ಗ್ರಾ. ಪಂ ಉಪಚುನಾವಣೆ : ಪುತ್ತೂರು ತಾ. ಆರ್ಯಾಪು ಹಾಗೂ ಬಂಟ್ವಾಳ ತಾ. ನೆಟ್ಲ ಮುಡ್ನೂರುನಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿಗೆ ಗೆಲುವು – ಅನಂತಾಡಿಯಲ್ಲಿ ಕಾಂಗ್ರೆಸ್‌ ಬೆಂಬಲಿತ ಅಭ್ಯರ್ಥಿಗೆ ರೋಚಕ ಜಯ

ಪುತ್ತೂರು ತಾಲೂಕಿನ ಆರ್ಯಾಪು  ಬಂಟ್ವಾಳ ತಾಲೂಕಿನ ನೆಟ್ಲ ಮುಡ್ನೂರು ಹಾಗೂ ಅನಂತಾಡಿ  ಗ್ರಾ.ಪಂ ನ ತೆರವಾದ ಕ್ಷೇತ್ರಕ್ಕೆ  ಫೆ 25 ರಂದು   ನಡೆದ ಉಪಚುನಾವಣೆಯ ಮತ ಎಣಿಕೆ ಮುಗಿದಿದ್ದು ಫಲಿತಾಂಶ ಪ್ರಕಟವಾಗಿದೆ.   ಆರ್ಯಾಪು ಹಾಗೂ ನೆಟ್ಲ ಮುಡ್ನೂರು ವಾರ್ಡ್‌ ನಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳು ವಿಜೇತರಾದರೇ, ಅನಂತಾಡಿ ಕ್ಷೇತ್ರದಲ್ಲಿ ಕೂದಳೆಲೆಯ ಅಂತರದಲ್ಲಿ ಕಾಂಗ್ರೆಸ್ ಗೆಲುವು ಸಾಧಿಸಿದೆ  

ಪುತ್ತೂರು ತಾಲೂಕಿನ ಆರ್ಯಾಪು ಗ್ರಾ.ಪಂನ ಆರ್ಯಾಪು ವಾರ್ಡ್ ನಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿ ಯತೀಶ್ ದೇವರವರು 171 ಮತಗಳ ಅಂತರದಲ್ಲಿ ಜಯಗಳಿಸಿದ್ದಾರೆ. ಬಿಜೆಪಿ ಬೆಂಬಲಿತ ಅಭ್ಯರ್ಥಿ ಯತೀಶ್ ದೇವರವರು 498 ಮತಗಳನ್ನು ಪಡೆದರೆ, ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿ ಪ್ರಜ್ವಲ್ರೈ ತೊಟ್ಲರವರು  327 ಮತಗಳನಷ್ಟೆ ಪಡೆಯಲು ಶಕ್ತರಾದರು.

ಬಂಟ್ವಾಳ ತಾಲೂಕಿನ ನೆಟ್ಲಮುಡ್ನೂರು ವಾರ್ಡ್‌ ನಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿ 114 ಮತಗಳ ಅಂತರದಿಂದ ವಿಜಯಿಯಾಗಿದ್ದಾರೆ. ಅವರು 353 ಮತ ಸಂಪಾದಿಸಿದರೆ ಅವರ ಹತ್ತಿರದ  ಪ್ರತಿಸ್ಪರ್ಧಿ ಕಾಂಗ್ರೆಸ್‌ ಬೆಂಬಲಿತ ಅಭ್ಯರ್ಥಿ ಹರಿಣಾಕ್ಷಿ ಪೂಜಾರಿಯವರು 239ಗಳನಷ್ಟೆ ಪಡೆಯಲು ಶಕ್ತರಾದರು.

ಅನಂತಾಡಿ ವಾರ್ಡ್‌ ನಲ್ಲಿ ತುರುಸಿನ ಸ್ಪರ್ಧೆ ನಡೆದಿದ್ದು ಕಾಂಗ್ರೆಸ್‌ ಬೆಂಬಲಿತ ಅಭ್ಯರ್ಥಿ ಶಶಿಕಲಾ 12 ಮತಗಳ ಅಂತರದಲ್ಲಿ ಗೆಲುವಿನ ನಗೆ ಬೀರಿದರು. ಅವರು ಒಟ್ಟು 254 ಮತ ಸಂಪಾದಿಸಿದರು.  ಇವರ ಎದುರಾಳಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿ ಗೀತಾ ಚಂದ್ರಶೇಖರ್‌ 242 ಮತಗಳಿಗೆ ತೃಪ್ತಿ ಪಟ್ಟುಕೊಂಡರು