಅನನ್ಯ ಸೌಂದರ್ಯವನ್ನು ಬಹಿರಂಗಪಡಿಸುತ್ತದೆ .ಪ್ರತಿನಿತ್ಯ ನೂರಾರು ಭಕ್ತರು ದೇವಾಲಯಕ್ಕೆ ಭೇಟಿ ನೀಡುತ್ತಾರೆ. ವಾರಾಂತ್ಯ, ಸರ್ಕಾರಿ ರಜೆ ದಿನಗಳಲ್ಲಿ ದೇವಾಲಯಕ್ಕೆ ಸಾವಿರಾರು ಭಕ್ತರು ಆಗಮಿಸುತ್ತಾರೆ.

ಮಂಗಳೂರು ಡಿಸೆಂಬರ್‌ 08: ದೈವಾರಾಧನೆ ದಕ್ಷಿಣ ಕನ್ನಡ ಉಡುಪಿ ಹಾಗೂ ಕೇರಳದ ಕಾಸರಗೋಡು ಜಿಲ್ಲೆಯ   ಜನರ ಬದುಕಿನಲ್ಲಿ ಹಾಸು ಹೊಕ್ಕಿದ್ದು ಇದನ್ನು ಇಲ್ಲಿ ತಲೆ ತಲಾಂತರದಿಂದ ಶ್ರದ್ಧೆ, ಭಯ ಭಕ್ತಿಯಿಂದ ಆರಾಧಿಸಲಾಗುತ್ತದೆ. ನಂಬಿದವನ ಕೈಯನ್ನು ದೈವ ಬಿಡದು ಎನ್ನುವುದು ಇಲ್ಲಿನ ದೈವ ಭಕ್ತರು ಅನತಿ ಕಾಲದಿಂದ ನಂಬಿಕೊಂಡು ಬಂದಿರುವ ನುಡಿ.   ಕೇವಲ 3 ಜಿಲ್ಲೆಯಲ್ಲಷ್ಟೆ ಸೀಮಿತವಾಗಿದ್ದ ಈ ಆಚರಣೆ, ವಿಶಿಷ್ಟ ಸಂಸ್ಕೃತಿ ಕನ್ನಡದ ಬ್ಲಾಕ್‌ ಬ್ಲಾಸ್ಟರ್‌ ಮೂವಿ  ಕಾಂತಾರ ಸಿನಿಮಾದಿಂದ ನಾಡಿನ ಉದ್ದಗಲಕ್ಕೂ ಪರಿಚಯವಾಯಿತು . ಆದರೇ ಈಗ ಇದೇ ಈ ಆರಾಧನೆಗೆ ಮುಳುವಾದಂತೆ ಕಾಣುತ್ತಿದೆ.

ಕಾಂತಾರ ಸಿನಿಮಾ ವೀಕ್ಷಿಸಿದವರಿಗೆ ದೈವದ ಬಗ್ಗೆ ಕುತೂಹಲ ಅದನ್ನು ವೀಕ್ಷಿಸುವ ಹಂಬಲ ಹೆಚ್ಚಾಗಿದೆ. ಬಹುತೇಕರಿಗೆ ದೈವರಾಧನೆಯ ಮಹತ್ವ,  ಅದರ ಹಿಂದೆ ಅಡಕವಾಗಿರುವ ದೈವಿಕ ಭಾವ, ದೊಡ್ಡ ಒಂದು ಜನ ಸಮೂಹ ಅದನ್ನು ತುಂಬು ಶ್ರದ್ದೆ ಮತ್ತು ಭಕ್ತಿಯಿಂದ ಆರಾಧಿಸಕೊಂಡು ಬರುತ್ತಿರುವ ಬಗ್ಗೆ ಗೊತ್ತಿಲ್ಲ. ಹೀಗಾಗಿ ಬಹುತೇಕರಿಗೆ ಇದೊಂದು ಪ್ರೇಕ್ಷಣಿಯ ವಿಚಾರ ಎನಿಸಿದೆ.

ಪ್ಯಾಕೇಜ್‌ ನಲ್ಲಿ ಏನಿದೆ?

 ಇದನ್ನೆ ಬಂಡವಾಳ ಮಾಡಿಕೊಂಡಿರುವ ಟ್ರಾವೆಲ್‌ ಏಜನ್ಸಿಯೊಂದು ಭೂತ ಕೋಲ ಹೆಸರಿನಲ್ಲಿ ಟ್ರಿಪ್‌ ಪ್ಯಾಕೇಜ್‌ ಆಫರ್‌ ನೀಡಿದೆ. ದೈವಾರಾಧನೆ ಅಥವಾ ಭೂತ ಕೋಲ ಹೇಗೆ ನಡೆಯುತ್ತದೆ..? ದೈವ ನರ್ತಕರು ಹೇಗೆ ಸಿಂಗಾರಗೊಳ್ಳುತ್ತಾರೆ? ಎನ್ನುವ ಕುತೂಹಲ ಇರುವವರಿಗೆ ಭೂತ ಕೋಲವನ್ನು ತೋರಿಸುವುದು ಈ ಪ್ಯಾಕೇಜ್‌ ನ ಉದ್ದೇಶ . ‘ಭೂತ ಕೋಲ’ A night with ancient spirits  ಎಂದು ಈ ಟೂರು ಪ್ಯಾಕೇಜ್‌ಗೆ ಏಜೆನ್ಸಿ ಹೆಸರಿಟ್ಟಿದೆ.   ಕರಾವಳಿಯ ಕಲೆ, ಸಂಸ್ಕೃತಿ ವೀಕ್ಷಣೆಗೆ ಈ ಪ್ಯಾಕೇಜ್‌ ಎಂದು ಏಜೆನ್ಸಿ ಹೇಳಿಕೊಂಡಿದೆ. ಅದರಲ್ಲಿ ದೈವಾರಾಧನೆ ಜೊತೆ ಪ್ರವಾಸಿತಾಣಗಳನ್ನು ತೋರಿಸುವುದಾಗಿ ಪೋಸ್ಟ್ ಹಾಕಲಾಗಿದ್ದು, ಪ್ರತಿ ವ್ಯಕ್ತಿಗೆ 2,899ರೂ. ಟಿಕೆಟ್ ದರ ವಿಧಿಸಿದೆ

2,899 ರೂಪಾಯಿ ಕೊಟ್ಟರೆ ಈ ಟ್ರಿಪ್ ಪ್ಯಾಕೆಜ್ ನಲ್ಲಿ ಕಂಬಳ, ಭೂತಕೋಲ, ಟ್ರೆಕ್ಕಿಂಗ್ ಸೌಲಭ್ಯ ನೀಡುವುದಾಗಿ ಪೋಸ್ಟರ್ ಮಾಡಿದ್ದಾರೆ. ಈ ಟ್ರಾವೆಲ್‌ ಆಫರ್‌ ಪೋಸ್ಟರ್ ವೈರಲ್‌ ಆಗುತ್ತಿದ್ದಂತೆ ತುಳುನಾಡಿನ ನಂಬಿಕೆಯ ದೈವಾರಾಧನೆ ಹೆಸರಲ್ಲಿ ಹೊಸ ದಂಧೆ ಹುಟ್ಟಿಕೊಂಡಿದೆ ಎಂದು ತುಳುನಾಡಿನ ದೈವಾರಾಧಕರು ಸಿಡಿದು ದೇವರ ಹೆಸರಿನಲ್ಲಿ ಇಂತಹ ವ್ಯವಹಾರಕ್ಕೆ ಅವಕಾಶ ನೀಡುವುದಿಲ್ಲ ಎಂದು ಆಕ್ರೋಶ ಹೊರಹಾಕಿದ್ದಾರೆ.

ನಮ್ಮ ನಂಬಿಕೆಯ ಹೆಸರಿನಲ್ಲಿ ಅವರು ಬ್ಯುಸಿನೆಸ್‌ ಮಾಡುವುದನ್ನು ಯಾವುದೇ ಕಾರಣಕ್ಕೂ ಸಹಿಸುವುದಿಲ್ಲ. ದೈವ ಕೋಲ, ದೈವಾರಾಧನೆ, ಭೂತಾರಾಧನೆ ಇದು ನಮ್ಮ ನಂಬಿಕೆ. ಧಾರ್ಮಿಕ ಆಚರಣೆ. ಇದು ಯಾವುದೇ ಸಾಂಸ್ಕೃತಿಕ ಚಟುವಟಿಕೆ ಅಲ್ಲ. ಪ್ರವಾಸಿಗರು ದಂಡು ಬಂದು ನೋಡುವ ಉತ್ಸವ ಅಲ್ಲ. ಎಂದಿಗೂ ಇದನ್ನು ಬ್ಯುಸಿನೆಸ್‌ ಮಾಡಲು ಅವಕಾಶ ನೀಡಲ್ಲ ಎಂದು ತುಳುನಾಡಿನ ದೈವಾರಾಧಕರು ಟ್ರಾವೆಲ್‌ ಏಜೆನ್ಸಿ ವಿರುದ್ಧ ಕಿಡಿಕಾರಿದ್ದಾರೆ.

ಪೋಸ್ಟರ್‌ ಡಿಲಿಟ್‌

ಇನ್ನು ದೈವ ಕೋಲದ ಹೆಸರಲ್ಲಿ ಟೂರ್ ಪ್ಯಾಕೇಜ್‌ ಆಫರ್‌ ಪೋಸ್ಟರ್‌ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿ ಆಕ್ರೋಶ ವ್ಯಕ್ತವಾಗುತ್ತಿದ್ದಂತೆ. ಸಂಬಂಧಿಸಿದ ಟ್ರಾವೆಲ್‌ ಏಜೆನ್ಸಿ ತಮ್ಮ ಸಾಮಾಜಿಕ ಜಾಲತಾಣದಿಂದ ಈ ಪೋಸ್ಟರ್‌ ಅನ್ನು ಡಿಲೀಟ್‌ ಮಾಡಲಾಗಿದೆ.

ಪ್ಯಾಕೇಜ್‌ ಸಮರ್ಥಕರು ಏನೂ ಹೇಳುತ್ತಾರೆ ?

 ಆದರೇ ಇದೆ ವೇಳೆ ಈ ಟೂರ್‌ ಪ್ಯಾಕೇಜ್‌ ಬೆಂಬಲಕ್ಕೂ ಹಲವರು ನಿಂತಿದ್ದಾರೆ. ದೇಶದ ಪ್ರಸಿದ್ದ ದೇಗುಲವಾದ ತಿರುಪತಿ ತಿರುಮಲ ದೇವಸ್ಥಾನಕ್ಕೂ ಟೂರ್‌ ಪ್ಯಾಕೇಜ್‌ ಇದೆ . ಇದೆ ರೀತಿ ದೇಶದ ಬಹುತೇಕ ಎಲ್ಲ ದೇವಸ್ಥಾನಗಳ ಬೇಟಿಗೂ ಹೋಗುವವರಿಗೆ ವಿವಿಧ ಏಜೆನ್ಸಿಗಳು  ಟೂರ್‌ ಪ್ಯಾಕೇಜ್‌  ಘೋಷಿಸಿವೆ. ಅಲ್ಲಿಗೆ ಬರುವ ಯಾತ್ರಾರ್ಥಿಗಳು ದೇವರ ದರುಶನ ಪಾಡಿ ತಮ್ಮ ಇಷ್ಟಾರ್ಥ ಈಡೇರಿಸುವಂತೆ ಪ್ರಾರ್ಥಿಸಿ ತೆರಳುತ್ತಾರೆ. ಇದೆ ವ್ಯವಸ್ಥೆ ದೈವಾರಾಧನೆ ಟೂರ್‌ ಪ್ಯಾಕೇಜ್‌ ನವರು ಕಲ್ಪಿಸಿದರೇ ಅದರಲ್ಲಿ ತಪ್ಪೇನಿದೆ ? ಎನ್ನುವುದು ಕೆಲವರ ವಾದ. ದೈವರಾಧನೆ ವೀಕ್ಷಣೆಗೆಂದು ಬರುವವರು ಭೂತ ಕೋಲವನ್ನು ನೋಡಿ ಪ್ರಾರ್ಥನೆ ಸಲ್ಲಿಸಿ ಹೋಗುವುದಿದ್ದರೇ ಅದಕ್ಕೆ ಅಡ್ಡಿ ಪಡಿಸುವುದು ಸರಿಯೇ ಎನ್ನುವುದು ಅವರ ವಾದ

ಇನ್ನು ದೈವರಾಧನೆಯ ಹೆಸರಿನಲ್ಲಿ ಅವರು  ದುಡ್ಡು ಮಾಡುತ್ತಾರೆ  ಎನ್ನುವ ವಾದ ವಿರೋಧ ವ್ಯಕ್ತಪಡಿಸುವ ಗುಂಪಿನದು. ಆದರೇ  ಅದೇ ಯಾತ್ರಾರ್ಥಿಗಳು ತಮ್ಮದೇ ವಾಹನದಲ್ಲಿ ಅಥಾವ ಸಾರ್ವಜನಿಕ ವಾಹನದಲ್ಲಿ ಬಂದು ಭೂತಕೋಲ ವೀಕ್ಷಿಸಿದರೆ ಆಗ ಕೂಡ ಹಣ ಖರ್ಚು ಆಗುವುದಿಲ್ಲವೇ ? ಬಹಳಷ್ಟು ಜನರಿಗೆ ಭೂತ ಕೋಲ ನೋಡಲು ಹೇಗೆ ಬರಬೇಕು ಎನ್ನುವ ಸ್ಪಷ್ಟ ಮಾಹಿತಿಯಿಲ್ಲ . ಅಂತಹವರಿಗೆ ಟೂರು ಏಜೆನ್ಸಿಯವರು ಮಾರ್ಗದರ್ಶಿ ಯಾಕಾಗಬಾರದು ಎನ್ನುವ ಪ್ರಶ್ನೆಯನ್ನು ಹಲವರು ಕೇಳುತ್ತಿದ್ದಾರೆ.

 ಕೊರಗಜ್ಜ ದೈವದ ಕಾರಣೀಕತೆ ನಾಡಿನುದ್ದಕ್ಕೂ ಪಸರಿಸಿದ ಬಳಿಕ ಹೊರ ಜಿಲ್ಲೆಗಳಿಂದ ಬಹಳಷ್ಟು ಭಕ್ತರು ದೈವದ ಮೂಲಸ್ಥಾನವನ್ನು ಹುಡುಕಿಕೊಂಡು ಬರುತ್ತಿದ್ದಾರೆ. ಆದರೇ ಇವರ ದಾರಿ ತಪ್ಪಿಸುವ ಕೆಲಸವನ್ನು ಬಹಳಷ್ಟು ಜನ ಮಾಡುತ್ತಿದ್ದು ಬೇರೆಲ್ಲೊ ಕೊರಗಜ್ಜನ ಆರಾಧನೆ ಮಾಡುವಲ್ಲಿಗೆ ಕರೆದುಕೊಂಡು ಹೋಗಿ  ಇದೇ ಮೂಲಸ್ಥಾನ ಎಂದು ನಂಬಿಸಿ ವಂಚಿಸುತ್ತಿರುವ ಹಣ ಪೀಕಿಸುತ್ತಿರುವ ಹಲವು ಉದಾಹರಣೆಗಳು ನಮ್ಮ ಮುಂದಿದೆ.  ಹೀಗೆ ಭೂತ ಕೋಲ ವೀಕ್ಷಣೆಗೆ ಬರುವವರಿಗೆ  ಟೂರು ಏಜೆನ್ಸಿಯವರು ಭೂತ ಕೋಲವನ್ನು ತೋರಿಸುತ್ತೇನೆ ಈ ಮೂಲಕ ಇಲ್ಲಿನ  ಸಂಸ್ಕೃತಿಯನ್ನು ಹೊರ ಜಿಲ್ಲೆಯವರಿಗೆ ಪರಿಚಯಿಸುತ್ತೇನೆ ಎಂದರೆ ಅದು ತಪ್ಪಾಗುತ್ತದೆಯೇ ಎನ್ನುವುದು ಪರ ಇರುವವರ ವಾದ

ಬಹುತೇಕ ಪ್ರಸಿದ್ದ ಯಾತ್ರ ಕ್ಷೇತ್ರಗಳಲ್ಲಿ ವಿಐಪಿ ದರ್ಶನಕ್ಕೆ ಇಂತಿಷ್ಟು ಹಣ ಪಡೆದು ಶೀಘ್ರ ದೇವರ ದರುಶನಕ್ಕೆ ಅವಕಾಶ ಕಲ್ಪಿಸುವ ಪರಿಪಾಠವಿದೆ. ಇದನ್ನಾದರೂ ಒಂದು ರೀತಿಯಲ್ಲಿ ಹಣ ಮಾಡುವ ವ್ಯವಸ್ಥೆ ಎನ್ನಬಹುದು.  ಇಲ್ಲಿ ಅಂತಾಹ ಯಾವುದೇ ವ್ಯವಸ್ಥೆಯನ್ನು ಟೂರ್‌ ಪ್ಯಾಕೇಜ್‌ ನವರು ಘೋಷಿಸಿಲ್ಲ.. ಹೀಗಿರುವಾಗ ಏಜೆನ್ಸಿಯವರು ಸಂಸ್ಕೃತಿಯನ್ನು  ಹಾಳು ಮಾಡುತ್ತಾರೆ ಎಂದು ದೂರುವುದರಲ್ಲಿ ಅರ್ಥವಿಲ್ಲ ಎಮಬ ವಾದವನ್ನು ಅವರು ಮುಂದಿಡುತ್ತಾರೆ.

ಇನ್ನು ಭೂತಕೋಲ ಟೂರ್‌ ಪ್ಯಾಕೇಜ್‌ ನೊಟ್ಟಿಗೆ ಬೇರೆ ಪ್ರೇಕ್ಷಣಿಯ ಸ್ಥಳಗಳ ಸಂದರ್ಶನಕ್ಕೂ ಅವಕಾಶ  ಕಲ್ಪಿಸಿದ್ದಾರೆ ಇದರಿಂದ ಸಂಸ್ಕೃತಿಗೆ ಅಪಚಾರವಾಗುತ್ತಾದೆ ಎನ್ನುವವರು ಇಗಲೂ ಕುಕ್ಕೆ ಸುಬ್ರಹ್ಮಣ್ಯ, ಧರ್ಮಸ್ಥಳ, ಕಟೀಲು ದೇಗುಲಕ್ಕೆ ಬರುವವರು ಬಳಿಕ ಬೀಚ್‌ ನಲ್ಲಿ ಮೋಜು ಮಸ್ತಿ ಮಾಡಿ ಹೋಗುವುದಿಲ್ಲವೇ ? ಎಂದು ಅವರು ಪ್ರಶ್ನಿಸುತ್ತಾರೆ

ಇನ್ನು ಟೂರ್‌ ಪ್ಯಾಕೇಜ್‌ ಮಾರ್ಕೇಟಿಂಗ್‌ ಗೆ ಏಜೆನ್ಸಿಯವರು ಬಳಸಿದ ಪೋಸ್ಟರ್‌ ಸಂಸ್ಕೃತಿಯನ್ನು ಅಣಕ ಮಾಡುವಂತಿದೆ. ಹೀಗಾಗಿ ಆತನ ಉದ್ದೇಶದ ಬಗ್ಗೆ ನಮಗೆ ಸಂಶಯವಿದೆ ಎಂಬ ವಾದವನ್ನು ಹಲವರು ಮುಂದಿಡುತ್ತಿದ್ದಾರೆ. ಆದರೇ ಇದೆ ಒಂದು ಕಾರಣಕ್ಕೆ ಇಡಿ ಟೂರ್‌ ಪ್ಯಾಕೇಜನ್ನು ದೂರುವುದು ಎಷ್ಟು ಸರಿ ? ಬಹುತೇಕ  ದೇವಸ್ಥಾನ ಸಂದರ್ಶನದ  ಟೂರ್‌ ಪ್ಯಾಕೇಜ್‌ ಗಳ ಪೋಸ್ಟರ್‌ ಗಳಲ್ಲೂ ಈ ಸಮಸ್ಯೆಯಿದೆ ಎನ್ನುವುದು ಪರ ಇರುವವರ ವಾದ  

ದೈವಾರಧಾನೆಗೆ ಎಲ್ಲೆಯ ಮಿತಿ ಇರಬಹುದು ಆದರೇ ಅದರ ಭಕ್ತರಿಗೆ ಎಲ್ಲೆಯಿಲ್ಲ. ಹೀಗಾಗಿ ಯಾವುದೇ ಭಾಗದವರು ಬಂದು ಇಲ್ಲಿಯ ಸಂಸ್ಕೃತಿ, ಆರಾಧಾನ ಪದ್ದತಿಗೆ ಚ್ಯುತಿಯಾಗದಂತೆ ನಡೆದುಕೊಂಡರೆ ಅವರಿಗೆ ಅಡ್ಡಿಪಡಿಸುವುದು ಸರಿಯಾದ ಕ್ರಮವಲ್ಲ. ಟೂರ್‌ ಪ್ಯಾಕೇಜ್‌ ಆರಂಭಕ್ಕೂ ಮೊದಲೇ ಮೊಸರಲ್ಲಿ ಕಲ್ಲು ಹುಡುಕುವುದು ಸರಿಯಲ್ಲ. ಪ್ಯಾಕೇಜ್‌ ಆರಂಭಗೊಂಡ ಬಳಿಕ ಒಂದೊಮ್ಮೆ ಅದರಲ್ಲಿ ದೋಷ ಕಂಡು ಬಂದರೇ ಆಗ ಅದನ್ನು ವಿರೋಧಿಸುವುದು ಸರಿ ಎನ್ನುತ್ತದೆ ಸಮರ್ಥಕರ ವರ್ಗ